បញ្ហាស្ត្រីផ្សេងទៀត

ធ្លាក់សបែបណាធម្មតា បែបណាបណ្តាលមកការឆ្លងមេរោគ?

ការធ្លាក់ស ឬទឹករំអិលគឺជារឿងដែលចៀសមិនផុតរបស់ស្រ្តី ព្រោះប្រយោជន៍របស់ការធ្លាក់ស ឬទឹករំអិលគឺជួយសម្អាតទ្វារមាស និងជួយ ឱ្យទ្វារមាសមានសំណើម ដើម្បីការពារការឆ្លងមេរោគ។ ប៉ុន្តែការធ្លាក់ស ឬទឹករំអិលមួយចំនួនក៏អាចបណ្តាលមកពីការឆ្លងមេរោគ ឬជំងឺដែរ។ ធ្វើម៉េចដឹងថា យើងធ្លាក់ស ឬទឹករំអិលធម្មតា ឬបណ្តាលមកពីការឆ្លងមេរោគ ឬជំងឺ? ការធ្លាក់ស ឬទឹករំអិលគឺជាការធ្លាក់សារធាតុរាវចេញពីទ្វារមាសដែល ភាគច្រើនផ្សំពីទឹក ទឹករំអិល បាក់តេរីល្អ និងកោសិកាចេញពីទ្វារមាស និងមាត់ស្បូន។ ប្រសិនបើយើងស្ថិតក្នុងវ័យមករដូវ យើងអាចមានការធ្លាក់ស ឬទឹករំអិលពី ១ ទៅ ៤ មីល្លីលីត្រក្នុងមួយថ្ងៃដែលប្រហែលកន្លះ ទៅ ១ ស្លាបព្រាកាហ្វេ។ ១. ការធ្លាក់ស ឬទឹករំអិលធម្មតា ជាទូទៅ ការធ្លាក់ស ឬទឹករំអិលអាចមានពណ៌ស ឬថ្លា រាវ ឬខាប់ និងគ្មានក្លិនអាក្រក់។ ពណ៌ និងសណ្ឋានរបស់ការធ្លាក់ស ឬទឹករំអិលអាចប្រែប្រួលទៅតាមវដ្តរដូវ។ ជាទូទៅ យើងអាចធ្លាក់ស ឬទឹករំអិលរាងខាប់នៅពាក់កណ្តាលវដ្តរដូវ ដែលជាពេលកំពុងបញ្ចេញពងអូវុល ឬបញ្ចេញពងចេញពីអូវែ ពេលបំបៅកូនដោយទឹកដោះ ឬនៅពេលមានចំណង់ផ្លូវភេទ ឬពេលប្រើថ្នាំពន្យារកំណើត។ ចំណែកស្រ្តីពពោះអាចមានការធ្លាក់ស ឬទឹករំអិលច្រើន។ ការប្រែប្រួលទាំងនេះសុទ្ធតែជារឿងធម្មតាទេ។ ២. ការធ្លាក់ស ឬទឹករំអិលបណ្តាលមកពីការឆ្លងមេរោគ […]

បញ្ហាស្ត្រីផ្សេងទៀត

រមួលក្រពេញអូវែបណ្តាលមកពីកត្តាអ្វីខ្លះ? អ្នកណាខ្លះមានហានិភ័យខ្ពស់?

ការរមួលក្រពេញអូវែកើតឡើងនៅពេលដែលក្រពេញមួយនេះបត់ជុំវិញសរសៃចង ដែលស្ថានភាពមួយនេះ ចាំបាច់ត្រូវធ្វើការព្យាបាលភ្លាមៗ ដើម្បីបញ្ចៀសការបាត់បង់ក្រពេញអូវែ។ ពិតណាស់ ការរមួលក្រពេញអូវែ គឺជារោគស្ត្រីទូទៅដែលគ្រោះថ្នាក់បំផុតមួយ ដែលអាចបណ្តាលឲ្យបញ្ឈប់លំហូរឈាមទៅកាន់ក្រពេញអូវែ ជាហេតុនាំឲ្យងាប់ជាលិកានៅក្នុងក្រពេញអូវែ។ កត្តាហានិភ័យនៃការរមួលក្រពេញអូវែមានអ្វីខ្លះ? ការរមួលក្រពេញអូវែ កម្រនឹងកើតឡើងណាស់ ប៉ុន្តែបញ្ហាមួយនេះ អាចប៉ះពាល់ដល់គ្នាយើងគ្រប់វ័យ។ ក្រុមអ្នកស្រាវជ្រាវបានកំណត់ពីកត្តាជាក់លាក់ ដែលអាចបង្កើនហានិភ័យនៃការរមួលក្រពេញអូវែ ដែលរួមមាន៖ ស្ថិតក្នុងវ័យបន្តពូជ មានផ្ទៃពោះ មានដុំសាច់ ឬគីសក្រពេញអូវែដែលមិនមែនជាមហារីក ការព្យាបាលឲ្យមានកូន ដែលជំរុញការបញ្ចេញពងអូវុល និងបង្កើនហានិភ័យនៃការកើតគីសអូវែ។ រោគសញ្ញានៃការរមួលក្រពេញអូវែ រមួលក្រពេញអូវែអាចមានរោគសញ្ញាជាច្រើន ដែលរួមមាន៖ ឈឺចាប់ពោះផ្នែកខាងក្រោម ឬឆ្អឹងអាងត្រគាក ឈឺចាប់ដែលរាលដាលដល់ខ្នងផ្នែកខាងក្រោម ឬចំហៀង ឈឺដូចត្រូវគេចាក់ ការឈឺចាប់ដោយសារបញ្ហារមួលក្រពេញអូវែ អាចម្តងឈឺម្តងបាត់ នេះពីព្រោះតែក្រពេញអូវែអាចរមួល ឬមិនរមួលទៅតាមពេលវេលា។ ចង់គណនា BMR ចុចទីនេះ! ចង់ពិនិត្យជំងឺមហារីកសុដន់ ចុចទីនេះ! ចង់ពិនិត្យជំងឺមហារីកមាត់ស្បូន ចុចទីនេះ! រោគសញ្ញាគ្រោះថ្នាក់ ក្នុងករណីដែលការរមួលក្រពេញអូវែ ចាប់ផ្តើមធ្វើឲ្យងាប់ជាលិកានៅក្នុងក្រពេញអូវែ រោគសញ្ញាអាចរួមមាន៖ គ្រុនក្តៅចាប់ពី៣៨អង្សាសេ ឬខ្ពស់ជាងនេះ ធ្លាក់ឈាមទ្វារមាស ធ្លាក់ទឹករម្អិលទ្វារមាសមិនប្រក្រតី រឹងក្នុងពោះ និងឈឺខ្លាំងមិនអាចប៉ះបាន។ ក្នុងករណីដែលគ្នាយើងប្រឈមនឹងរោគសញ្ញាទាំងនេះ គួរទាក់ទងទៅកាន់គ្រូពេទ្យរោគស្ត្រីភ្លាមៗ ជាពិសេសសម្រាប់អ្នកដែលកំពុងពពោះ ឬមានគីសអូវែ។ រោគសញ្ញាខាងលើ អាចបញ្ជាក់ពីការងាប់ជាលិកា ដែលអាចនាំឲ្យយើងបាត់បង់អូវែ។ [embed-health-tool-ovulation] ការព្យាបាលនៃបញ្ហារមួលក្រពេញអូវែ មានតែការវះកាត់តែមួយគត់ ដែលអាចព្យាបាលបញ្ហារមួលអូវែនេះបាន។ ស្ត្រីច្រើនជាង៩០%ដែលធ្វើការវះកាត់ អាចជាសះស្បើយជាមួយនឹងមុខងារពេញលេញនៃអូវែ។ យ៉ាងណាមិញ ប្រសិនបើគ្រូពេទ្យរកឃើញការលូតលាស់នៃកោសិកាមហារីក នោះអ្នកជំងឺអាចនឹងតម្រូវឲ្យធ្វើការកាត់ក្រពេញនេះចេញផងដែរ។ អត្ថបទគួរអាន៖ ជំងឺគីសស្រទាប់រដូវក្រពេញអូវ៉ែ […]