ក្មេងតូចៗ ជាធម្មតា ទម្ងន់ និងកម្ពស់ គឺវិវត្តទៅតាមអាយុ ប៉ុន្តែករណីក្មេងមួយចំនួន ចេះតែធាត់ទៅៗ ឡើងគីឡូមិនឈប់ គឺដោយសាររបបអាហារប្រចាំថ្ងៃ ដែលប៉ាម៉ាក់មួយចំនួនមើលរំលង។ បើទម្លាប់កូនបែបនេះ គឺមិនល្អចំពោះសុខភាពទេ ថែមទាំងមានគ្រោះថ្នាក់ដល់កូនទៀតផង ហើយអាហារគួរប្រយ័ត្នឲ្យបានច្រើនចំពោះក្មេង មានក្នុងអត្ថបទខាងក្រោមនេះ។
១- ស្ករ
ជាការពិតណាស់ ក្មេងណាក៏ចូលចិត្តស្ករគ្រាប់ ចាហ៊ួយ នំ និយាយរួម ឲ្យតែរបស់ផ្អែម ឃើញមិនបាននោះទេ។ តែដើម្បីកុំឲ្យឆាប់ពុកធ្មេញ ហេតុនេះ គួរកុំសូវឲ្យក្មេងញ៉ាំច្រើនពេក ជាពិសេសក្នុងពេល ២ ឆ្នាំដំបូង។
២- ទឹកប៉ោម
យើងគ្រប់គ្នា គិតថាទឹកផ្លែឈើ សុទ្ធតែល្អសម្រាប់សុខភាព តែទឹកប៉ោមវិញមិនបែបនេះទេ ព្រោះបើទោះជាទឹកប៉ោមសុទ្ធ ១០០% ក៏ដោយ ក្នុងមួយកែវ អាចមានកាឡូរីដល់ទៅ ១៦០កាឡូរី ឯណោះ។ មានន័យថា ផឹកទឹកប៉ោម ដូចជាកូនបានញ៉ាំស្ករ Fructose ប៉ុណ្ណោះ ព្រោះជាតិសរសៃ និងសារធាតុចិញ្ចឹមផ្សេងៗជាច្រើនរបស់ផ្លែប៉ោម បានបាត់បង់អស់ទៅហើយ។ ដូចនេះ បើកូនយើងចូលចិត្តប៉ោម ឲ្យកូនញ៉ាំផ្លែប៉ោមស្រស់វិញល្អជាង។
៣- មី
មី ជាអាហារមានសារធាតុគីមីជាច្រើន អាចធ្វើឲ្យប៉ះពាល់សុខភាពក្មេង។ មួយទៀត មី គឺមានសារធាតុចិញ្ចឹមតិចតួច និងគ្មានវីតាមីន ក៏ដូចជាសារធាតុរ៉ែអ្វីសោះឡើយ។ សូមពិចារណាឡើងវិញ មុននឹងឲ្យក្មេងញ៉ាំមី។
៤- ស៊ុត
ដើម្បីកាត់បន្ថយការប្រឈម នឹងប្រតិកម្មអាហារ ប៉ាម៉ាក់កុំទាន់ឲ្យកូនញ៉ាំស៊ុត ឬអាហារធ្វើពីស៊ុត ដូចជា នំខេក ជាដើម។ ចាំពេលក្មេងមានអាយុ ៦ ខែសិន ចាំសាកឲ្យកូនញ៉ាំ ដូចជា ស៊ុតស្ងោរ ក៏បាន។ តែកុំឲ្យញ៉ាំស៊ុតមាន់ ឬទា ចម្អិននៅជ័រភ្នៅអី ព្រោះអាចធ្វើឲ្យក្មេងរងប្រតិកម្មបាន។
អត្ថបទពាក់ព័ន្ធ៖
- ផ្លែឈើ ១១មុខ ល្អបំផុតសម្រាប់ពេលចាប់ផ្តើមផ្តល់អាហារដំបូងឲ្យកូន
- ប៉ាម៉ាក់ត្រូវដឹង អាហារទាំងនេះគ្មានសុវត្ថិភាពចំពោះក្មេងតូចៗទេ
៥- ទឹកដោះគោស្រស់
ទឹកដោះគោះស្រស់ មិនសាកសមនឹងក្មេងក្រោម ១២ ខែឡើយ។ ដោយសារវា មិនមានវីតាមីន និងសារធាតុខ្លាញ់គ្រប់គ្រាន់ឡើយ បើប្រៀបនឹងទឹកដោះម្តាយ ឬម្សៅទឹកដោះគោ។ ចំពោះក្មេងអាយុចាប់ពី ៦ ខែឡើង អាចឲ្យញ៉ាំទឹកដោះគោ ប្រភេទ Full cream milk បាន។
៦- គ្រាប់ធញ្ញជាតិ
គ្រាប់ធុញ្ញជាតិ រួមមាន សណ្តែកដី គ្រាប់ស្វាយចន្ទី គ្រាប់អាល់ម៉ុន និងគ្រាប់រីករាយជាដើម មិនគួរឲ្យក្មេងអាយុក្រោម ៥ឆ្នាំ ញ៉ាំឡើយ ព្រោះវាអាចធ្វើក្មេងស្លាក់។ ទោះបីមិនឆ្លាក់ អាចអោយមានប្រតិកម្មអាហារ ជាពិសេសក្មេង មានសមាជិកក្នុងគ្រួសារ មានប្រវិត្តប្រតិកម្មនឹងគ្រាប់ធញ្ញជាតិណាមួយ។ ហេតុនេះ ប៉ាម៉ាក់ ត្រូវតែប្រុងប្រយ័ត្នពេលលាយគ្រាប់ធញ្ញជាតិចូលក្នុងអាហារកូន។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយគ្រូពេទ្យជំនាញ។Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
