ម៉ាស្សា អាចជួយឲ្យដើមទ្រូងស្រីៗធំ ហើយស្អាត

ស្រីៗមួយចំនួន ស្រលាញ់ដើមទ្រូងណាស់ គឺចង់បានធំ មូលស្អាតដូចគេដូចេង ដើម្បីមានអារម្មណ៍សិចស៊ី។ អ្នកខ្លះសុខចិត្តចំណាយលុយវះកាត់ពង្រីកសុដន់ក៏មាន ទាំងការវះកាត់អាចប្រថុយប្រថាន។ ការពិតទៅ ជាអីល្អជាងធម្មជាតិទេ តែបើចង់បានដើមទ្រូងកាន់តែធំជាងមុនស្អាត អាចសាកវិធីម៉ាស្សាបាន។ ចាំ “Hello គ្រូពេទ្យ’ ប្រាប់!

១- ម៉ាស្សាពិតជាជួយធ្វើឲ្យសុដន់ធំមែនអត់?

នេះជាសំណួរដ៏សាមញ្ញមួយតែងកើតឡើងញឹកញាប់។ ការពិត ស្រីៗត្រូវយល់ដឹងធាតុផ្សំនៃសុដន់ជាមុនសិន។ សុដន់ ផ្សំឡើងដោយជាលិកាខ្លាញ់ និងស្រទាប់ខ្លាញ់ភាគច្រើន អាចធ្វើឲ្យមានការឆ្លើយតបខ្លាំងទៅនឹងរំញោច នៅពេលមានការម៉ាស្សាសុដន់។ វាផ្ដល់នូវរំញោចដើម្បីគាំទ្រជាលិកាផ្សេងៗ រួមទាំងចរាចរទឹករងៃដែលបញ្ចេញឥទ្ធិពលវិជ្ជមានធ្វើឲ្យសុដន់រឹងមាំ។

លើសពីនេះ ការឆ្លើយតបពីអ័រម៉ូន ធ្វើឲ្យយើងមានសុខភាពល្អ តាមរយៈការព្យាបាលដោយម៉ាស្សាខ្លួនឯង ហើយការម៉ាស្សាបែបនេះ នាំឲ្យកើតមានកម្រិតអុកស៊ីតូស៊ីនខ្ពស់។ ជាលទ្ធផល សុដន់អាចរីកធំយ៉ាងមានប្រសិទ្ធិភាពតាមរយៈម៉ាស្សា។

២- ម៉ាស្សាសុដន់ផ្ដល់ប្រយោជន៍ច្រើនយ៉ាង

ការបញ្ចេញអុកស៊ីតូស៊ីន តាមរយៈម៉ាស្សាសុដន់ ជួយឲ្យចៀសឆ្ងាយជំងឺមហារីកសុដន់ កាត់បន្ថយអាការៈឈឺចាប់មុនពេលមករដូវ និងជួយកាត់បន្ថយដុំគីសមិនឲ្យកើតមាន។ មួយវិញទៀត ម៉ាស្សាសុដន់ញឹកញាប់ អាចធ្វើឲ្យសុដន់ស្អាត និងកាន់តែរឹងជាងមុន ខណៈជាលិកាសុដន់ កាន់តែជួយបង្កើនអុកស៊ីហ្សែន និងបន្សាបជាតិពុលផងដែរ។

ចេះវិធីម៉ាស្សាសុដន់ត្រឹមត្រូវ តែងមានអារម្មណ៍ថាខ្លួនឯង មានភាពប្រសើរឡើងច្រើន ហើយរូបរាងសុដន់ក៏ប្រសើរដូចគ្នា ធ្វើឲ្យកាន់តែមានទំនុកចិត្ត ជួយឲ្យអារម្មណ៍ធូរស្រាលទាំងផ្លូវចិត្ត និងផ្លូវកាយ។

អត្ថបទពាក់ព័ន្ធ៖

៣- តិចនិកម៉ាស្សាបង្កើនទំហំសុដន់

ម៉ាស្សាដោយប្រើកម្លាំងសង្កត់ខ្លាំងៗ ជារាងរង្វង់សង្កត់ចូលក្នុង និងឡើងមកខាងលើ ធ្វើដដែលៗរយៈពេលចន្លោះពី ១០-១៥ នាទី ១-២ ដងរៀងរាល់ថ្ងៃ។ កន្លែងរងការម៉ាស្សានឹងមានចរន្តឈាមរត់ខ្ពស់ ហេតុនេះធ្វើឲ្យមានការភ្ញោចដើម្បីបង្កើន និងពង្រឹងក្រពេញទឹកដោះ។

យើងក៏អាចបញ្ចូលគ្នាការម៉ាស្សាជាមួយប្រេង ឬក្រែមលាបសុដន់ បន្ទាប់ពីងូតទឹករួមក៏បាន។ ប្រេងសម្រាប់ម៉ាស្សា និងក្រែមជាច្រើន បង្កើតឡើងដើម្បីបង្កើនអត្ថប្រយោជន៍ ពេលប្រើជាមួយការម៉ាស្សាពង្រីកសុដន់ ហើយត្រូវគេជឿថាក្រែមប្រភេទនេះ មានសមត្ថភាពកែលម្អសុដន់បាន។ ការរីកលូតលាស់ជាលិកាសុដន់ អាចធ្វើឲ្យសុដន់កាន់តែរស់រវើក និងមានទំហំធំជាងមុន។

ម៉ាស្សាពង្រីកសុដន់ Hello គ្រូពេទ្យ

៤- ជំហានបន្ទាប់ដើម្បីបង្កើនទំហំសុដន់

– ត្រដុសសុដន់ ដោយប្រេងម៉ាស្សា ឬក្រែមសុដន់ អាចជួយយើងកាត់បន្ថយអារម្មណ៍មិនល្អមួយចំនួន មានអារម្មណ៍ស្រណុកសុខស្រួល ហើយភាពសប្បាយរីករាយអាចកើតឡើងទន្ទឹមគ្នាផងដែរ។

– ចាប់ផ្ដើមម៉ាស្សាសុដន់នៅចំហៀងខាងបេះដូង ដោយយកបាតដៃសង្កត់ខ្លាំងៗ រួចផ្លាស់ទីមកខាងក្នុង បន្ទាប់មកទៅខាងក្រៅសុដន់វិញ។ ចំណែកការប្រើដៃទាំងពីរ ត្រូវផ្លាស់ប្ដូរពីផ្នែកខាងក្រៅឆ្ពោះទៅកណ្ដាលក្នុងចលនារាងរង្វង់ ធ្វើបែបនេះឲ្យបាន ២០ ដង។

– ប្រើចលនាដៃឆ្លាស់គ្នា បង្អូសពីផ្នែកខាងក្រោមទៅលើ ហើយចូលក្នុង និងឆ្ពោះទៅមុខ។ ធ្វើដដែលៗប្រហែល ២០ ដង។

– លើកសុដន់ម្ខាងឡើងលើទ្រដោយបាតដៃទាំងសងខាង បន្ទាប់មកធ្វើដូចគ្នាជាមួយសុដន់ម្ខាងទៀត ធ្វើបែបនេះ ២០ ដង។

– ធ្វើជំហានទី២ ឡើងវិញ ប៉ុន្តែចលនាដដែល កាន់តែស្រាលទៅៗ ដោយមិនចាំបាច់រុញដើមទ្រូងផ្អឹបទៅនឹងខ្លួនទេ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬ ព្យាបាលជូនទេ។

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ CHIN Ven · កែ 26/04/2019

ម៉ាស្សា អាច​ជួយ​ឲ្យដើមទ្រូង​ស្រីៗ​ធំ​ ហើយ​ស្អាត

ម៉ាស្សា អាចជួយឲ្យដើមទ្រូងស្រីៗធំ ហើយស្អាត