ស្របពេលអាកាសធាតុក្តៅខ្លាំង ធ្វើឲ្យមានកំណើននៃជំងឺពងបែកដៃជើង និងមាត់លើកុមារអាយុក្រោម ៥ឆ្នាំ ដែលករណីខ្លះមានសភាពធ្ងន់ធ្ងរ តម្រូវឲ្យសង្គ្រោះបន្ទាន់។ នេះបើតាមការប្រកាសឲ្យដឹងរបស់ក្រសួងសុខាភិបាល នៅថ្ងៃទី២២ ខែមីនា ឆ្នាំ២០១៩នេះ។
១- រោគសញ្ញាជំងឺពងបែកដៃជើង និងមាត់
ជំងឺពងបែកដៃជើង និងមាត់ ជាជំងឺឆ្លងដែលកើតឡើងញឹកញាប់ចំពោះទារក និងកុមារ ហើយរោគសញ្ញាមាន គ្រុនក្តៅ មានដំបៅក្នុងមាត់ មានពងកន្ទួលលើបាតដៃ បាតជើង និងកំប៉េះគូទ។
ក្នុងករណីជំងឺនេះស្រាល អាចជាសះស្បើយពី ៧-១០ថ្ងៃ ដោយគ្រាន់តែញ៉ាំទឹកឲ្យបានច្រើន ប្រើថ្នាំបញ្ចុះកម្តៅ និងបំបាត់ការឈឺចាប់បណ្តាលមកពីពងបែកក្នុងមាត់ ម៉ាក់ប៉ាមិនត្រូវថ្នាំអាស្ពីរីន ដើម្បីបញ្ចុះកម្តៅកូនឡើយ។
២- ផលវិបាកជំងឺពងបែកដៃជើង និងមាត់
ជំងឺពងបែកដៃជើង និងមាត់ ក៏អាចបង្កជាផលវិបាកធ្ងន់ធ្ងរដែរ ប៉ុន្តែជាករណីកម្រប៉ុណ្ណោះ។ ផលវិបាកទាំងនោះរួមមាន អូនតូចអាចហត់ ប្រកាច់ ឬកន្ត្រាក់ដៃជើង ហើយជំងឺនេះអាចឆ្លងពីមនុស្សម្នាក់ទៅមនុស្សម្នាក់ទៀតតាមរយៈទឹកមាត់ កំហាក និងសំបោរ ទឹករងៃចេញពីពងបែក លាមកអ្នកជំងឺ។
៣- វិធីការពារជំងឺពងបែកដៃជើង និងមាត់
ជំងឺពងបែកដៃជើង និងមាត់ជាជំងឺឆ្លង ដូច្នេះយើងត្រូវមានអនាម័យ លាងដៃកូនឲ្យស្អាតជាមួយទឹក និងសាប៊ូ ហើយប្រសិនកូនមានរោគសញ្ញាដូចរៀបរាប់ខាងលើត្រូវប្រញាប់នាំទៅមន្ទីរពេទ្យ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
