ប៉ាម៉ាក់ចង់ឲ្យកូនក្លាយជាមនុស្សមានទំនួលខុសត្រូវខ្ពស់ សាកបង្រៀនតាមវិធីនេះ

១- អ្វីជាការទទួលខុសត្រូវ

ការទទួលខុសត្រូវ គឺជាកូនសោរនៃភាពជោគជ័យទាំងផ្នែកអប់រំ និងវិជ្ជាជីវៈ និងមានសារៈសំខាន់ណាស់ក្នុងការបង្រៀនកូនៗយើងឲ្យទៅជាមនុស្សដែលមានទំទួលខុសត្រូវ។

អត្ថបទពាក់ព័ន្ធ៖ ចិញ្ចឹមកូនតាមវិធីនេះ ធំឡើងនឹងក្លាយជាមនុស្សរឹងមាំ មានវិន័យក្នុងខ្លួន

២- ព័ត៌មានជំនួយសម្រាប់បង្រៀនកូនៗឲ្យមានការទទួលខុសត្រូវ

ចាប់ផ្តើមពីក្មេង

ការបង្រៀនកូនៗយើងពីទំនួលខុសត្រូវគួរតែចាប់ផ្តើមឲ្យបានឆាប់តាមតែអាចធ្វើទៅបាន។ប៉ាម៉ាក់អាចចាប់ផ្តើមនៅពេលដែលកូនទើបតែចេះដើរតេះតះ។ ប៉ាម៉ាក់មិនត្រូវគិតថាការមានទំទួលខុសអាចរង់ចាំរហូតដល់វ័យជំទង់នោះដែរ។ ការដាក់ទំទួលខុសត្រូវលើក្មេងជំទង់ដែលមិនដែលធ្វើក្នុងវ័យកុមារគឺជាកំហុសមួយ។

ឲ្យកូនៗចេះជួយប៉ាម៉ាក់

ប៉ាម៉ាក់មិនត្រូវធ្វើការងារផ្ទះតែម្នាក់ឯងឡើយ។ ប៉ាម៉ាក់ត្រូវលើកទឹកចិត្ត និងឲ្យកូនៗជួយ ទោះបីជាកូនៗធ្វើយឺត និងមិនស្ទាត់ជំនាញក៏ដោយហើយប៉ាម៉ាក់ត្រូវសហការជាមួយកូនៗ។ ប៉ាម៉ាក់ត្រូវប្រាដកថាបានចំណាយពេលវេលាដ៏មានតម្លៃនេះក្នុងការបង្រៀនកូនឲ្យទទួលបាននូវភាពជោគជ័យក្នុងពិភពពិតជាក់ស្តែងនេះ។

អត្ថបទពាក់ព័ន្ធ៖

បង្ហាញផ្លូវដល់កូនៗ

ជំហានដំបូងប៉ាម៉ាក់ត្រូវបង្រៀនកូនៗពីការងារផ្ទះតិចតូច។ ដូចជាប្រសិនបើកូនៗចង់ញ៉ាំអាហារសម្រន់ ប៉ាម៉ាក់ត្រូវបង្ហាញកូនពីកន្លែងដែលយើងទុកផ្លែឈើ និងរបៀបក្នុងការលាងសម្អាត។ ប្រសិនបើកូនៗបោះសម្លៀកបំពាក់ដែលកខ្វក់នៅលើឥដ្ឋ ប៉ាម៉ាក់ត្រូវដាក់កន្ត្រកខោអាវឲ្យកូនៗឃើញ និងដឹងពីកន្លែងដែលត្រូវដាក់សម្លៀកបំពាក់ដែលប្រើរួច។ ប៉ាម៉ាក់គួរចាត់ចែងការងារដែលសមស្របទៅនឹងអាយុរបស់កូនៗវ័យលូតលាស់របស់គេ។

ត្រូវចេះសរសើរកូនៗ

ក្មេងតូចៗចូលចិត្តចូលរួមធ្វើអ្វីមួយជាមួយប៉ាម៉ាក់ណាស់ ព្រោះថាអូនៗចង់ជួយប៉ាម៉ាក់។ ចំពោះអូនៗ ការងារផ្ទះប្រៀបបានដូចជាការលេងជាងការធ្វើការ។ប៉ាម៉ាក់ត្រូវរក្សាភាពរស់រវើកដែលវិជ្ជមានជាមួយនឹងការសរសើរដល់កូនៗ។ ប៉ាម៉ាក់ត្រូវប្រើពាក្យសរសើរណាដែលជាក់លាក់ ជៀសវាងការសរសើរបែបទូទៅដូចជា “ល្អ!” ត្រូវប្រាប់កូនពីអ្វីដែលខ្លួនគេធ្វើបានដើម្បីធ្វើឲ្យពាក្យសេសើររបស់ប៉ាម៉ាក់កាន់តែមានន័យ។

អត្ថបទពាក់ព័ន្ធ៖

ជៀសវាងការឲ្យរង្វាន់

ភាពមានទំទួលខុសត្រូវមិនមែនភាពមេត្តាករុណាទេ។ មិនត្រូវឲ្យកូនអ្នកមានទំលាប់ក្នុងការរំពឹងថានឹងបានទទួលអ្វីមួយដែលសាមញ្ញឡើយ។ ការឲ្យរង្វាន់ដល់កូនៗសម្រាប់ការធ្វើកិច្ចការផ្ទះ អាចធ្វើឲ្យកូនគិតថាការទទួលខុសត្រូវគឺត្រូវមានការចំណាយ។ ប្រសិនបើប៉ាម៉ាក់ពិតជាចង់ផ្តល់រង្វាន់ដល់កូនៗ ប៉ាម៉ាក់គួរតែទុករង្វាន់សម្រាប់ភារកិច្ចដែលលើសពីការទទួលខុសត្រូវរបស់កូន។

អត្ថបទពាក់ព័ន្អ៖

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

ត្រួតពិនិត្យដោយ

វេជ្ជ. ចាន់ ស៊ីណេត

ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ

អត្ថបទដោយ ចាន់ សុខឡាង · កែ 11/05/2020