បច្ចុប្បន្ននេះ ក្មេងណាក៏ដូចក្មេងណា សឹងតែគ្រប់វ័យ សុទ្ធតែមានបញ្ហាត្រចៀក ដោយសារតែការកកើតអាចម៍ត្រចៀកច្រើនពេក។ ប៉ាម៉ាក់ៗជាច្រើន តែងព្យាយាមកាវអាចម៍ត្រចៀកកូន ដោយវិធីផ្សេងៗ ទាំងមិនដឹងថា បើប្រហែសតែបន្តិចកូននឹងមានបញ្ហាត្រចៀកភ្លាម។ ទោះយើងកាវអាចម៍ត្រចៀកយ៉ាងប្រុងប្រយ័ត្ន មិនមែនដាច់រលាត់ក៏ដោយ ប៉ុន្តែបើគ្មានអនាម័យ ក្មេងនឹងមានបញ្ហាត្រចៀកដដែល ហេតុនេះ “Hello គ្រូពេទ្យ’ នឹងប្រាប់តិចនិកខ្លះៗឲ្យប៉ាម៉ាក់បានដឹង។

១- ហានិភ័យពេលកាវអាចម៍ត្រចៀកក្មេង

ការប្រើឧបករណ៍ត្បាររចៀក អាចបណ្តាលឲ្យអាចម៍ត្រចៀកចូលជ្រៅទៅក្នុងត្រចៀកបាន បណ្តាលឲ្យមានការឆ្លងមេរោគនៅក្នុងត្រចៀក។ លើសពីនេះទៀត អាចប៉ះពាល់ដល់ក្រដាសត្រចៀកដោយអចេតនាបាន ដូច្នេះបើមានការព្រួយបារម្ភប៉ះពាល់ដល់ក្រដាសត្រចៀក គួរទៅរកអ្នកឯកទេស ដើម្បីបានការណែនាំក្នុងការប្រើទឹកថ្នាំ Hydrogen peroxide ។ ទោះជាយ៉ាងណាក៏ដោយ ការពិគ្រោះយោបល់ជាមួយវេជ្ជបណ្ឌិត ត្រូវតែធ្វើមុនគេ។

២- របៀបយកអាចម៍ត្រចៀកចេញបានត្រឹមត្រូវ

ខាងក្រោមនេះ គឺជាវិធីត្រឹមត្រូវដើម្បីកាវយកអាចម៍ត្រចៀកចេញឲ្យក្មេងៗ។

– ការរៀបចំ៖

កំណាត់ទន់មួយកំណាត់
ដបកញ្ចក់
ទឹកអ៊ីដ្រូហ្ស៊ែនពែអុកស៊ីត (Hydrogen peroxide)
ដុំសំឡីត្បារត្រចៀក

– របៀបយកអាចម៍ត្រចៀក៖

ជំហានទី ១៖ ជ្រលក់កំណាត់ទន់ចូលក្នុងទឹកក្តៅឧណ្ឌៗ ប្រើវាលាងសម្អាតអាចម៍ត្រចៀកនៅជុំវិញត្រចៀកខាងក្រៅ។ សូមកុំញុកក្រណាត់ចូលក្នុងត្រចៀក ព្រោះជាទូទៅអាចម៍ត្រចៀកនឹងចេញមកក្រៅដោយខ្លួនឯង។
ជំហានទី ២៖ អាចម៍ត្រចៀក គឺស្ថិតនៅក្នុងត្រចៀក ដូច្នេះត្រូវទៅពិគ្រោះជាមួយផ្តល់សេវាថែទាំសុខភាព ដើម្បីទទួលបានដំបូន្មានក្នុងកាវយកវាចេញឲ្យបានស្អាតល្អ។ ប៉ាម៉ាក់ អាចប្រើប្រដាប់កាវអាចម៍ត្រចៀកតូចមួយ ឬក្នុងករណីចាំបាច់ អាចប្រើថ្នាំទឹកបន្តក់ក្នុងត្រចៀកបាន។
ជំហានទី ៣៖ យបដបកញ្ចក់មួយ លាងសម្អាតឲ្យស្អាត បន្ទាប់ចាក់ទឹក Hydrogen peroxide ទៅក្នុងពាក់កណ្តាល រួចចាក់ទឹកធម្មតាពាក់កណ្ដាលទៀតទៅក្នុងដបនោះ បន្ទាប់មកក្រឡុកវាឲ្យសព្វ។ ចំពោះការលាយទឹក Hydrogen peroxide ត្រូវមានការអនុញ្ញាតពីវេជ្ជបណ្ឌិតជាមុនសិន។
ជំហានទី ៤៖ ត្រូវកាន់ដបឲ្យជាប់ក្នុងដៃ ដើម្បីឲ្យមានកម្ដៅឧណ្ឌៗ ហើយឲ្យកូនយើងដេកលើភ្លៅ ដោយផ្អៀងត្រចៀកមានបញ្ហាមកលើ។ ត្រូវបន្តក់ទឹកថ្នាំបានលាយរួច ទៅក្នុងត្រចៀករហូតដល់ពេញ ហើយត្រូវចាំថា ឲ្យកូននៅស្ងៀមនៅពេលដែលបណ្តក់ទឹកថ្នាំ Hydrogen peroxide ចូកទៅក្នុងត្រចៀកកូន។
ជំហានទី ៥៖ ទុកឲ្យកូននៅស្ងៀមប្រហែល ៥នាទី បន្ទាប់មកចាំដាក់ឲ្យកូនអង្គុយ ទឹកថ្នាំនឹងធ្វើឲ្យអាចម៍ត្រចៀកទន់ និងអាចហូរពីផ្នែកខាងក្នុង មកក្រៅត្រចៀកបាន រួចប្រើក្រណាត់ទន់សើម ជូតត្រចៀកផ្នែកខាងក្រៅចេញឲ្យស្អាត។
ជំហានទី ៦៖ បន្តព្យាបាលបែបនេះរយៈពេល ៣-៥ ថ្ងៃ ដោយធ្វើ ១ ដង/ថ្ងៃ។ លើសពីនេះ នៅពេលកូនងូតទឹក សូមប្រើសំឡីជ្រលក់ទឹកក្ដៅឧណ្ឌៗ រួចច្របាច់បាញ់ចូលត្រចៀកបន្តិច បែបនេះអាចម៍ត្រចៀកនឹងចេញមកក្រៅជាកំណាត់ធំៗមិនខាន។

អត្ថបទពាក់ព័ន្ធ៖

មើល ៣ ចំណុចនេះ អាចដឹងថាគ្រូពេទ្យណាល្អសម្រាប់កូនយើងហើយ!
១០ សំណួរពាក់ព័ន្ធការប្រើថ្នាំផ្សះលើក្មេងៗ ប៉ាម៉ាក់ចាំបាច់ត្រូវដឹង!

៣- អ្វីត្រូវចងចាំ

ចំពោះក្មេងរពឹសនៅមិនស្ងៀម មិនត្រូវប្រើទឹក Hydrogen peroxide ដាច់ខាត ដោយសារតែវាអាចហៀរចេញ និងអាចនាំឲ្យមាននូវផលវិបាកជាច្រើនទៀង។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

តិចនិកយកអាចម៍ត្រចៀកក្មេងត្រឹមត្រូវ កុំឲ្យមានរបួស