ខែទី ១៩៖ ចេះបានម៉ាម៉ាត់ៗ តែដៃនិងភ្នែករវៀសជាងមុន
ការលូតលាស់ និងអាកប្បកិរិយា
១- កូនចេះអីខ្លះ?
កូនអាចនិយាយពាក្យបានកាន់តែច្រើនជាងមុន។ដំបូងពួកគេអាចនិយាយនាមបាន ១ពាក្យៗ ហើយ ២-៣ ខែក្រោយមកទើបពួកគេអាចនិយាយកិរិយាសព្ទបានដូចជា “អូនចង់…’ ជាដើម។
ក្នុងខែទី១៩ នេះអាអូនរវៀសដៃ និងភ្នែកជាងមុនហើយសាច់ដុំដៃ និងជើងក៏រឹងមាំដែរ។ ចាប់ពីពេលនេះទៅការលូតលាស់របស់កូនអាចទោតាមអត្តចរិត។ ច្បាស់ណាស់ អាអូនអាចរពឹសចាប់មិនឈ្នះ វារពីកន្លែងមួយទៅកន្លែងមួយ ឬខ្លាចច្រើន មិនហ៊ានទៅណាទាំងអស់។ ទោះម៉េចក៏ដោយត្រូវប្រុងប្រយ័ត្នជានិច្ច។
កូនៗលែងចង់គេង ជាពិសេសពេលឮសំឡេងទូរទស្សន៍ ឬសំឡេងអីផ្សេងទៀត ព្រោះពួកគេចូលចិត្តលេងច្រើន និងមិនចូលចិត្តគេងលើគ្រែតែឯងទេ។
២- ជួយកូនរបៀបណា?
នេះជាពេលដ៏ល្អដែលម្តាយគ្រប់រូបគួរបង្រៀនកូនឲ្យចេះបត់ជើងក្នុងបង្គន់ដោយខ្លួនឯង។ ក្នុងខែនេះទោះបីជាក្មេងរួសរាយ ស្តាប់បង្គាប់បែបណាក៏នៅពេលខ្លះយំរករឿងដែរ។ គួរបង្ហាញថា ម៉ាក់យល់អារម្មណ៍កូនច្រើនដោយការឱប ឬលួងលោមបន្តិចបន្តួចបាន ម៉ាក់ប៉ាមិនគួរចាត់ទុកវាជារឿងធំដុំទេ។
ជួបគ្រូពេទ្យ
៣- ពិភាក្សាជាមួយពេទ្យរឿងអីខ្លះ?
ពេលកូនឈឺមកជួបពេទ្យ កុំភ្លេចយករបស់លេងដែលគេចូលចិត្តឬសៀវភៅដើម្បីបន្លប់ផង ព្រោះក្នុងវ័យនេះអាអូនខ្លាចពេទ្យខ្លាំងណាស់ដោយសារតែការចាក់វ៉ាក់សាំងមុនៗ(ខ្លាចម្ជុល)។
៤- ពេទ្យអាចណែនាំអីខ្លះ?
មានក្មេងខ្លះចូលចិត្តនិយាយច្រើន ឯខ្លះទៀតមិនសូវចេះនិយាយទេ។ យ៉ាងណាមិញ បើកូននិយាយមិនបាន ១៥ពាក្យទេ ឆាប់នាំគេទៅជួបគ្រូពេទ្យដើម្បីពិគ្រោះរកមូលហេតុ។
ការព្រួយបារម្ភ
៥- អ្វីខ្លះគួរបារម្ភ?
សឹងតែគ្រប់ពេលទាំងអស់អូនតូចឈឺពោះ ឬរាកដោយសារតែមេរោគក្នុងអាហារ។ យើងនឹងមិនអាចដឹងថាមេរោគទាំងនោះមកពីណាទេ ដោយសារតែ ២-៣ថ្ងៃ ក្រោយទើបមានលេចចេញរោគសញ្ញា។ កូនៗ អាចមានសភាពធ្ងន់ធ្ងរដោយសារ គេនៅក្មេង ខ្សោយ ហើយមេរោគទាំងនេះលូតលាស់លឿនណាស់។ ដូចនេះ ត្រូវសម្អាតផ្ទះបាយឲ្យបានស្អាត ចម្អិនអាហារឲ្យបានឆ្អិនល្អ និងរបៀចំទុកដាក់ក្នុងទូ ឬទូទឹកកកឲ្យបានត្រឹមត្រូវ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Preventing food poisoning in your home. http://www.babycenter.com/0_preventing-food-poisoning-in-your-home_11814.bc. Accessed October 1, 2015.
You 19 month old baby: Week 1. http://www.babycenter.com/6_your-19-month-old-week-1_5989.bc. Accessed October 1, 2015.
You 19 month old baby: Week 2. http://www.babycenter.com/6_your-19-month-old-week-2_10329404.bc. Accessed October 1, 2015.
You 19 month old baby: Week 3. http://www.babycenter.com/6_your-19-month-old-week-3_10329424.bc. Accessed October 1, 2015.
You 19 month old baby: Week 4. http://www.babycenter.com/6_your-19-month-old-week-4_10329425.bc. Accessed October 1, 2015.
19 month old baby. http://www.whattoexpect.com/toddler/19-month-old.aspx. Accessed October 1, 2015.
កំណែប្រែបច្ចុប្បន្ន
11/03/2019
អត្ថបទដោយ Duk Panharat
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ដេត ធន្នី
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម