កំហុសទាំង ៧ ស្រីៗភាគច្រើនតែងធ្វើខុស ពេលសម្អាតទ្វារមាស
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
បើទ្វារមាសរបស់យើងមានបញ្ហារមាស់ នោះបានន័យថាយើងមិនបានយកចិត្ដទុកដាក់ថែរក្សាសុខភាពរបស់វាបានល្អនោះទេ។មនុស្សស្រីយើងជាច្រើន ជឿថាទ្វារមាសចេះសម្អាតដោយខ្លួនឯង ដែលនេះគឺជាការពិត តែទោះជាយ៉ាងណាក្ដី ក៏យើងត្រូវតែចាំបាច់ថែរក្សា សម្អាតវាដដែល។ ទទន្ទឹមនឹងនេះដែរ ក៏មានមនុស្សជាស្រីច្រើន សម្អាតទ្វារមាសរបស់ខ្លួនមិនបានត្រឹមត្រូវ ដែលជាហេតុធ្វើឲ្យមានបញ្ហាជាច្រើន កើតឡើងនៅកន្លែងនោះ។
បើតាមការលើកឡើងរបស់លោកស្រីវេជ្ជបណ្ឌិត D. Pratima Thamke ជាគ្រូពេទ្យផ្នែកសម្ភព និងរោគស្រ្តី បានបង្ហាញថា កំហុសដែលមនុស្សស្រី ធ្វើខុសពេលសម្អាតទ្វារមាសរបស់ខ្លួន នោះគឺការបាញ់ទឹកលាងសម្អាតទ្វារមាស (douching)។
ដោយសារមនុស្សជាច្រើន យល់ថាការបាញ់ទឹកលាងបែបនេះ គឺជាវិធីល្អដើម្បីសម្អាតទ្វារមាស តែផ្ទុយទៅវិញ វាបានធ្វើឲ្យបាត់បង់តុល្យភាពរបស់បាក់តេរីល្អៗ ក្នុងទ្វារមាស។
ក្រៅពីការបាញ់ទឹកលាងសម្អាតទ្វារមាស លោកស្រីវេជ្ជបណ្ឌិត Dr. Thamke បានលើកឡើងអំពីកំហុសផ្សេងៗ ចំនួន ៧ទៀត ដែលធ្វើឲ្យប៉ះពាល់ដល់ទ្វារមាសរបស់មនុស្សស្រី។
១- យកដៃមិនស្អាតទៅប៉ះទ្វារមាស
សម្អាតដៃឲ្យស្អាត មុនពេលយកទៅប៉ះទ្វារមាសរបស់ខ្លួន។ ដៃមិនស្អាត គឺជាប្រភពនៃបាក់តេរី និងវីរុស ទៅបំផ្លាញមេរោគល្អៗក្នុងទ្វារមាសបាន។
២- មិននោមក្រោយពេលទើបរួមភេទរួច
ពេលយើងនោម ក្រោយពេលរួមភេទរួច វាជួយកាត់បន្ថយភាគរយ ធ្វើឲ្យយើងប្រឈមមុខជាមួយជំងឺរលាកផ្លូវបង្ហួរនោម និងអាចទៅសម្អាតបាក់តេរី ដែលជាប់ក្នុងទ្វារមាសដូចគ្នា។ ដោយសារទ្វារមាសមានជាតិបាស ដូចនេះវាអាចធ្វើឲ្យប្រព័ន្ធការពារក្នុងទ្វារមាស មានការប្រែប្រួល ទើបបានជាគេណែនាំឲ្យយើងប្រញ៉ាប់ទៅនោមចេញ និងសម្អាតទ្វារមាសថ្នមៗ ក្រោយពេលរួមភេទរួច។
៣- ញ៉ាំជាតិស្ករច្រើនពេក
កម្រិតស្ករច្រើនក្នុងឈាម ជាសត្រូវសម្រាប់សុខភាពទ្វារមាសរបស់មនុស្សស្រី ដែលវាអាចបណ្ដាលឲ្យមនុស្សស្រីកើតជំងឺផ្សិត។ ដូចនេះ ប្រសិនបើយើងមានជំងឺទឹកនោមផ្អែម យើងត្រូវប្រុងប្រយ័ត្នឲ្យបានខ្ពស់។
៤- ស្លៀកខោក្នុងសាច់រលោង (synthetic panties)
វាជាការពិត ដែលមនុស្សស្រីចូលចិត្ដស្លៀកខោក្នុងប្រភេទសាច់រលោង ដោយសារតែវាមើលទៅឃើញស្អាត និងសិចស៊ី ប៉ុន្តែខោក្នុងប្រភេទនេះ មិនអាចស្រូបជាតិញើសជក់បានល្អនោះទេ។ ញើសគឺជាមូលហេតុចម្បង ធ្វើឲ្យមនុស្សស្រី មានបញ្ហាជំងឺផ្សិត នៅត្រង់តំបន់ប្រដាប់ភេទរបស់ខ្លួន។ ការស្លៀកខោក្នុងរឹបខ្លាំងពេក ក៏មិនមែនជាការល្អដែរ ដោយសារតែវាមិនអាចឲ្យញើសហូរចេញ និងស្ងួតបាន។ មនុស្សស្រីគួរតែស្លៀកខោក្នុង ដោយរើសយកសាច់កប្បាស ជាពិសេសពេលនៅរដូវក្ដៅ។ បើយើងបែកញើសច្រើន សូមកុំប្រើម្សៅ talcum នៅត្រង់ទ្វារមាសឲ្យសោះ ដោយសារតែម្សៅប្រភេទនេះ អាចធ្វើឲ្យយើងប្រឈមមុខជាមួយការចម្លងរោគនៅទ្វារមាស។
៥- ប្រើសាប៊ូ ឬស្ព្រៃយ៍ មានក្លិនក្រអូប
ប្រើសាប៊ូ ឬស្ព្រៃយ៍ មានក្លិនក្រអូប អាចធ្វើឲ្យប៉ះពាល់ដល់តុល្យភាពរបស់កម្រិត pH ក្នុងទ្វារមាស ដែលវាជាហេតុអាចបង្កឲ្យមានការចម្លងរោគ ដូចជាមេរោគ chlamydia ជាដើម។
៦- លាងសម្អាតទ្វារមាសមិនត្រូវរបៀប
ពេលលាងសម្អាតទ្វារមាស យើងត្រូវសម្អាតពីខាងមុខទៅក្រោយ គឺសម្អាតពីទ្វារមាស ទៅរន្ធគូទ។ បើយើងលាងបញ្ច្រាស់ នោះដូចនាំពពួកបាក់តេរីពីរន្ធគូទ ចូលមកក្នុងទ្វារមាសរបស់អ៊ីចឹង។
៧- ប្ដូរសំឡីអនាម័យ និងតំប៉ុង
កុំទុកសំឡីអនាម័យ ឬតំប៉ុងឲ្យនៅក្នុងទ្វារមាសជោគឈាមរដូវយូរពេក ដោយសារតែវាអាចបង្កឲ្យមានបញ្ហារមាស់ និងមានការចម្លងរោគ។ ប្រសិនបើយើងមានឈាមរដូវមកច្រើន គួរប្ដូរសំឡីក្នុងរយៈពេល ៤ម៉ោងម្ដង។ បើឈាមរដូវហូរមិនសូវច្រើន យើងអាចប្ដូរសំឡី ៦ម៉ោងម្ដងបាន។ សម្រាប់តំប៉ុងវិញ អ្នកត្រូវប្ដូរវាចេញ ក្នុងរយៈពេល ៤ម៉ោងម្ដង។
ស្រីៗយើងត្រូវស្វែងយល់អំពីកំហុសបន្តិចបន្តួចទាំងអស់នេះ ហើយមិនគួរទិញថ្នាំផ្ដេសផ្ដាស់មកលេប ពេលយើងមានបញ្ហាមិនស្រួលនៅត្រង់ប្រដាប់ភេទជាដាច់ខាត។ បើយើងសង្កេតឃើញ បញ្ហាណាមួយមិនប្រក្រតីអាចទៅជួបពិគ្រោះជាមួយគ្រូពេទ្យជំនាញឲ្យបានលឿន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម