តើអ្នកបារម្ភពីអ្វី?

close
មិនត្រឹមត្រូវ
ពិបាកយល់
ផ្សេងៗ

ឬ​ចម្លង​តំណភ្ជាប់

ស្រីៗបើដុះពុកមាត់អាចជារឿងធម្មតា តែក៏អាច​មកពី​បញ្ហាសុខភាពទាំងនេះដែរ

ស្រីៗបើដុះពុកមាត់អាចជារឿងធម្មតា តែក៏អាច​មកពី​បញ្ហាសុខភាពទាំងនេះដែរ

ស្រីៗ​យើង​មិនតិចនាក់ទេ​មានពុកមាត់។ ទោះបីជាវត្តមានរោមពុកមាត់នេះ ពេល​ខ្លះ​បាន​ធ្វើឲ្យស្រីៗ​យើង​មានការអន់ចិត្តមែនប៉ុន្តែវាមិនមានគ្រោះថ្នាក់អ្វីដល់សុខភាពនោះទេ។ ក្នុងករណីភាគច្រើនពុកមាត់គឺបង្កឡើង​ដោយ​កត្តាហ្សែន និងអ័រម៉ូន។ យ៉ាង​ណាមិញ​ការដុះពុកមាត់នេះ ក៏អាចបណ្ដាលមកពីស្ថានភាពជំងឺដែលស្រីៗ​យើង​មិនដឹងខ្លួនថាមានផងដែរ។

១. ជំងឺដុះរោម

ជំងឺដុះរោមគឺជាវិបត្តិនៃការដុះរោមលើចង្ការ និងលើបបូរមាត់ ហើយរោម​ក៏អាចលេចឡើងនៅកន្លែងផ្សេងទៀតនៃរាងកាយផងដែរ។ ជំងឺនេះគឺបង្កដោយការកើនឡើងនូវកម្រិតអ័រម៉ូនតេស្តូស្តេរ៉ូន(អរម៉ូនបុរស)។ ជំងឺដុះរោមនេះមានមកពីតំណរពូជដែលបញ្ជាក់ថាម្នាក់ក្នុងចំណោមសមាជិកគ្រួសារមានវិបត្តិនេះដែលធ្វើឲ្យយើង​ងាយនឹងកើត។ ម្យ៉ាងទៀតគឺស្ត្រីនៅក្នុងតំបន់មេឌីទែរ៉ាណេ មជ្ឈឹមបូព៌ា និងអ្នក​ជំនាន់ក្រោយនៃ​ជនជាតិអាស៊ីគឺ​ងាយនឹងកើតវិបត្តិនេះ។

២.​ខូចក្រពេញអាដ្រេណាល់ (Adrenal ) ពីកំណើត

វិបត្តិមួយ​នេះក៏ជាស្ថានភាពតំណរពូជផងដែរ។ អាការៈនេះ​នាំឲ្យ​មាន​ការបង្កើន​ការផលិតអ័រម៉ូនស្តេរ៉យ (cortisolនិង​androgen)​ដែលចេញពីក្រពេញអាដ្រេណាល់ហើយ​រំញោចដល់ការលូតលាស់រោមលើផ្ទៃមុខ។

អត្ថបទពាក់ព័ន្ធ៖

៣. គីសច្រើននៅក្រពេញអូវែ

ចំពោះ​ស្រីៗ​​យើង​ដែលមានវិបត្តិគីស​នៅក្រពេញ​អូវែ តែងតែមានរោមមុខខ្មៅដោយសារអតុល្យភាពអ័រម៉ូន។ ក៏មាន​ដែរ​ស្រីៗយើង​ផ្សេង​ទៀត ​ក៏អាចមានគីសច្រើននៅក្រពេញអូវែដែរ ទោះបីជាមិនបង្ករ​ឲ្យដុះពុកមាត់ តែបង្កឲ្យ​មានការឡើងទម្ងន់ខុសធម្មតា​ មានបញ្ហាមិនអាចពរពោះ និងរដូវមកមិនទៀងទាត់​ជាដើម​។

៤. ជំងឺ Cushing’s syndrome

ជំងឺនេះគឺសម្គាល់ដោយការកើនឡើងនូវកម្រិតអ័រម៉ូនករទីសុល(cortisol) ដែលជាអ័រម៉ូនស្តេរ៉យ (steroid) ធ្វើការបញ្ចេញតប​នឹងភាពស្ត្រេស។ ជំងឺនេះបង្កឲ្យមានអតុល្យភាពអ័រម៉ូន និងជំរុញការដុះរោមលើផ្ទៃមុខ។ ស្រីៗ​ដែលប្រើថ្នាំអ័រម៉ូនករទីសុលរយៈពេលយូរអាចនឹងកើតជំងឺcushing’ssyndromeព្រមទាំងដុះពុកមាត់ផងដែរ។

៥. ដុំពកមហារីក

ដុំពកមហារីកលូតលាស់ក្នុងក្រពេញអាដ្រេណាល់ ឬក្រពេញអូវែដែលអាចជំរុញការបញ្ចេញអ័រម៉ូនភេទបុរសនៅលើស្ត្រីដែល​ធ្វើ​ឲ្យ​មាន​ការ​ដុះរោម​លើមុខ​ក្រាស់។ ប្រសិនបើស្រីៗ​យើង​សង្កេតឃើញមានការផ្លាស់ប្ដូររោមលើផ្ទៃមុខ រដូវមកមិនទៀងទាត់ ឬសំឡេង​ឡើងគ្រលរ ស្រីៗ​យើង​គួរប្រញាប់ទៅពិគ្រោះជាមួយគ្រូពេទ្យជំនាញ​។

៦. ឱសថព្យាបាល

ស្រីយើង​អាចនឹងដុះពុកមាត់ដែរ​ប្រសិនបើប្រើថ្នាំខាងក្រោមនេះ៖​

  • Minoxidil:ថ្នាំព្យាបាលសក់ជ្រុះ
  • Anabolicsteroids:ថ្នាំអ័រម៉ូនបុរស
  • Testosterone:ថ្នាំសម្រាប់អ្នកជំងឺកង្វះអ័រម៉ូនតេស្តូស្តេរ៉ូន
  • Cyclosporine:ថ្នាំទប់ប្រព័ន្ធភាពស៊ាំដែលប្រើមុនប្ដូរសរីរាង្គ

ការរៀបចំរោមមុខដែលមិនត្រូវការ

ដោយសារករណីភាគច្រើន ពុកមាត់ដុះចេញឡើងដោយអ័រម៉ូន ហេតុនេះការគ្រប់គ្រងអ័រម៉ូនអាចជួយដោះស្រាយបញ្ហាពុកមាត់បាន។ ស្រីៗ​ដែលលើសទម្ងន់គឺ មានការណែនាំឲ្យសម្រកទម្ងន់ ព្រោះភាពធាត់លើសទម្ងន់អាចបង្អាក់ការផលិតជាធម្មតានិងភាពទៀងទាត់របស់អ័រម៉ូន។ ទម្ងន់រាងកាយដែលសុខភាពល្អអាចរក្សាអ័រម៉ូនរបស់យើង​តាមធម្មតា ដោយមិនត្រូវការប្រើប្រាស់ថ្នាំ។ ប្រសិនបើរោមមុខយើង​បង្កដោយរោគគីសច្រើនក្នុងក្រពេញអូវែ ឬវិបត្តិនៃក្រពេញអាដ្រេណាល់នោះយើង​គួរស្វែង​រក​ការព្យាបាល។ ថ្នាំពន្យារកំណើត និងថ្នាំប្រឆាំងអ័រម៉ូនអង់ដ្រូហ្សែនអាចជួយឲ្យកម្រិតអ័រម៉ូនត្រលប់មកធម្មតាឡើងវិញ។​

ថ្នាំEflornithineក្នុងទម្រង់លាប​អាច​ជួយ​ពន្យឺត​ការដុះ​លូត​លាស់​រោមមុខបាន​ដែរ។ ទោះយ៉ាងណាក៏ដោយវាក៏អាចបង្កឲ្យមានភាព​មិនសុខស្រួលក្នុង​ខ្លួន​ផងដែរ។ ប្រសិនបើយើង​បារម្ភពីសម្រស់ខ្លួនឯងយើង​អាចសាកល្បងប្រើវិធីសាស្ត្រកម្ចាត់រោមដូចជាបករោម កោររោម ឬព្យាបាលដោយប្រើកាំរស្មីឡាស៊ែ ដើម្បីបង្កើនទំនុកចិត្តលើ​ខ្លួន​ឡើងវិញ។

health-tool-icon

គណនាថ្ងៃសម្រាលកូន

ប្រើ​វិធី​គណនា​នេះ​​ គឺ​ដើម្បី​រក​ថ្ងៃ​សម្រាល​កូន​។ វិធី​​នេះ​អាច​ប៉ាន់ស្មាន​ថ្ងៃ​សម្រាល​បាន​ តែ​មិន​ធានា​ថា​ត្រឹម​ត្រូវ​ទាំង​ស្រុង​ទេ​។ ស្រ្តី​ភាគ​ច្រើន មិន​ទាំង​អស់​ទេ អាច​ឆ្លង​ទន្លេ​មុន​ ឬ​ក្រោយ​មួយ​សប្ដាហ៍ នៃ​ពេល​វេលា​ប៉ាន់​ស្មាន​នេះ។

រយៈពេល​វដ្ដរដូវ

28 ចំំនួន​ថ្ងៃ​

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Excessive Or Unwanted Hair In Women. http://www.healthline.com/health/excessive-or-unwanted-hair-in-women#overview1. Accessed May 9, 2017.

What Causes Lip Hair Growth? http://www.livestrong.com/article/147064-what-causes-lip-hair-growth/. Accessed May 9, 2017.

រូបថត​របស់​អ្នក​និពន្ធbadge
ដោយ យ៉ានណែត​ នីគែល កែសម្រួល​ចុងក្រោយ 23/06/2020
ត្រួតពិនិត្យដោយ វេជ្ជ. ចាន់ ស៊ីណេត