ការលូតលាស់ និងអាកប្បកិរិយា
១- កូនចេះអីខ្លះ?
ក្មេងតែងតែឈ្លោះគ្នាដណ្ដើមរបស់លេង ព្រោះពួកគេមិនចង់ឲ្យនរណា ប៉ះពាល់របស់គេ ហើយ គេមិនចូលចិត្តចែករបស់គ្នាលេងនោះទេ។ កូនយើងអាចចង់ញ៉ាំរបស់ដដែលៗ ស្លៀកខោអាវដដែលៗ ឬធ្វើអ្វីមួយ តាមលំដាប់លំដោយ ។ ត្រូវចាំថា គេកំពុងតែព្យាយាមស្វែងយល់ពីពិភពលោក និងការរក្សាទុករបស់ឲ្យនៅដដែល ជារបៀបដែលគេអនុវត្ដគ្រប់គ្រងអារម្មណ៍ និងគិតឲ្យល្អិតល្អន់ក្នុងដំណាក់កាលលូតលាស់នេះ។ ព្រោះតែធ្លាប់ឆ្លងកាត់ និងទម្លាប់ បានធ្វើឲ្យអូនតូចបង្កើតបានទំនាក់ទំនងថ្មីក្នុងខួរក្បាល ធ្វើឲ្យគេឆាប់ចាំរូបភាពផ្សេងៗ ដូចជា រូបរាងតុក្កតា ខ្លាឃ្មុំ ផ្លូវទៅផ្ទះ ម៉ូតូ ឬឡានរបស់ម៉ាក់ប៉ា អាហារញ៉ាំ ម្សិលមិញជាដើម។
២- ជួយកូនរបៀបណា?
ចៀសវាង កុំឲ្យកូនមានជម្លោះគួរ ៖
– បង្រៀនឲ្យចេចែករំលែក និងប្រើពាក្យ “ចែករំលែក’
– ប្រាប់ឲ្យកូនមើលគម្រូក្មេងធំៗ ដែលចេះចែករបស់គ្នា
– ជួយកូនឲ្យឆាប់ចាំដោយសួរអ្វី ដែលគេធ្លាប់ដឹង ឬចាំ
– លើកសរសើរពេលពួកគេចែករបស់គ្នា
– យករបស់លេងដែលកូនចូលចិត្តលាក់ ពេលមានក្មេងដទៃមកលេង ព្រោះក្មេងអាចនឹង មិនចង់ឲ្យនរណាប៉ះរបស់គេស្រលាញ់។
– ឲ្យកូនលេងអ្វី ដែលទាក់ទងសម្មភាពនៃការចែករំលែកគ្នា ដោយឲ្យពួកគេធ្វើបានខ្លួនឯង ដូចជា លេងដីឥដ្ឋ ឬគូរគំនូរ។
– ឃាត់ ឬបញ្ឈប់កូន កុំឲ្យឈ្លោះគ្នាដណ្ដើមរបស់លេង។ គួរនិយាយបន្លប់ យកកូនចេញពីកន្លែងគេ ឈ្លោះគ្នា ហើយនិយាយរឿងផ្សេង ឬនាំទៅលេងអីផ្សេងវិញ។
សុខភាព និងសុវត្ថិភាព
៣- ពិភាក្សាជាមួយពេទ្យរឿងអីខ្លះ?
ក្មេងចូលចិត្តបៀមមេដៃ ព្រោះវាជាធ្វើឲ្យគេមានអារម្មណ៍ស្រួល និងស្ងប់ ។ កូនយើងប្រហែលជា មានទម្លាប់បែបនេះតាំងពីគេនៅក្នុងពោះម្ល៉េះ ហើយក៏នៅធ្វើរបៀបនេះរហូតដល់គេធំ។ឥឡូវនេះកូនចាប់ផ្ដើមដូរទៅជាបៀបមេដៃវិញ នៅពេលហត់ ភ័យខ្លាច ធុញ ឬពេលគេព្យាយាមសម្រប ពេលជួបមនុស្សថ្មី ដូចជានៅសាលាជាដើម។ គេអាចបៀមដៃរហូតគេងលក់ ឬបំពេខ្លួនគេឲ្យគេងលក់វិញពេលគេភ្ញាក់ពេលយប់។
៤- ត្រូវដឹងអីខ្លះ?
យកកូនទៅពិនិត្យធ្មេញឲ្យទៀងទាត់ដើម្បីឲ្យប្រាកដថាមាត់ធ្មេញអូនតូចមានសុខភាពល្អ និងអត់មានមេរោគ។ តែបើកូននៅមានក្លិនមាត់ សូមនាំគេទៅជួបគ្រូពេទ្យដើម្បីពិនិត្យឡើងវិញ ហើយច្បាស់ថា កូនមានអនាម័យ និងដុសសម្អាតធ្មេញបានល្អ ហើយទៀងទាត់។
ការព្រួយបារម្ភ
៥- រឿងអីខ្លះត្រូវបារម្ភ?
កូនក្មេង និងមនុស្សពេញវ័យ ពេលខ្លះមានក្លិនមាត់មិនល្អ។ មូលហេតុទាំងនោះអាចមកពី៖
-ដកដង្ហើមតាមមាត់៖ បើកូនដកដង្ហើមតាមមាត់ នឹងបណ្ដាលឲ្យមាត់ស្ងួត នោះពពួកបាក់តេរីដែល នៅក្នុងមាត់ងាយនឹងកកើត។
-អត់អនាម័យ៖ ធម្មតា បាក់តេរីរស់នៅក្នុងមាត់ នឹងមាននៅនឹងកាកសំណល់អាហារដែលនៅចន្លោះ ធ្មេញ តាមអញ្ចាញ លើអណ្ដាត ឬក្រោយបំពង់ក។ នេះជាមូលហេតុធ្វើឲ្យមានក្លិនមាត់ ជាពិសេស ពេលដែលមានសល់កាកសំណល់អាហារក្នុងមាត់យូរ ។
-ញ៉ាំរបស់មានក្លិនខ្លាំង៖ បើកូនចូលចិត្តញ៉ាំចំណីដូច ជាខ្ទឹមស ឬខ្ទឹមបារាំង ក៏អាចធ្វើឲ្យមានក្លិនមាតដែរ។
-ជំងឺដង្កាត់៖ ដូចជាការបង្ករោគនៅភ្នាសប្រហោងឆ្អឹងច្រមុះ រលាកសាច់បំពង់ក ឬប្រតិកម្ម នឹងអាកាសធាតុ ក៏អាចធ្វើឲ្យមានក្លិនមាត់ដែរ ហើយក្មេងខ្លះដែលមានជំងឺរលាកបំពង់អាហារ ក៏ធ្វើឲ្យមានក្លិនមាត់ដែរ ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
