ទំនងជាមានស្រីៗយើងមិនតិចគ្នាទេ ដែលធ្លាប់សួរខ្លួនឯងយ៉ាងតិចក៏ម្ដងដែរ ថាតើគួរស្លៀកខោក្នុង ឬអត់។ មានមនុស្សស្រីមួយចំនួនគឺមានអារម្មណ៍ស្រួលក្នុងខ្លួនពេលមិនស្លៀកខោក្នុង តែក៏មានមនុស្សស្រីយើងមួយចំនួនផ្សេងទៀត គិតថា ការធ្វើបែបនេះគឺមិនមែនជារឿងល្អសម្រាប់មនុស្សស្រីនោះទេ។ តាមការពិតទៅរឿងមិនស្លៀកខោក្នុងគឺមិនមែនជារឿងធំដុំអ្វីឡើយ។ ខាងក្រោមនេះ “Hello គ្រូពេទ្យ” នឹងលើកឡើងពីមូលហេតុមួយចំនួននាំឲ្យស្រីៗមួយចំនួនឈប់ស្លៀកខោក្នុងនិងគិតថាជារឿងល្អ។
ពិតអត់! ស្រីៗអត់ស្លៀកខោក្នុងមានអារម្មណ៍សិចស៊ី និងផាសុកភាពជាងមុន?
ត្រួតពិនិត្យដោយ គឹម កាណែល
១- ការពារការឆ្លងរោគ
បើប្រដាប់ភេទស្រីៗគ្នាយើង ងាយមានអាការៈរកាំនោះ គ្រូពេទ្យអាចណែនាំឲ្យយើងកុំស្លៀកខោក្នុងមិនខាន។ អ្នកជំនាញរោគស្ត្រីជាច្រើន ពិសេសនៅបរទេស ជឿថា អត់ស្លៀកខោក្នុងអាចជួយកាត់បន្ថយបញ្ហារមាស់ និងធ្វើឲ្យស្រីៗមានអារម្មណ៍ស្រួលខ្លួនថែមទៀតផង។ ខោក្នុងអាចធ្វើឲ្យទ្វារមាសថប់ខ្យល់ ព្រោះទ្វារមាសជាកន្លែងមានសំណើមច្រើន។ ក្រៅពីនេះ ពេលយើងស្លៀកខោក្នុងរឹបជិត ជាតិសំណើមនៅខាងក្នុងនឹងមិនអាចចេញមកក្រៅបាន បណ្ដាលឲ្យក្លាយទៅជាកន្លែងសមស្របសម្រាប់ឲ្យពពួកបាក់តេរីរីកលូតលាស់ទៅវិញ។
អត្ថបទពាក់ព័ន្ធ៖
២- មិនលេចស្នាមខោចេញមកក្រៅ
ស្រីៗជាច្រើនគិតថា វាជារឿងគួរឲ្យអៀនខ្មាសពេលអ្នកផ្សេង ពិសេសប្រុសៗ អាចមើលឃើញទម្រង់ខោក្នុងពីខាងក្រៅនោះ។ មូលហេតុនេះ មិនបាច់ស្លៀកខោក្នុងយើងក៏មិនចាំបាច់ត្រូវខ្វាយខ្វល់អំពីរឿងនេះទៀតដែរ។ ប៉ុន្តែ ត្រូវមានការប្រុងប្រយ័ត្នផ្នែកខាងមុខ ពេលស្រីៗគ្នាយើងស្លៀកខោលេចរាងខ្លាំង នោះអាចនឹងធ្វើឲ្យរូបរាងប្រដាប់ភេទយើងលេចចេញជារូបរាងមកខាងក្រៅបានដែរ។
៣- មានអារម្មណ៍សិចស៊ីជាងមុន
ស្រីៗមួយចំនួន បង្ហាញពីអារម្មណ៍ពិតថា ខ្លួនមានអារម្មណ៍កាន់តែសិចស៊ីថែមទៀតពេលមិនស្លៀកខោក្នុងនេះ។ ពិសេសបើស្រីយើងមិនចង់ចំណាយច្រើនលើខោក្នុងបែបសិចស៊ី យើងអាចបោះបង់ការស្លៀកខោក្នុងនេះបាន។ យ៉ាងណា យើងក៏មិនចាំបាច់ប្រាប់អ្នកផ្សេងពីរឿងយើងស្លៀក ឬមិនស្លៀកខោក្នុងនោះដែរ គ្រាន់តែដឹងខ្លួនយើងម្នាក់ឯងទៅបានហើយ បែបនេះ គ្នាយើងអាចរីករាយជាមួយអារម្មណ៍ពោរពេញដោយភាពជឿជាក់ ក៏ដូចជារកឃើញថាមពលដ៏អស្ចារ្យថ្មីមួយ។
អត្ថបទពាក់ព័ន្ធ:
- ផឹកទឹកខ្ញីមួយកែវរៀងរាល់ថ្ងៃ ផ្ដល់ប្រយោជន៍សុខភាពយ៉ាងតិច៧យ៉ាង
- គុណប្រយោជន៍សុខភាព ៨ យ៉ាង បានពីការញ៉ាំទឹកឃ្មុំមុនចូលគេង
- ផឹកទឹកដោះគោមួយកែវមុនចូលគេង ផ្ដល់អត្ថប្រយោជន៍ច្រើនដល់សុខភាព
៤- ស្រួលស្លៀកខោជើងវែង
ស្រីគ្រប់គ្នាសុទ្ធតែដឹងហើយថា ខោក្នុងទាំងអស់មិនមែនសុទ្ធតែស្លៀកត្រូវជាមួយខោជើងវែងដែលស្លៀកពីខាងក្រៅទាំងអស់ទេ។ ខោក្នុងអាចធ្វើឲ្យយើងមានអារម្មណ៍តឹងចង្អៀត នាំឲ្យពិបាកក្នុងការស្លៀកខោក្រៅមួយជាន់ទៀត។ មានខោខៅប៊យមួយចំនួន មើលទៅសមគ្នាជាមួយខោក្នុងសិចស៊ីបែបចង់ខ្សែ ឬស្បៃ ពេលខ្លះក៏មើលទៅមិនសក្តិសមដែរ។ បើអ៊ីចឹងដដែល ហេតុអីត្រូវចំណាយលុយទិញខោក្នុងថ្លៃៗទាំងនោះ យើងអាចជ្រើសយកវិធីយ៉ាងងាយៗ ដោយមិនចាំបាច់ត្រូវស្លៀកខោក្នុងក៏បាន។ បើមិនស្លៀកខោក្នុង ប្រហែលជាអាចមានអារម្មណ៍ថា ដងខ្លួនយើងតូចជាងមុន អាចធ្វើឲ្យយើងកាន់តែទុកចិត្ដលើខ្លួនឯង។
៥- កាន់តែងាយស្រួល
មានពេលខ្លះអស់ខោក្នុងស្លៀក អត់ទាន់បានបោក ច្បាស់ជាមានអារម្មណ៍ហេងហាងមិនខាន ពិសេសបើប្រញាប់ចេញទៅក្រៅ មិនដឹងត្រូវធ្វើដូចម្ដេចទេ? គ្នាយើងក៏មិនចង់ស្លៀកខោក្នុងប្រឡាក់ ឬមានក្លិនមិនល្អដែរ ត្រូវអត់? បើមិនចង់ ហើយយើងរវល់ខ្លាំងរហូតមិនមានពេលគ្រប់គ្រាន់បោកគក់ខោក្នុងទាន់ពេល ឬមិនអាចទ្រាំចាំទម្រាំស្ងូតមុនពេល ហើយចាំបាច់ត្រូវចេញទៅខាងក្រៅ អាចសាកល្បងប្រើវិធីងាយស្រួល មិនចាំបាច់ត្រូវស្លៀកខោក្នុងមួយថ្ងៃសាកមើល៍ ប្រហែលជាអាចទទួលបានអារម្មណ៍ថ្មីប្លែកក៏ថាបាន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
គឹម កាណែល
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម