បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
បើមានកំហុសឆ្គងណាមួយ សូមប្រាប់ពួកយើងដើម្បីកែតម្រូវ
ថ្វីត្បិតតែ Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនក៏ពិតមែន ប៉ុន្តែពួកយើងពិតជាស្វាគមន៍រាល់មតិកែលម្អិតទាំងអស់របស់លោកអ្នកដែលតែងតែតាមដាន Hello គ្រូពេទ្យ ជាប្រចាំ។ សូមវាយបញ្ចូលមតិយោបល់របស់លោកអ្នកក្នុងប្រអប់ខាងក្រោម។
ស្រីៗយើងមានដៃគូរួមភេទ បើមានចេញអាការៈរមាស់ ហើម ឬក្រហាយនៅលើប្រដាប់ភេទ ក្រោយពីរួមភេទរួច ទំនងជាសញ្ញាមួយថាយើងមានបញ្ហាអាលែកហ្ស៊ីនឹងទឹកកាមហើយ។
បញ្ហាអាលែកហ៊្សីនឹងទឹកកាមនេះ ជាករណីកម្រមិនងាយកើតមាននោះទេ ហើយច្រើនកើតលើស្រីៗក្នុងវ័យខ្ទស់២០ឆ្នាំ ឬវ័យ៣០ឆ្នាំតិចតួច។ បើស្រីៗយើងឃើញមានសញ្ញាទាំងនេះកើតមានក្រោយរួមភេទ អាចថាយើងមានបញ្ហាអាលែកហ្ស៊ីនឹងទឹកកាមហើយ។
អាការៈមានដូចជា៖
អាការៈទាំងនេះអាចកើតមាននៅលើដងខ្លួន លើប្រដាប់ភេទ នៅលើដៃ មាត់ និងរន្ធគូទជាដើម។ បញ្ហាអាលែកហ្ស៊ីទឹកកាមនេះ អាចបង្កឡើងដោយប្រូតេអ៊ីននៅក្នុងទឹកកាមរបស់បុរស ដែលអាចមកពីថ្នាំកំពុងប្រើប្រាស់ អាហារដែលបានញ៉ាំមានពពួកអាលែកហ្ស៊ែន ដែលជាធាតុបង្កអាលែកហ្ស៊ី។
បើស្រីយើងជួបបញ្ហានេះ គួរទៅជួបពិភាក្សាជាមួយគ្រូពេទ្យដើម្បីរកវិធីព្យាបាល ពិសេសបើយើងកំពុងចង់បានកូនទៀតនោះ។ ការមានបញ្ហាអាលែកហ្ស៊ីទឹកកាមមិនមែនមានន័យថាយើងមិនអាចមានកូនបាននោះទេ គ្រាន់តែថាយើងពិបាកក្នុងការរួមភេទប៉ុណ្ណោះ ហើយការពិភាក្សាជាមួយគ្រូពេទ្យ គឺដើម្បីទទួលបានការព្យាបាលត្រឹមត្រូវ និងអាចមានកូនបាន។
សម្រាប់អ្នកមិនចង់បានកូនវិញ ការប្រើស្រោមអនាម័យពេលរួមភេទជាជំរើសល្អមួយ ដើម្បីបង្ការបញ្ហាអាលែកហ៊្សីទឹកកាមនេះ។ មួយវិញទៀត មានការសិក្សាមួយបាននិយាយថាការរួមភេទញឹកញាប់ក៏អាចជួយឲ្យស្រីៗយើងបានធូរស្បើយពីបញ្ហានេះដែរ តែថាវិធីនេះត្រូវតែឆ្លងកាត់ការប្រឹក្សាយោបល់ជាមួយគ្រូពេទ្យជាមុន មិនអាចប្រថុយប្រថានដោយគ្មានការប្រឹក្សានោះទេ។
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.mayoclinic.org/diseases-conditions/infertility/expert-answers/semen-allergy/faq-20058370
https://www.webmd.com/allergies/news/20061113/semen-allergies-helped-by-frequent-sex
https://www.healthline.com/health/healthy-sex/semen-allergy
