ត្រីគឺជាចំណែកមួយដ៏សំខាន់ក្នុងរបបអាហារប្រចាំថ្ងៃរបស់យើង។ យើងអាចយកត្រីមកធ្វើជាម្ហូបមានរសឆ្ងាញ់ ហើយត្រីក៏សម្បូរទៅដោយសារធាតុចិញ្ចឹមជាច្រើន ដែលផ្ដល់សារៈប្រយោជន៍ដល់សុខភាពរបស់មនុស្សយើង។ យើងគ្រប់គ្នាសុទ្ធតែបានដឹងហើយថា ការញ៉ាំសាច់ត្រីជួយដល់សុខភាពរបស់យើងបានយ៉ាងច្រើន។ ប៉ុន្តែនៅមានមនុស្សមួយចំនួនមិនទាន់ដឹងថាហេតុអ្វីបានជាញ៉ាំត្រីជួយដល់សុខភាព ហើយសាច់ត្រីមានផ្ទុកសារធាតុចិញ្ចឹមអ្វីខ្លះ។ ដូចនេះ ដើម្បីស្រាយចម្ងល់ទាំងអស់នោះ Hello គ្រូពេទ្យនឹងបកសា្រយថាតើត្រីមានសារៈសំខាន់ដូចម្ដេច ហើយជួយដល់សុខភាពរបស់ក្មេងៗ បានយ៉ាងម៉េចដែរ។
ត្រីគឺជាប្រភេទអាហារដែលផ្ទុកសារធាតុចិញ្ចឹមសំខាន់ៗសម្រាប់ខ្លួនយើងជាច្រើន។ ក្នុងនោះត្រីអាចមានផ្ទុកសារធាតុដូចជា ប្រូតេអ៊ីន អាស៊ីតអាមីណូ អូម៉េហ្កា ៣ មេថ្យូនីន(methionine) ទីរ៉ូស៊ីន(tyrosine) លីស៊ីន(lysine) និងទ្រីតូហ្វាន(tryptophan)ជាដើម។ ម្យ៉ាងទៀត ប្រូតេអ៊ីនមានក្នុងសាច់ត្រី ងាយស្រួលក្នុងការរំលាយ ជាងប្រូតេអ៊ីនមានក្នុងសាច់សត្វផ្សេង។
អត្ថបទពាក់ព័ន្ធ:
- ម៉ាក់ប៉ាត្រូវដឹង! នេះវីតាមីនសំខាន់ៗបំផុត ក្មេងត្រូវការ ខានមិនបាន
- ទាំងនេះជាប្រភពអាហារូបត្ថម្ភ ក្មេងៗខ្វះមិនបាន
- កង្វះអាហារូបត្ថម្ភ ធ្វើឲ្យកុមារបាត់បង់ឱកាសមាសទាំងនេះ
- ក្មេងខ្វះអាហារូបត្ថម្ភទៅជាខ្សោយបញ្ញា ម៉ាក់ប៉ាត្រូវដឹងពីមូលហេតុ និងវិធីបង្ការ
- ខ្វះសារធាតុចិញ្ចឹមសំខាន់ពីរមុខនេះ ឆ្អឹងកូនខ្សោយ អត់មាំ អន់កម្ពស់ ឯធ្មេញក៏មានបញ្ហា
សាច់ត្រីមានផ្ទុកប្រភេទខ្លាញ់ដូចជា លីពីត ដែលជាប្រភេទអាស៊ីតខ្លាញ់មិនទាន់ឆ្អែត និងជួយដល់រាងកាយរបស់យើងជៀសពីខ្លាញ់អាក្រក់ក្នុងឈាម និងមិនធ្វើឲ្យយើងធាត់ឡើយ។
មានត្រីខ្លះផ្ទុកវីតាមីនជាច្រើន មានដូចជាវីតាមីន A វីតាមីន B1 វីតាមីន B12 និងវីតាមីន D ជាដើម។ សាច់ត្រីក៏មានផ្ទុកជាតិរ៉ែ ជាពិសេសកាល់ស្យូម ហើយកំហាប់ជាតិកាល់ស្យូមក្នុងត្រី គឺខ្ពស់ជាងក្នុងសាច់ដទៃ។ សារធាតុចិញ្ចឹមពិសេសជាងគេមានក្នុងសាច់ត្រីនោះគឺ DHA។ DHA ដើរតួយ៉ាងសំខាន់ក្នុងការលូតលាស់របស់ប្រព័ន្ធប្រសាទ និងកោសិកាខួរក្បាល។
Phosphatide មានក្នុងសាច់ត្រី ចូលរួមក្នុងដំណើរការនៃកូលេស្តេរ៉ូល ដែលជួយការពារកុំឲ្យកូលេស្តេរ៉ូលកកក្នុងសរសៃឈាម ជួយកម្ចាត់កូលេស្តេរ៉ូលមិនល្អចេញពីក្នុងខ្លួន ការពារកុំឲ្យធាត់ និងជួយការពារប្រព័ន្ធសរសៃឈាមបេះដូង ហើយក៏ជួយការពារពីជំងឺមហារីកមួយចំនួនបានដែរ។
និយាយឲ្យខ្លី ត្រីមានប្រយោជន៍ច្រើនណាស់។ ខាងក្រោមនេះគឺជាប្រភេទត្រី ដែលមានសុវត្ថិភាព និងល្អសម្រាប់កូនៗរបស់យើង មានដូចជា៖
- ត្រីសាល់ម៉ុន
- ត្រីធូណា
- ត្រីទីឡាព្យា៉
- ត្រី Pollock (Atlantic & Walleye)
- ត្រី Flounder
- ត្រី Haddock
- ត្រីអណ្ដែង
- គ្រំសមុទ្រ
- អយស្ទ័រ
- បង្គា
ហើយត្រី ២ ប្រភេទ ដែលល្អបំផុតសម្រាប់ទ្រទ្រង់សុខភាពរបស់ក្មេងគឺ៖
១-ត្រីសាល់ម៉ុន
ត្រីសាល់ម៉ុនផ្ទុកអាស៊ីតខ្លាញ់មិនឆ្អែតច្រើន ដែលអាចជួយដល់ការលូតលាស់របស់គភ៌ និងទារក។ ត្រីនេះក៏សម្បូរដោយវីតាមីន A វីតាមីនB វីតាមីនD វីតាមីន E កាល់ស្យូម អ៊ីយ៉ុង ស័ង្កសី ម៉ាញ៉េស្យូម ផូស្វ័រ និងជាតិរ៉ែជាច្រើនផ្សេងទៀត។ សាច់ត្រីសាល់ម៉ុនមានសភាពទន់ និងរលោង ដែលជាចំណូលចិត្ដរបស់ក្មេងៗ ហើយក៏ជួយដល់ភាពវ័យឆ្លាតរបស់ក្មេងដែរ។
២- ត្រីធូណា
មានជំងឺមួយមានឈ្មោះថា ការខូតខាតភ្នាសម៉ាគូឡា (macular) ក្នុងភ្នែក ធ្វើឲ្យការមើលឃើញមានកម្រិត។ ជំងឺមួយនេះអាចវិវត្ដិបន្តិចម្ដងៗឲ្យមនុស្សយើងពិការភ្នែកបាន។ ប៉ុន្តែសារធាតុអាស៊ីតអូម៉េហ្កា ៣ មានក្នុងត្រីធូណា អាចជួយការពារជំងឺមួយនេះបាន។
[embed-health-tool-vaccination-tool]
