កូនក្មេងចេះតែទល់លាមកពីមូលហេតុច្រើនយ៉ាង អាចមកពីរបបអាហារដែលមិនសម្បូរជាតិកាកសរសៃ ម្សៅទឹកដោះគោ កូនខ្វះជាតិទឹក ឬការបន្ថែមអាហាររឹងផ្សេងៗទៅក្នុងរបបអាហាររបស់កូន ធ្វើឲ្យក្រពះពោះវៀនក្មេងពិបាករំលាយ។ តើអាហារណាខ្លះអាចធ្វើឲ្យកូនទល់លាមក? បើកូនទល់លាមកត្រូវឲ្យញ៉ាំអី?
លោកវេជ្ជបណ្ឌិតឯកទេសជំងឺទូទៅ ចាន់ ស៊ីណេត ថា នៅពេលកូនចេះញ៉ាំអាហារម៉ាក់ប៉ាតែងតែបញ្ចុក ឬបន្ថែមរបបអាហារឲ្យទៅកូន ដោយអាហារទាំងនោះមិនបានកិនឲ្យម៉ដ្ត ពិសេសអាហាររឹងមួយចំនួន ជាហេតុនាំឲ្យកូនទល់លាមក។
១- អាហារធ្វើក្មេងទល់លាមក
– ការ៉ុត
– ដំឡូងបារាំង
– ទឹកដោះគោ
– ផ្លែចេកទុំស្ទើរ
– បាយ
– នំប៉័ង។
អត្ថបទពាក់ព័ន្ធ៖
២- អាហារជួយបន្ទន់លាមកកូន
បើកូនទល់លាមក ម៉ាក់ៗត្រូវរកមូលហេតុឲ្យឃើញ និងត្រូវឲ្យកូនញ៉ាំទឹកឲ្យបានច្រើន ពិសេសអាហារដែលមានជាតិកាកសរសៃ ឬ ហ្វៃបឺរ នោះអាចជួយបន្ទន់លាមកកូនបាន។
– បន្លែបៃតង
– ចេកទុំ
– ល្ហុងទុំ
– ដំឡូងជ្វា
– ស្វាយទុំ
– ក្រូច
– ប៊ើរ។
[embed-health-tool-vaccination-tool]
