home

យើង​គួរ​ធ្វើ​ម៉េច​ខ្លះ ដើម្បី​កែលម្អ​បញ្ហា​នេះ?

close
chevron
អត្ថបទ​នេះ​មាន​កំហុស ព័ត៌មាន​ ឬ​តួលេខ​មិន​ត្រឹមត្រូវ
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
អត្ថបទ​នេះ​មាន​ព័ត៌មានមិន​គ្រប់គ្រាន់
chevron

បើ​មាន​កំហុស​ឆ្គង​ណា​មួយ សូម​ប្រាប់​ពួក​យើង​ដើម្បី​កែតម្រូវ

wanring-icon
សូម​ចាំ​ថា មិន​ទាមទារ​ឲ្យ​លោក​អ្នក​បំពេញ​ព័ត៌មាន​លម្អិត​ទេ។ សូមចុច "ផ្ញើរ​មតិខ្ញុំ" ខាង​ក្រោម​ដើម្បី​បន្ត​អាន​។
chevron
ហមមម... ខ្ញុំ​មាន​ចម្ងល់​ពី​បញ្ហា​សុខភាព​ខ្លះ​ចង់​សាកសួរ
chevron

ថ្វី​ត្បិត​តែ​ Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​​ក៏​ពិត​មែន ប៉ុន្តែ​ពួក​យើង​ពិត​ជា​ស្វាគមន៍​រាល់​មតិ​កែលម្អិត​ទាំង​អស់​របស់​លោក​អ្នកដែល​តែងតែ​តាមដាន Hello គ្រូពេទ្យ ជា​ប្រចាំ។ សូម​វាយ​បញ្ចូល​មតិយោបល់​របស់​លោកអ្នក​ក្នុង​ប្រអប់​ខាងក្រោម។

wanring-icon
ប្រសិន​បើ​បងប្អូន​កំពុង​ប្រឈម​នឹង​បញ្ហា​សង្គ្រោះបន្ទាន់​ កុំបង្អង់​សូម​ខល​ទាក់ទង​ទៅសេវាសង្គ្រោះ​បន្ទាន់​ភ្លាម​ ឬ​ទៅ​មន្ទីរពេទ្យ ឬ​កន្លែង​សង្គ្រោះ​បន្ទាន់​ដែល​នៅ​ជិត​លោក​អ្នក​បំផុត។

ឬ​ចម្លង​តំណភ្ជាប់

វិធី​សង្គ្រោះ​​បឋម ពេល​មាន​ករណី​ប្រើ​ថ្នាំ​លើស​កម្រិត

វិធី​សង្គ្រោះ​​បឋម ពេល​មាន​ករណី​ប្រើ​ថ្នាំ​លើស​កម្រិត

សម័យ​នេះ​ហើយ ចង់​ប្រើ​ថ្នាំព្យាបាល​អីក៏​ដោយ គួរ​មាន​ការ​ណែនាំ​ពី​ពេទ្យ​ត្រឹម​ត្រូវ។ បើ​ប្រើ​លើស​កម្រិត​អាច​ប្រឈមបញ្ហា​សុខភាព​ច្រើន អាច​ឈាន​ដល់​ស្លាប់​។ ​គួរ​ប្រយ័ត្ន​បន្តិច”Hello គ្រូពេទ្យ” នឹង​ប្រាប់​លម្អិត​រឿង​ប្រើ​ថ្នាំ​លើស​កម្រិត រោគសញ្ញា និង​វិធី​សង្គ្រោះ​បឋម​ឲ្យ​គ្រប់​គ្នា​បាន​ដឹង។

១- អ្វី​ទៅ​ជា​ការ​ប្រើ​ថ្នាំ​លើស​កម្រិត?

ការ​ប្រើ​ថ្នាំ​លើស​កម្រិត​ គឺ​ជា​ការ​ប្រើ​ថ្នាំ​មួយ​មុខ ឬ​ច្រើន​មុខ​ផ្សំ​គ្នា ទាំង​មាន​វេជ្ជបញ្ជា​ ឬ​គ្មាន​វេជ្ជបញ្ជា​ មិន​ត្រឹម​ត្រូវ​តាម​កម្រិត​ប្រើ តាម​ពេល​វេលា ​ឬ​តាម​ការ​ណែនាំ​របស់​គ្រូពេទ្យ។

២- រោគ​សញ្ញា​ប្រើ​ថ្នាំ​លើស​កម្រិត

នៅ​ពេល​យើងប្រើ​ថ្នាំ​លើស​កម្រិត ​រោគ​សញ្ញា​បង្ហាញ​ចេញ​ អាច​មាន​លក្ខណៈ​ខុស​ៗ​គ្នា អាស្រ័យ​លើ​ភាព​ធ្ងន់ធ្ងរ ស្ថានភាព​សុខភាព និង​ប្រភេទ​ថ្នាំ​ដែល​ប្រើ​​លើស​កម្រិត​​តែ​ម្តង។ លើស​ពី​​នេះ​ ​ដោយ​សារ​រាង​កាយ​មនុស្ស​ម្នាក់ៗ និង​សកម្មភាព​ប្រតិកម្ម ​ភាព​ខុស​គ្នា​ពី​​ ទើប​ពិបាក​នឹង​កំណត់​រោគ​សញ្ញា​ឲ្យ​បាន​ជាក់​លាក់។

យ៉ាង​ណា ជា​ទូទៅ រោគ​សញ្ញាប្រើ​ថ្នាំ​លើស​កម្រិត ​មាន​ដូច​ជា វិល​មុខ ស្រមើ​ស្រមៃ វង្វេង​វង្វាន់ ក្អួត ប្រកាច់ ពិបាក​ដក​ដង្ហើម (ឬ​ឈប់​ដក​ដង្ហើម) ចង្អោរ សន្លឹម ហូរ​ឈាម​ក្នុង​រាង​កាយ ចុក​ពោះ ប៉ះពាល់​គំហើញ សន្លប់ ស្រមុក​ខ្លាំង​ៗ រាក ។ល។

ប្រើថ្នាំលើសកម្រិត Hello គ្រូពេទ្យ

អត្ថបទពាក់​ព័ន្ធ៖

៣- មូល​ហេតុ​ធ្វើ​ឲ្យ​ប្រើ​ថ្នាំ​លើស​កម្រិត

មាន​មូល​ហេតុ​ចម្បង ២ នាំ​ឲ្យមានការ​​ប្រើ​ថ្នាំ​លើស​កម្រិត ដូច​ជា៖

– ប្រើ​ច្រើន​ដោយ​ចៃដន្យ (Accidental Consume)៖ អ្នក​មាន​​ជំងឺ ​អាច​លេប​ខុស​ប្រភេទ​ថ្នាំ ឬ​ទិញ​ថ្នាំ​ផ្សំ​មិន​ត្រឹម​ត្រូវ លេបខុស​ម៉ោង​ និងកម្រិត​មិន​ត្រឹម​ត្រូវ​តាម​ការ​ណែនាំ ដោយ​មិន​បាន​ដឹង​ពី​ផលវិបាកនៅ​ពេល​ខាងមុខ។

– គេច​ពេល​វេលា​លេប​ថ្នាំ ឬ​លេប​ដោយ​ចេតនា៖ អ្នកមាន​​ជំងឺ​ លេប​ថ្នាំ​ក្នុង​កម្រិត​ខ្ពស់​ ដើម្បី​គេច​មិន​លេប​ថ្នាំ​នៅ​ពេល​ក្រោយ​ទៀត ឬក្នុង​ចេតនា​ធ្វើ​ឲ្យ​ខ្លួន​ឯង​មាន​គ្រោះ​ថ្នាក់។

៤- វិធី​សង្គ្រោះ​បឋម​ចំពោះ​ករណី​​ប្រើ​ថ្នាំ​លើស​កម្រិត

ប្រសិនយើង​ឃើញ​មាន​ករណី​ប្រើ​ថ្នាំ​លើស​កម្រិត សូម​ធ្វើ​តាម​ជំហាន​ណែនាំ​ទាំងនេះ៖

– ត្រូវ​ធ្វើ​ចិត្ត​ឲ្យ​ត្រជាក់
– ទូរស័ព្ទ​ហៅ​រថយន្ត​សង្គ្រោះ​បន្ទាន់​ភ្លាម
– បើ​អ្នក​ជំងឺ​សន្លប់ ប៉ុន្តែ​នៅ​ដក​ដង្ហើម សូម​បង្វិល​ដាក់​ឲ្យ​ដេក​ផ្អៀង (Recovery Position)។ បង្វិល​ក្បាល​ និង​លើក​ចង្កា​ឡើង​ ដើម្បី​ប្រាកដ​ថា ​ផ្លូវ​ដង្ហើម​គាត់​នៅ​តែ​បើក។ ពិនិត្យ​មើល​ដង្ហើមអ្នក​ជំងឺ​ជា​បន្ត​បន្ទាប់ និង​ពិនិត្យ​មើល​ស្ថាន​ភាព​រហូត​មានជំនួយ​មក​ដល់។
– មិន​ត្រូវ​ព្យាយាម​ធ្វើ​ឲ្យ​អ្នក​ជំងឺ​ក្អួត​ទេ
– មិន​ត្រូវ​បង្ខំ​ ឲ្យ​អ្នក​ជំងឺ​ផឹក​ ឬ​ញ៉ាំ​អ្វី​ឡើយ
– ត្រូវ​យក​ថ្នាំ​អ្នក​ជំងឺ​ញ៉ាំ​លើស​ ឬ​កំប៉ុងថ្នាំ ​សម្បក​ថ្នាំ​ ទៅ​មន្ទីរ​ពេទ្យ​ជាមួយ​ផង
– ទោះ​បី​ជា​អ្នក​ជំងឺ​មើល​ទៅ​ហាក់​ដូច​ជា​មិន​អី ហើយ​ដឹង​ខ្លួន​វិញ​ក៏​ដោយ មិន​ត្រូវ​ទុក​គាត់​ឲ្យ​នៅ​ម្នាក់ឯង​ទេ ត្រូវ​ជូន​ទៅ​មន្ទីរ​ពេទ្យ​ដែល​ជិត​បំផុត ដើម្បី​ចៀសវាង​ផល​វិបាក​ទៅ​ថ្ងៃ​ក្រោយ។

ក្នុង​ករណី​មាន​សំណួរ ឬ​មន្ទិល​សង្ស័យ​ជុំវិញ​សុខ​ភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជា​មួយ​ពេទ្យ​ជំនាញ​ដើម្បី​ស្វែង​យល់​ពី​ដំណោះ​ស្រាយ​របស់​អ្នក។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ៕

Hello Health Group និង “Hello គ្រូពេទ្យ” មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕

ប្រភព

Drug overdose. https://www.betterhealth.vic.gov.au/health/healthyliving/drug-overdose Accessed March 24, 2017

What to Do When Someone Overdoses on Drugs. http://www.menshealth.com/health/what-to-do-when-someone-overdoses-on-drugs Accessed March 24, 2017

Drug Overdose Treatment.http://www.webmd.com/first-aid/drug-overdose-treatment Accessed March 24, 2017

រូបថត​របស់​អ្នក​និពន្ធ
ត្រួតពិនិត្យ​ដោយ វេជ្ជ. ចាន់ ស៊ីណេត
អត្ថបទ​ដោយ គឹម កាណែល
កែ 30/05/2019
x