អ្នកកើតអង្គែ ធុញអត់? ធ្លាប់សាកច្រើនវិធីហើយ នៅតែមិនបាត់? ចុះធ្លាប់ឆ្ងល់អត់ ថាម៉េចបានវាកើត? ថ្ងៃនេះ “Hello គ្រូពេទ្យ” សុំបកស្រាយលម្អិតម្ដង!
ការមករដូវចុងក្រោយ
ប្រាកដហើយថា អ្នកចង់ចាកចេញ?
អ្នកកើតអង្គែ ធុញអត់? ធ្លាប់សាកច្រើនវិធីហើយ នៅតែមិនបាត់? ចុះធ្លាប់ឆ្ងល់អត់ ថាម៉េចបានវាកើត? ថ្ងៃនេះ “Hello គ្រូពេទ្យ” សុំបកស្រាយលម្អិតម្ដង!
អង្គែកើតឡើងពេលស្បែកក្បាលស្ងួត ឬឡើងខ្លាញ់ច្រើន ធ្វើឲ្យស្បែកក្បាលងាប់ដែលមានរាងជាបន្ទះៗ។ អង្គែមិនប៉ះពាល់សុខភាពទេ គ្រាន់តែពេលខ្លះ ធ្វើឲ្យយើងបាត់ទំនុកចិត្ត ឬខ្មាសគេ។
១- ម៉េចបានមានអង្គែ?
ស្បែកក្បាលមានដំណើរការលូតលាស់ និងជម្រុះកោសិកាស្បែក។ មានអង្គែ ព្រោះដំណើរការនេះកើតលឿនខ្លាំង ហើយជាតិប្រេងដែលស្បែកក្បាលផលិត ធ្វើឲ្យកោសិកាងាប់ស្អិតជាប់គ្នា បង្កើតជាបន្ទះសៗ។
អង្គែអាចកើតដោយបញ្ហាជាច្រើនដូចជា៖
– រលាកស្បែក៖ Seborrheic dermatitis ឬជំងឺរលាកស្បែក បង្កដោយក្រពេញបញ្ចេញខ្លាញ់ដំណើរការខ្លាំងជ្រុល ធ្វើឲ្យកើតអង្គែ។ ស្បែកក្បាលឡើងក្រហម រោលរមាស់ រងើមមានខ្លាញ់ច្រើន ពេញដោយបន្ទះស្រកាពណ៌ស ឬលឿង។ ក្រៅពីស្បែកក្បាល កន្លែងផ្សេងទៀតដែលមានខ្លាញ់ច្រើន ក៏អាចប៉ះពាល់ដែរ ដូចជា ចិញ្ចើម ចំហៀងច្រមុះ ឆ្អឹងទ្រនុងទ្រូង ក្រលៀន និងក្លៀក។
– អនាម័យសក់មិនល្អ៖ បើមិនកក់សក់ជាប្រចាំទេ ជាតិប្រេង និងកោសិកាស្បែកដែលងាប់អាចផ្តុំគ្នា បង្កឲ្យមានអង្គែបាន។
– ផ្សិតពីស្បែកក្បាល៖ ពពួកផ្សិត Malassezia មានលើស្បែកក្បាលមនុស្សភាគច្រើន។ ប៉ុន្តែ ពេលខ្លះ វារំខានស្បែកក្បាលយើងរមាស់ បង្កជាអង្គែ។
– ផលិតផល៖ ផលិតផលរក្សាសក់ ឬលាប/បាញ់ បើមិនត្រូវស្បែកក្បាល ធ្វើឲ្យស្បែករោលក្រហាយ រមាស់ និងមានបន្ទះស្រកាស្តើងតូចៗបាន។
២- របៀបកម្ចាត់អង្គែ
កក់សក់ប្រចាំ
កក់សក់ឲ្យបានសព្វសាច់ក្បាលដោយសាប៊ូដែលគ្មានជាតិថ្នាំពេទ្យ ម៉ាស្សាស្បែកក្បាល និងលាងឲ្យស្អាត។ កក់សក់ជាប្រចាំ អាចជួយយកកោសិកាងាប់ និងបង្ការការចាល់ផ្តុំ ប៉ុន្តែបើបញ្ហាមិនប្រសើរទេ គួរប្រើសាប៊ូកក់សក់កម្ចាត់អង្គែ។ សាប៊ូកក់សក់កម្ចាត់អង្គែខ្លះ ទាមទារឲ្យប្រើជាប្រចាំ ឬម្ដង-ពីរដងក្នុងមួយសប្តាហ៍។ ត្រូវធ្វើតាមការណែនាំ មុនប្រើ បើចង់បានលទ្ធផលល្អ។
រើសសាប៊ូ
គ្នាយើងភាគច្រើនទិញសាប៊ូប្រេនៗមិនសូវខ្វល់ ឬមិនដឹងពីធាតុផ្សំប្រឆាំងអង្គែទេ។ ធាតុផ្សំ ឬសាប៊ូកម្ចាត់អង្គែ ត្រូវមានសមាសធាតុសំខាន់ដូចខាងក្រោម៖
– កេតូកូណាហ្សុល (ketoconazole)
– សេលេន្យូម ស៊ុលហ្វ៊ីត (selenium sulfide)
– អាស៊ីដសាលីស៊ីឡិច (salicylic acid)
– ស្ពាន់ធ័រ
– ជាតិជ័រខ្មៅបានពីធ្យូងទន់ (coal tar) ឬស័ង្កសីពីរីថ្យូន (zinc pyrithione)។
កេតូកូណាហ្សុល (Ketoconazole) ស្ពាន់ធ័រ និងជាតិជ័រខ្មៅបានពីធ្យូងទន់ (coal tar) មានប្រសិទ្ធភាពខ្លាំងកម្ចាត់អង្គែដែលកើតពីជំងឺរលាកស្បែក ដោយសារក្រពេញបញ្ចេញខ្លាញ់ពីគល់សក់ ដំណើរការខ្លាំងពេក (seborrheicdermatitis)។ អាស៊ីដសាលីស៊ីឡិច (Salicylic acid) ល្អសម្រាប់អ្នកដែលមានអង្គែបង្កដោយជំងឺ Psoriasis (រលាកស្បែករ៉ាំរ៉ៃដែលមានលក្ខណៈបែកស្រកា និងពណ៌ក្រហម)។
បើសាប៊ូកក់សក់ទិញពីផ្សារជួយមិនបាន ឬកត់សម្គាល់ថាសភាពបញ្ហាកាន់តែអាក្រក់ គួរជួបពេទ្យសើស្បែក។ ពេទ្យអាចឲ្យឡេមានជាតិថ្នាំពពួក ស្តេរ៉យព្យាបាលលាបពីក្រៅ។ ឡេមានជាតិថ្នាំពពួកស្តេរ៉យ អាចធ្វើឲ្យស្បែកស្តើង និងបង្កឲ្យមានផលរំខានខ្លះៗ។ មិនគួរប្រើយូរពេកទេ ទាល់តែមានការណែនាំពីពេទ្យ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ប្រើវិធីគណនានេះ គឺដើម្បីរកថ្ងៃសម្រាលកូន។ វិធីនេះអាចប៉ាន់ស្មានថ្ងៃសម្រាលបាន តែមិនធានាថាត្រឹមត្រូវទាំងស្រុងទេ។ ស្រ្តីភាគច្រើន មិនទាំងអស់ទេ អាចឆ្លងទន្លេមុន ឬក្រោយមួយសប្ដាហ៍ នៃពេលវេលាប៉ាន់ស្មាននេះ។
រយៈពេលវដ្ដរដូវ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Dandruff. http://www.medbroadcast.com/condition/getcondition/dandruff. Accessed May 7, 2017.
Dandruff. http://www.mayoclinic.org/diseases-conditions/dandruff/home/ovc-20215279. Accessed May 7, 2017.