យើងឃើញថា ក្មេងៗសម័យថ្មី និយមចុចតែទូរស័ព្ទ មិនសូវខ្វល់ខ្វាយនឹងរឿងទំនាក់ទំនងខ្លួន ជាមួយអ្នកដទៃទេ ដែលនេះមិនមែនជារឿងល្អសម្រាប់កូនទេ ដោយសារពេលដែលយើងនៅតែឯងយូរ ឬគ្មានទំនាក់ទំនងល្អជាមួយអ្នកក្បែរខ្លួន វាអាចធ្វើឲ្យយើងមានអារម្មណ៍ថា មិនចូលចំណោមគេក្នុងសង្គម ឬបណ្ដោយខ្លួនឲ្យក្លាយជាមនុស្សឯកាបាន។ល។

ជំនាញសង្គម ជាជំនាញដែលយើងប្រើរាល់ថ្ងៃ ដើម្បីបង្កើតទំនាក់ទំនងជាមួយអ្នកដទៃ ហើយវាក៏សំខាន់ក្នុងការរក្សាទំនាក់ទំនងវិជ្ជមានជាមួយអ្នកដទៃផងដែរ។ ម៉ាក់ប៉ាអាចជួយពង្រឹងសមត្ថភាពទំនាក់ទំនងសង្គមកូនបានដោយ៖

១.យល់ពីចិត្តអ្នកដទៃ

បើកូនយើងចេះយល់ពីអារម្មណ៍អ្នកដទៃ កូនៗងាយបង្កើតទំនាក់ទំនងល្អជាមួយអ្នកដទៃ។ ផ្នែកមួយនៃការបង្រៀនឲ្យកូនយកចិត្តគេមកដាក់ចិត្តខ្លួនឯង អាចជួយកូនឲ្យក្លាយជាអ្នកស្ដាប់ហេតុផលអ្នកដទៃ និងជួយឲ្យចេះគិតពិចារណាបានជ្រៅ។

២.ក្លាយជាគំរូល្អ

កាយវិការដែលយើងធ្វើនៅមុខកូនៗ វាសំខាន់ណាស់ ព្រោះក្មេងៗចាំតែរៀនពីម៉ាក់ប៉ាទេ។ បើយើងចង់ឲ្យកូនមានទំនាក់ទំនងល្អជាមួយអ្នកដទៃ យើងក៏ត្រូវបង្ហាញកូនឲ្យឃើញពីរបៀបនៃការនិយាយសមរម្យជាមួយមនុស្សជុំវិញខ្លួន មិនប្រើពាក្យគំរោះគំរើយ ឬទៅនិយាយដើមអ្នកដទៃមុខកូនៗទេ។

៣.ធ្វើតាមចំណង់ចំណូលចិត្តកូន

ភាពរីករាយជាមួយអ្នកដទៃ នឹងកើតឡើងដោយធម្មជាតិនៅពេលក្មេងៗធ្វើអ្វីមួយដែលពួកគេចាប់អារម្មណ៍ពិតប្រាកដដូចជាការលេងកីឡា លេងឧបករណ៍តន្ត្រី ជាដើម។ ក្នុងករណីកូនស្គាល់អ្នកដែលមានចំណាប់អារម្មណ៍ដូចគ្នានឹងខ្លួន វាកាន់តែផ្ដល់ភាពងាយស្រួលក្នុងការបង្កើតទំនាក់ទំនងសង្គមកាន់តែល្អសម្រាប់កូន។

តិចនិកចិញ្ចឹមកូន

៤.ដឹងពីកម្រិតរបស់កូន

ក្មេងៗទាំងអស់មិនដូចគ្នាទេ ខ្លះរួសរាយរាក់ទាក់ពីធម្មជាតិ ងាយបង្កើតមិត្ត ឯខ្លះអៀនច្រើន មិនហ៊ាននៅក្បែរមនុស្សមិនស្គាល់មុខ។ល។ យើងមិនអាចរំពឹងឲ្យក្មេងអៀនទៅសប្បាយរីករាយ ជាមួយក្មេងៗរួសរាយពីធម្មជាតិបានទេ។ បើកូនយើងមិនចេះនិយាយច្រើន មិនចូលចិត្តនៅកន្លែងមនុស្សច្រើន យើងមិនបាច់បង្ខំកូនទេ ព្រោះនេះជាចំណូលចិត្តរបស់កូន។

បន្ថែមពីលើតិចនិកប៉ុន្មាននេះ យើងគួរនាំកូនលេងឲ្យបានច្រើន បណ្ដោយកូនឲ្យលេងជាមួយក្មេងៗដទៃ ឬឲ្យកូនចូលរួមនៅក្នុងសកម្មភាពជាក្រុម ឬសកម្មភាពសង្គមនានាឲ្យបានច្រើនក៏ល្អ។

តិចនិកជួយកូន ឲ្យបង្កើតទំនាក់ទំនងល្អ និងចូលចំណោមក្នុងសង្គមជាមួយអ្នកដទៃ

១.យល់ពីចិត្តអ្នកដទៃ

២.ក្លាយ​ជា​គំរូ​ល្អ

៣.ធ្វើ​តាម​ចំណង់​ចំណូល​ចិត្ត​កូន

៤.ដឹង​ពី​កម្រិត​របស់​កូន

២.ក្លាយជាគំរូល្អ

៣.ធ្វើតាមចំណង់ចំណូលចិត្តកូន

៤.ដឹងពីកម្រិតរបស់កូន