ផ្លែលើសាច់ គឺជាស្លាកស្នាមមួយដែលបានបន្សល់ទុកនៅលើស្បែក បន្ទាប់ពីទទួលរងរបួសដោយរលាក មុត និងប្រការជាច្រើនទៀត។ ព្រោះមានមនុស្សជាច្រើន ជាពិសេសស្រីៗដែលសម្រាលកូនដោយវះកាត់ ក្រោយមកច្រើនតែបន្សល់ទុកស្នាមនេះបាន ធ្វើឲ្យក្ដីកង្វល់ខ្លាំង ដូខនេះវេជ្ជបណ្ឌិត សូ សំណាង ឯកទេសទូទៅបានបកស្រាយ និងដំណោះស្រាយជូន។

លោកបានបន្តថា ស្នាមផ្លែសាច់នេះ ជាសរសៃសាច់ក្រិនតឹង មើលទៅរលោងៗ ហើយវិវត្តចេញជាផ្លែបន្ទាប់ពីរបួស។ ចំពោះមូលហេតុនាំឲ្យក្លាយជាផ្លែបែបនោះវេជ្ជបណ្ឌិតរូបនោះថាមិនទាន់ច្បាស់ការឡើយ -ឬ ដោយសារចលនការមិនប្រក្រតីនៃការជួសជុលឡើងវិញការរលាកស្បែកតាមហ្សែននីមួយៗ រួចហើយក៏វិវត្តទៅជាសាច់ផ្លែបែបនោះ។

ចំពោះអាការៈវិញ ពេលឡើងជាផ្លែមានសភាពរមាស់តិចៗត្រង់កន្លែងសាច់ផ្លែ ឈឺជាងកន្លែងផ្សេងពេលប៉ះ ឬស្ទាបម្តងៗ។ រីឯការព្យាបាលវិញមានច្រើនយ៉ាងយ៉ាងដូចជា៖

ស្នាមផ្លែ

– លាប Silicon scar ឬ Silicon gel

– លាប Tranilast បញ្ឈប់ការលូតលាស់ Collagen

– ចាក់ថ្នាំ Corticoide ត្រង់កន្លែងផ្លែ ២ ទៅ ៣អាទិត្យចាក់ម្តង និងចាក់ 5Fluorouracil

– កាត់ចេញ

– បាញ់ឡាស៊ែ ឬបាញ់ម្ជុលអេឡិចត្រូនិក

វេជ្ជបណ្ឌិតថែមទាំងបានបញ្ជាក់ថា ចំពោះវិធីធម្មជាតិដូចជាលាបទឹកឃ្មុំ ប្រទាលកន្ទុយក្រពើ និងវិធីដទៃទៀតក៏អាចប្រើបានដែរ គ្រាន់តែលទ្ធផលយូរ និងទាមទារការអត់ធ្មត់ ចំណាយពេលយូរ។

មានបញ្ហាផ្លែសាច់ ស្រីៗគួរធ្វើបែបណាទើបអស់ស្លាកស្នាម?