ក្មេងៗរាកបណ្តាលមកពីមូលហេតុច្រើនយ៉ាង ក្នុងនោះការញ៉ាំទឹក ភេសជ្ជៈ ចំណីអាហារផ្តេសផ្តាស ខ្វះអនាម័យ ហើយជួនជាអាកាសធាតុក្តៅផងនោះ អូនតូចងាយនឹងរាករូសបំផុត។
កូនរាកតិចតួចធ្វើម៉េច?
រាករូសធ្វើឲ្យរាងកាយបាត់បង់ជាតិទឹក ដូច្នេះហើយការបំពេញជាតិទឹកឲ្យបានគ្រប់គ្រាន់ជារឿងត្រូវធ្វើដំបូងគេ។ ពេលកូនរាក ម៉ាក់ប៉ាត្រូវឲ្យញ៉ាំទឹកឲ្យបានច្រើន (ទឹកស្អាត ទឹកដូង ឬទឹកអូរ៉ាលីត) បន្ទាប់មកទៀត គឺតមអាហារ នំចំណី ឬភេសជ្ជៈណាដែលធ្វើឲ្យរាក។
រាកឲ្យកូនញ៉ាំអីល្អ?
កូនកំពុងតែរាក ម៉ាក់ប៉ាច្បាស់ជាពិបាកសម្រេចចិត្តថាឲ្យកូនញ៉ាំអីល្អ ឬមិនល្អ មែនទេ?
អាហារគួរញ៉ាំ៖
– បបរខាប់
– បាយ
– នំប៉័ង
– ទឹក ឬទឹកដោះគោឲ្យបានច្រើន។
អាហារមិនគួរញ៉ាំ៖
– អាហារផ្អែមខ្លាំង ធ្វើឲ្យរឹតតែបាត់បង់ជាតិទឹក
– អាហារហឹរ ធ្វើឲ្យប៉ះពាល់ដល់ពោះវៀន។
វិធីបង្ការរាករូស៖
កូនរាកដោយខ្វះអនាម័យ ឬញ៉ាំចំណីអាហារខុស ងាយនឹងបង្ការបានទេ ដូច្នេះម៉ាក់ប៉ាចាំបាច់ត្រូវតែអនុវត្តតាមការណែនាំងាយៗខាងក្រោមនេះ។
– លាងដៃកូនជាមួយសាប៊ូមុនញ៉ាំអាហារ
– ឲ្យកូនញ៉ាំទឹកស្អាត ឬទឹកដាំពុះ
– ញ៉ាំស្អាត និងរស់នៅស្អាត
– បើកូននៅប៉ឹមដោះ ត្រូវបន្ថែមឲ្យកូនម៉ឹមកាន់តែច្រើន ព្រោះទឹកដោះម៉ាក់សម្បូរជាតិទឹក។
ករណីណា ត្រូវនាំកូនទៅពេទ្យ ?
បើអូនតូចមានរោគសញ្ញាដូចខាងក្រោម ត្រូវតែប្រញាប់នាំកូនទៅពេទ្យ ព្រោះការបន្ថែមជាតិទឹកមួយមុខមិនគ្រប់គ្រាន់ទេ។
– ស្បែកស្ងួត និងស្អិតមាត់
– ក្តៅខ្លួនអត់បាត់
– មិនសូវលេងច្រើន
– មិនញ៉ាំ មិនម៉ឹម
– ភ្នែករូង គ្មានទឹកភ្នែកពេលយំ
– នោមតិចតួច ឬមិននោមសោះ
– ឈឺពោះ
– ក្អួត
– លាមកលាយឈាម ឬសំបោរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
