ពិតណាស់ថា គ្មានប៉ាម៉ាក់ណាចង់ឲ្យកូនមានចរិតមិនល្អនោះទេ តែទង្វើសាមញ្ញៗរបស់ប៉ាម៉ាក់មួយចំនួនអាចធ្វើឲ្យកូនខូចបាន។ តើទង្វើទាំងនោះមានអ្វីខ្លះ? ស្វែងយល់ទាំងអស់គ្នា។

១. មិនធ្វើតាមការនិយាយ

បើប៉ាម៉ាក់ថាមិនឲ្យរបស់អ្វីមួយដល់កូនហើយ សូមធ្វើឲ្យបាន។ ប៉ាម៉ាក់ខ្លះថាមិនឲ្យកូនញ៉ាំស្ករគ្រាប់ទេ តែពេលកូនខឹងគប់របស់របរចោល ក៏ប្ដូរចិត្តឲ្យកូនញ៉ាំវិញ។ ការធ្វើដូចនេះ ធ្វើឲ្យកូនដឹងចិត្តប៉ាម៉ាក់ថាពេលគេខឹង គេនឹងបានអ្វីដែលត្រូវការ ហើយអ្វីដែលប៉ាម៉ាក់និយាយមិនយកជាការនោះទេ។

ដូចគ្នាដែរ ប៉ាម៉ាក់ខ្លះទៀត បានគំរាមកូនថាបើមិនធ្វើតាមនឹងមិនបានរបស់នេះរបស់នោះ មិនឲ្យមើលទូរសព្ទ ឬមិនបានដើរលេងជាដើម។ ប៉ុន្តែនៅពេលកូនមិនធ្វើតាម ប៉ាម៉ាក់នៅតែមិនបានធ្វើតាមអ្វីដែលខ្លួនប្រាប់កូនដដែល។ ការធ្វើដូចនេះ ធ្វើឲ្យកូនដឹងថា ទោះបីជាគេមិនស្ដាប់តាមប៉ាម៉ាក់ ក៏គេមិនទទួលពិន័យអ្វីដែរ។

២.រកលេសជំនួសកូន

ពេលកូនធ្វើខុសអ្វីមួយ ប៉ាម៉ាក់ខ្លះខំរកលេសជំនួសកូនថាមកពីកូននៅតូចពេក មកពីកូនមិនដឹង ឬមកពីកូនឃ្លានជាដើម។ ការរកលេសជំនួសកូននេះ នឹងធ្វើឲ្យកូនមិនចេះទទួលស្គាល់កំហុស ហើយយូរៗទៅកូននឹងលែងមានការទទួលខុសត្រូវលើទង្វើខ្លួន។

ចរិតកូន

៣. ចូលចិត្តស្រែកដាក់កូន

ប៉ាម៉ាក់ខ្លះទំនងជាគិតថាការស្រែកគំហកដាក់កូនធ្វើឲ្យកូនស្ដាប់ឮ និងធ្វើតាម ប៉ុន្តែការធ្វើបែបនេះមានប្រសិទ្ធភាពរយៈពេលខ្លីប៉ុណ្ណោះ មិនបានយូរអង្វែងទេ និងថែមទាំងអាចធ្វើឲ្យទំនាក់ទំនងប៉ាម៉ាក់និងកូនល្អក់កករនឹងគ្នាទៅវិញ។ និយាយជាមួយកូនដោយសម្ដីទន់ភ្លន់ តែច្បាស់លាស់ នឹងធ្វើឲ្យកូនយល់ ហើយអាចពង្រឹងទំនាក់ទំនងប៉ាម៉ាក់ និងកូនបានរឹងមាំល្អទៀតផង។

ដូចគ្នាដែរ ប៉ាម៉ាក់ខ្លះទៀត ចូលចិត្តគំរាមដាក់ទណ្ឌកម្មកូន បើហ៊ានធ្វើខុសអ្វីមួយ តែជាក់ស្ដែងពេលកូនធ្វើខុសបែរជាមិនដាក់ទោស នាំឲ្យកូនដឹងថាគេគ្មានហេតុផលអ្វីត្រូវធ្វើតាមការបង្គាប់ ឬណែនាំរបស់ប៉ាម៉ាក់នោះដែរ។

៤. វាយកូន

ការសិក្សាបានរកឃើញថា ការអប់រំកូនដោយការវាយដំ នឹងធ្វើឲ្យកូនអាចក្លាយជាមនុស្សហិង្សាពេលធំឡើង កូនបាត់បង់ការចេះអាណិតអាសូរ និងអាចមានចារិតឫកពាមិនសូវចុះសម្រុងក្នុងសង្គមផងដែរ។ ការអប់រំកូនដោយរំពាត់ មិនមានប្រសិទ្ធភាពយូរអង្វែងទេ តែនឹងធ្វើឲ្យកូនរកវិធីគេចពីការត្រូវរំពាត់ទៅវិញ ជាជាងខំកែប្រែខ្លួនឲ្យបានត្រឹមត្រូវតាមច្បាប់ទម្លាប់។

៥. មិនប្រាប់កូនពីឥរិយាបថនៅទីសាធារណៈ

ប៉ាម៉ាក់ខ្លះមិនបានណែនាំកូនទេ ពេលកូនលោតចុះឡើងលើតុកៅអី ឬញ៉ាំគ្មានរបៀបនៅទីសាធារណៈ ឬនៅអាហារដ្ឋាន តែបែរជាសើច ឬញញឹមចំពោះទង្វើកូនទៅវិញ។ ថ្វីបើកូនតូច មានសកម្មភាពបែបនេះ មើលទៅដូចជាកំប្លែងសប្បាយ តែសម្រាប់អ្នកនៅជុំវិញយើងមិនបានគិតដូច្នេះទេ។ ពេលយើងមិនប្រាប់កូន ហើយបន្តឲ្យកូនធ្វើដូចនេះជាហូរហែ កូននឹងមានទម្លាប់មិនល្អនៅទីសាធារណៈ ដូចជាសើចឮៗ នាំឲ្យរំខានដល់អ្នកដទៃ។

ប៉ាម៉ាក់​មាន​ទម្លាប់​ទាំង​នេះ ធ្វើ​ឲ្យ​កូនចរិតមិនល្អពេលធំឡើង

១. មិ​ន​ធ្វើ​តាម​ការ​និយាយ​

​​២.​រក​លេស​ជំនួស​កូន​

៣. ចូល​ចិត្ត​ស្រែក​ដាក់​កូន​

៤. វាយ​កូន​

​៥. មិន​ប្រាប់​កូន​ពី​ឥរិយាបថ​នៅ​ទី​សាធារណៈ​

ប៉ាម៉ាក់មានទម្លាប់ទាំងនេះ ធ្វើឲ្យកូនចរិតមិនល្អពេលធំឡើង

១. មិនធ្វើតាមការនិយាយ

២.រកលេសជំនួសកូន

៣. ចូលចិត្តស្រែកដាក់កូន

៤. វាយកូន

៥. មិនប្រាប់កូនពីឥរិយាបថនៅទីសាធារណៈ