ខណៈអាកាសធាតុក្តៅខ្លាំង កើនដល់ទៅ ៤០-៤១ អង្សារសេនាសប្តាហ៍នេះ ធ្វើឲ្យមនុស្សសត្វពិបាកទ្រាំ ក្រសួងអប់រំ យុវជន និងកីឡា បានសម្រេចកែប្រែម៉ោងបង្រៀន និងរៀនក្នុងថ្នាក់ ក្នុងអំឡុងរដូវប្រាំងនេះ។
យោងតាមសេចក្តីជូនដំណឹងរបស់ក្រសួង ដែលជម្រាបមកប្រធានមន្ទីរអប់រំ យុវជន និងកីឡា រាជធានី-ខេត្ត ការកែប្រែម៉ោងសិក្សានេះ ដើម្បីទប់ស្កាត់ហានិភ័យ និងចៀសវាងជំងឺផ្សេងៗ ដែលអាចប៉ះពាល់ដល់សុខភាព ការរៀនសូត្រ និងការបំពេញការងាររបស់សិក្សានុសិស្ស លោកគ្រូ អ្នកគ្រូ ពិសេសកុមារតូចៗ។
ពេលវេលា នៃការផ្លាស់ប្តូរ៖
ពេលព្រឹក៖ ចូលរៀនម៉ោង ៧៖០០ ចេញម៉ោង ១០៖៣០
ពេលរសៀល៖ ចូលរៀនម៉ោង ១៣៖៣០ ចេញម៉ោង ១៧៖០០
នៅពេលផុតរដូវក្តៅ ក្រសួងអប់រំ យុវជន និងកីឡា នឹងអនុវត្តគោលការណ៍ម៉ោងបង្រៀន និងរៀន ដែលស្រាប់វិញ។
[embed-health-tool-vaccination-tool]
