រាង​ស្រីៗ​មាន៥ប្រភេទនេះ តើ​គ្នា​យើង​ស្ថិត​ក្នុង​ប្រភេទមួយណា?

    រាង​ស្រីៗ​មាន៥ប្រភេទនេះ តើ​គ្នា​យើង​ស្ថិត​ក្នុង​ប្រភេទមួយណា?

    បើដឹងខ្លួនឯងមានរាងប្រភេទណានោះ អាចជួយឲ្យចេះជ្រើសយកការស្លៀកពាក់មើលទៅកាន់តែស្អាត។ ការពិតទៅ រាងកាយមនុស្សស្រី ត្រូវបែងចែកជា ៥ ប្រភេទ។ ចង់ដឹងថា ប្រភេទមួយៗខុសគ្នាយ៉ាងម៉េច អត់?

    មិនថាគ្នាយើងមានរូបរាងបែបណា យើងនៅតែអាចស្អាតបានទាំងអស់ ទោះបីធាត់ ឬស្គមក៏ដោយ។ ភាពស្រស់ស្អាតមិនមែនជាស្តង់ដារទូទៅទេ វាអាស្រ័យលើភ្នែកគ្រប់គ្នាមើលមក។ រូបរាងនីមួយៗសុទ្ធតែមានភាពស្រស់ស្អាតផ្សេងពីគ្នា។

    ១- ចង្កេះអង្ក្រង

    ស្រីៗមានរូបរាងប្រភេទ Hourglass figures ចាត់ទុកថាជារាងស្អាតបំផុត។ សម្រាប់ស្រីៗមានរាងបែបនេះ មាន ចង្កេះរៀវតូច តែត្រគាក និងដើមទ្រូងទំហំប៉ុនគ្នា មើលទៅសិចស៊ី គួរឲ្យគយគន់បំផុត ឬយើងហៅថា ចង្កេះអង្ក្រង។

    ២- រាងត្រីកោណបញ្ច្រាស

    រាងកាយស្ត្រីល្អលំដាប់ទី២ ជាមួយត្រគាក និងចង្កេះតូចល្មម សមគ្នាជាមួយដើមទ្រូង និងស្មាធំទូលាយ ហើយជើងវែងស្រលូន រឹតតែបង្កើនភាពទាក់ទាញបំផុត។

    ៣- រាងដូចផ្លែប៊ឺរ

    ស្ត្រីមានរាងបែបនេះ មានទំហំដើមទ្រូងតូចជាងទំហំត្រគាក ហើយចង្កេះរៀវស្អាត។ ជើងខ្លី ខ្លួនខ្លី ស្មាតូចចង្អៀត ភ្លៅធំ និងគូទរាងមូលក្លំ

    ៤- រាងចតុកោណ

    ស្ត្រីមានរូបរាងបែបនេះ មានរាងបួនជ្រុងស្មើដើមទ្រូង ត្រគាកមានទំហំស្មើគ្នា ចំណែកជើង និងដៃតូចៗ។ ដើមទ្រូងសមនឹងរាងកាយ ដងខ្លួនជើងវែង និងកំប៉េះគូទរាងសំប៉ែត។

    ៥- រាងធាត់

    រូបរាងពិសេសទូទៅមួយ មានចង្កេះមូល ក្បាលពោះប៉ោង ឬផត ត្រគាកធំទូលាយ ហើយផ្នែកខាងលើភ្លៅធំៗ។ ចំណុចដែលលេចធ្លោ គឺស្មា ចង្កេះ និងត្រគាក។ ស្រីៗអាចមានការប្រែប្រួលពីរាងកាយតូចស្ដើង ទៅជារាងធាត់នៅពេលណាមួយ។

    ចុះគ្នាយើងវិញ​មានរាងយ៉ាងម៉េច? ប្រភេទមួយណា?

    Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

    រូបថត​របស់​អ្នក​និពន្ធbadge
    ដោយ ទូច សុខា កែសម្រួល​ចុងក្រោយ 13/10/2021
    ត្រួតពិនិត្យដោយ វេជ្ជ. ចាន់ ស៊ីណេត