សម្រាប់គ្នាយើង ជានារីៗ នរណាមិនចង់ស្អាត ហើយមានស្បែកភ្លឺរលោង ស្អាតគួរឲ្យទាក់ទាញភ្នែក? តាមរយៈការសិក្សាពីអ្នកជំនាញផ្នែករក្សាសម្ផស្ស ជាច្រើន បានបង្ហាញពី អត្ថប្រយោជន៍សំខាន់ នៃការដុសខាត់ស្បែក និងច្រាសដុស ដែលសុភាពនារីយើង គួរស្វែងយល់ដូចខាងក្រោម៖

១. កម្ចាត់ជាតិពុលចេញពីស្បែក

ដុសសម្អាតស្បែក នឹងច្រាសដុស គឺប្រៀបដូច អ្នកសម្អាតកម្ចាត់ជាតិពុលពីខ្លួនប្រាណអីចឹង។ អ្នកជំនាញបានលើកឡើងថា វិធីបែបសាមញ្ញនេះ គឺជួយឲ្យប្រព័ន្ធជាលិកាស្បែក កម្ចាត់ចេញនូវជាតិពុលជាប់ខ្លួនប្រាណបានយ៉ាងស្អាតល្អ ហើយស្បែកអ្នកក៏ស្អាតភ្លឺទៅតាមការថែនោះផងដែរ។

២. ដាស់លំហូរចរន្តឈាមបានល្អ

ដុសស្បែក ជួយឈាមរត់ក្រោមស្បែក រត់ស្រួល ជម្រុញឲ្យរាងកាយទទួលបានលំហូរឈាមរត់បានស្រួល។ ផ្ទុយទៅវិញ បើចរន្តឈាម ពុំដើរស្រួល អ្នកអាចទៅជាឈឺ ឬខ្សោយ ដូចនេះ គ្រាន់តែដុសខាត់ស្បែកសាមញ្ញៗ ក៏ជួយបានដែរ។

៣. ជួយសម្រួលដល់ប្រព័ន្ធរំលាយអាហារ

ដោយសារតែ ទាំងប្រព័ន្ធរំលាយអាហារ និងប្រព័ន្ធជាលិកាស្បែក ជាកន្លែងដែលស្រូបសារធាតុចិញ្ចឹមដល់រាងកាយ និងបញ្ចេញជាតិពុល ដូចនេះប្រព័ន្ធទាំងពីរមានភាពទាក់ទងគ្នា។ ដូច្នេះ ការដុសសម្អាតស្បែក ក៏បានជួយសម្រួលការងារបញ្ចេញជាតិពុលដល់ប្រព័ន្ធរំលាយអាហារ បានច្រើនសម្អាតជាតិពុលកាន់តែជ្រះស្អាតពីរាងកាយ។

៤. ជម្រះកោសិកាស្បែកងាប់

តើអ្នកដឹងទេ កោសិកាស្បែកចាស់ (ងាប់) ប្រមាណពី៣ម៉ឺន ទៅ៤ម៉ឺនកោសិកា ជារៀងរាល់នាទី! ដូចនេះ ការដុសស្បែកនឹងច្រាស ជាវិធីល្អមួយ ជួយសម្អាតកោសិកាទាំងនោះ ឲ្យកោសិកាថ្មីចេញមក ធ្វើឲ្យស្បែកមានសុខភាពល្អ។ ប្រសិនបើអ្នក លាបស្បែកនឹង ឡេធម្មជាតិ តាមលក្ខខណ្ឌស្បែករបស់អ្នក តាមការណែនាំពីវេជ្ជបណ្ឌិតជំនាញទៀតនោះ គឺរឹតតែប្រសើរ។

៥. កម្ចាត់មុន និងមុនក្បាលខ្មៅ

ការសម្អាតស្បែក ដោយការដុសខាត់ មិនត្រឹមតែជួយកម្ចាត់ស្បែកចាស់ៗ និងជួយឲ្យស្បែកថ្មីលូតលាស់ដោយសុខភាពល្អនោះទេ ហើយថែមទាំងជួយកម្ចាត់ចេញ នូវមុន និងកន្លែងដែលងាយនឹងកើត មុនក្បាលខ្មៅទៀតផង។ នេះក៏ព្រោះ កោសិកាងាប់ចាស់ៗ ដែលមិនបានសម្អាតត្រឹមត្រូវ ជាកន្លែងដែល ប្រមូលផ្តុំជាតិខ្លាញ់ និងសារធាតុពុលផ្សេងៗ បង្កើតជាមុន។

អត្ថបទពាក់ព័ន្ធ៖

៦. បំបាត់ភាពតានតឹងពីខ្លួន និងជម្រុញកម្លាំងស្រស់ស្រាយ

អ្នកនឹងឃើញភាពភ្ញាក់ផ្អើល ដោយសារការសម្រាកអារម្មណ៍នៅពេល ដុសម៉ាស្សាខាត់ស្បែក ព្រោះវាបានជួយឲ្យអារម្មណ៍តានតឹងចេញឆ្ងាយ ហើយរឹតតែពិសេសទៅទៀតនោះ គឺការដុស ដែលធ្វើឲ្យចលនាឈាមហូរបានស្រួល គឺធ្វើឲ្យអ្នកមានកម្លាំងថាមពលក្នុងខ្លួន និងអារម្មណ៍ស្រស់ថ្លា៕

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ដឹងពីប្រយោជន៍ទាំងនេះ ជាហេតុផលគួរដុសខាត់ស្បែក ដោយច្រាសរាល់ថ្ងៃ