ស្វែងយល់ពីការប្រើប្រាស់

១- ប្រេងសណ្ដែកសៀងប្រើដើម្បីអ្វី?

ជាតិស្តេរ៉ូលចេញ (Plant Sterols) ចម្រាញ់ពីប្រេងសណ្ដែកសៀង ជាសារធាតុគីមីមួយ ត្រូវគេប្រើដើម្បីបន្ថយជាតិកូលេស្តេរ៉ូលសរុប និងខ្លាញ់កូឡេស្តេរ៉ូលអាក្រក់ LDL (Low-density lipoproteein)។ ប្រេងសណ្ដែកសៀង ផលិតជាពិសេស ប្រើដើម្បីព្យាបាលជំងឺពុកឆ្អឹង (Osteoarthritis)។

មនុស្សមួយចំនួន លាបប្រេងសណ្ដែកសៀងដោយផ្ទាល់នៅលើស្បែក ដើម្បីបណ្ដេញមូស និងសត្វល្អិតផ្សេងៗទៀត។ ប្រេងសណ្ដែកសៀង ក៏អាចប្រើជាអាហារបំប៉នជីវជាតិ ដែលចាក់ចូលតាមសរសៃ ដើម្បីចិញ្ចឹមអ្នកមានជំងឺបានផងដែរ។

២- ប្រេងសណ្តែកសៀងមានសកម្មភាពម៉េចខ្លះ?

មិនមានការសិក្សាគ្រប់គ្រាន់ ពីដំណើរការឱសថរុក្ខជាតិនេះនៅឡើយទេ។ សូមពិគ្រោះជាមួយគ្រូឱសថបុរាណ ឬគ្រូពេទ្យ ដើម្បីទទួលបានព័ត៌មានបន្ថែម។ ទោះយ៉ាងនេះក្ដី គេដឹងថា ប្រេងសណ្ដែកមានសកម្មភាពបន្ថយកម្រិតកូលេស្តេរ៉ូល ដោយបន្ថយការស្រូបជាតិកូលេស្តេរ៉ូលក្នុងពោះវៀន។ ផលិតផលប្រេងសណ្ដែកចម្រាញ់ជាពិសេស ហៅថាវីធី Unsaponifiables (វិធីបំប្លែងសារធាតុខ្លាញ់ ដែលមិនអាចបំប្លែងទៅជាសាប៊ូបាន ពេលលាយជាមួយសូដ្យូមអ៊ីដ្រុកស៊ីដ ឬប៉ូតាស្យូមអ៊ីដ្រុកស៊ីដ) មានគុណប្រយោជន៍ចំពោះរលាកសន្លាក់ឆ្អឹង។

កត្តាគួរប្រុងប្រយ័ត្ន

៣- មុនប្រើគួរដឹងអីខ្លះ?

គួរពិភាក្សាជាមួយគ្រូពេទ្យ ឱសថការី ឬគ្រូពេទ្យឱសថបុរាណបើអ្នកមានបញ្ហាដូចជា៖

- កំពុងមានផ្ទៃពោះ ឬបំបៅដោះកូន ដោយសារពេលពពោះ ឬបំបៅដោះកូន ត្រូវប្រើប្រាស់ថ្នាំឲ្យត្រូវតាមកម្រិតណែនាំរបស់គ្រូពេទ្យតែប៉ុណ្ណោះ។

– កំពុងប្រើប្រាស់ថ្នាំអ្វីផ្សេង ថ្នាំទាំងនោះរាប់បញ្ចូលទាំងថ្នាំអ្នកទិញខ្លួនឯង និងថ្នាំទិញតាមវេជ្ជបញ្ជា។

– មានប្រតិកម្មជាមួយប្រេងសណ្តែកសៀង ថ្នាំពេទ្យ ឬមានប្រតិកម្មជាមួយឱសថបុរាណដទៃ។

– កំពុងមានជំងឺប្រចាំកាយ ឬមានបញ្ហាសុខភាពអ្វីមួយ។

– ធ្លាប់មានប្រតិកម្មជាមួយអាហារ សារធាតុពណ៌ សារធាតុរក្សាអាហារ ឬជាមួយសត្វ។

លក្ខខណ្ឌចុះបញ្ជីការផ្លូវច្បាប់លើឱសថបុរាណ មិនតឹងរ៉ឹងដូចការចុះបញ្ជីការផ្លូវច្បាប់លើថ្នាំពេទ្យទេ។ ដូចនេះគេត្រូវការ សិក្សាបន្ថែមដើម្បីដឹងពីសុវត្ថិភាពប្រើប្រាស់ឱសថបុរាណ។ ចាំថា គុណសម្បត្តិនៃការប្រើឱសថនេះ ត្រូវច្រើនជាងផលប៉ះពាល់មុនពេលប្រើវា ហើយសូមពិគ្រោះជាមួយអ្នកជំនាញខាងឱសថរុក្ខជាតិ ឬគ្រូពេទ្យ សម្រាប់ព័ត៌មានបន្ថែម។

៤- ប្រេងសណ្ដែកសៀងមានសុវត្ថិភាពកម្រិតណា?

ប្រេងសណ្ដែកសៀង មានសុវត្ថិភាពចំពោះមនុស្សពេញវ័យ នៅពេលញ៉ាំវាក្នុងកម្រិតធម្មតា មានក្នុងចំណីអាហារ និងនៅពេលលាបនៅលើស្បែក សម្រាប់បណ្ដេញសត្វល្អិត ក្នុងកម្រិតបានណែនាំ។ ក្នុងការសិក្សាមួយចំនួន រកឃើញថា ប្រេងសណ្ដែកសៀង មានប្រសិទ្ធភាពនៅពេលប្រើជាថ្នាំពេទ្យ និងសុវត្ថិភាព សម្រាប់ប្រើប្រាស់រហូតដល់ ៦ខែ។

៥- គួរប្រុងប្រយ័ត្ន

– ចំពោះស្រីពពោះ និងបំបៅដោះកូន៖ ប្រេងសណ្ដែកសៀង គឺមានសុវត្ថិភាព ពេលប្រើក្នុងកម្រិតធម្មតា ឬជាអាហារ។ ប៉ុន្តែសុវត្ថិភាពក្នុងការប្រើប្រាស់ច្រើនជាងចំណីអាហារ អំឡុងពេលពពោះ និងបំបៅដោះកូន នៅមិនទាន់ដឹងច្បាស់នៅឡើយទេ។

ស្វែងយល់ពីផលរំខាន

៦- ប្រេងសណ្ដែកសៀងមានផលរំខានអ្វីខ្លះ?

ប្រេងសណ្តែងសៀង អាចបង្កជាផលរំខានផ្សេងៗក្នុងករណី៖

– អាលែកហ្ស៊ីជាមួយសណ្ដែកដី ឬសណ្ដែកសៀង៖ ពេលយើងមានអាលែកហ្ស៊ីជាមួយសណ្ដែកដី សណ្ដែកសៀង និងរុក្ខជាតិផ្សេងទៀត ដែលស្ថិតពពួករុក្ខជាតិ Fabaceae/Leguminosea អាចនឹងមានមអាលែកហ្ស៊ីជាមួយប្រេងសណ្ដែកសៀងដូចគ្នា។

មិនមែនគ្រប់គ្នា សុទ្ធតែមានផលរំខានទាំងនេះទេ ប្រហែលអាចមានផលរំខានផ្សេងទៀត ដូចនេះបើមានចម្ងល់ទាក់ទងនឹងផលរំខាន សូមពិគ្រោះជាមួយគ្រូពេទ្យ គ្រូឱសថរុក្ខជាតិ ឬឱសថការី។

ស្វែងយល់ពីអន្តរកម្មថ្នាំ

៧- ប្រេងសណ្ដែកសៀងមានមអន្តរកម្មជាមួយអ្វីខ្លះ?

ប្រេងសណ្ដែកសៀង អាចមានប្រតិកម្មអន្តរកម្មជាមួយថ្នាំពេទ្យ ឬស្ថានភាពជំងឺយើងកំពុងមាន។ សូមពិគ្រោះជាមួយគ្រូឱសថបុរាណ ឬគ្រូពេទ្យ មុនប្រើប្រាស់ជាថ្នាំបុរាណ។

អត្ថបទពាក់ព័ន្ធ៖

ស្វែងយល់ពីកម្រិតថ្នាំ

ព័ត៌មានទាំងនេះ មិនបានរាប់ជាការណែនាំរបស់គ្រូពេទ្យនោះទេ។ ត្រូវតែពិភាក្សាជាមួយគ្រូពេទ្យ ឬឱសថការី មុនពេលចាប់ផ្តើមប្រើប្រាស់ថ្នាំប្រភេទនេះ។

៨– កម្រិតប្រើធម្មតាម៉េចដែរ?

កម្រិតប្រើជាទូទៅ ដែលត្រូវបានស្រាវជ្រាវបែបវិទ្យាសាស្ត្រ មានដូចជា៖

– ញ៉ាំតាមមាត់៖ នៅក្នុងទម្រង់ជាប៊ឺរុក្ខជាតិ (Margarine) កម្រិតត្រូវញ៉ាំ មួយស្លាបព្រាបាយ ឬ ១៤ ក្រាម។

ចំពោះករណីព្យាបាល ជំងឺរលាកសន្លាក់ឆ្អឹង (Osteoarthritis) ប្រើប្រេងសណ្ដែកសៀង ៣០០ មិល្លីក្រាម រៀងរាល់ថ្ងៃ ដោយអមជាមួយប្រេងផ្លែប៊ើរ (Avocado oil)។

– លាបលើស្បែក៖ ដើម្បីការពារកុំឲ្យមូសខាំ ត្រូវប្រើផលិតផលមានជាតិប្រេងសណ្ដែកសៀង ២% ។ ជាការណែនាំលើផលិតផលប្រភេទនេះ គួរលាបរៀងរាល់ ២ ម៉ោងម្ដង។

កម្រិតប្រើប្រាស់ឱសថរុក្ខជាតិនេះអាច អាចមានលក្ខណៈខុសគ្នាសម្រាប់អ្នកជំងឺម្នាក់ៗ។ កម្រិតប្រើប្រាស់អាស្រ័យលើកត្តាអាយុ សុខភាព និងស្ថានភាពរាងកាយមួយចំនួនទៀត។ ឱសថរុក្ខជាតិ មិនមែនតែងមានសុវត្ថិភាពទាំងអស់នោះទេ ហេតុនេះ សូមប្រឹក្សាយោបល់ជាមួយអ្នកឯកទេសឱសថរុក្ខជាតិ ឬគ្រូពេទ្យជំនាញជាមុនសិន។

៩- ប្រេងសណ្ដែកសៀងមានទម្រង់អ្វីខ្លះ?

ប្រេងសណ្ដែកសៀង អាចមានទម្រង់ដូចជា៖

– គ្រាប់ថ្នាំប្រេងសណ្ដែកសៀង (ខាប់ស៊ុល) កម្រិត ៦០០ មិល្លីក្រាម។

– ថ្នាំគ្រាប់ប្រេងសណ្ដែកលាយជាមួយវីតាមីន E កម្រិត ៤០០ IU។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

Soybean Oil (ប្រេងសណ្ដែកសៀង)

ស្វែង​យល់​ពី​ការ​ប្រើប្រាស់

កត្តា​គួរ​ប្រុង​ប្រយ័ត្ន

ស្វែង​យល់​ពី​ផលរំខាន

ស្វែង​យល់​ពី​អន្តរកម្ម​ថ្នាំ

ស្វែង​យល់​ពី​កម្រិត​ថ្នាំ

ស្វែងយល់ពីការប្រើប្រាស់

កត្តាគួរប្រុងប្រយ័ត្ន

ស្វែងយល់ពីផលរំខាន

ស្វែងយល់ពីអន្តរកម្មថ្នាំ

ស្វែងយល់ពីកម្រិតថ្នាំ