សុខភាព មានតម្លៃណាស់សម្រាប់មនុស្សម្នាក់ៗ ជាពិសេសនៅប្រទេសអភិវឌ្ឍន៍ជឿនលឿន ដូចជា អាល្លឺម៉ង់ បើក្មេងៗណា អត់ចាក់វ៉ាក់សាំងការពារកញ្ជ្រឹលទេ នឹងត្រូវពិន័យប្រាក់ ជិត ៣.០០០ដុល្លារ។
លោក Jens Spahn រដ្ឋមន្រ្តីសុខាភិបាលអាល្លឺម៉ង់ ប្រាប់កាសែត Bild am Sonntag ថា “ខ្ញុំចង់លុបបំបាត់ជំងឺកញ្ជ្រឹល។ នរណា មិននាំកូនទៅចាក់វ៉ាក់សាំង ប្រឈមនឹងការពិន័យ ២.៥០០អឺរ៉ូ (ជិត ៣.០០០ដុល្លារ)”។
លោករដ្ឋមន្រ្តីរូបនេះ កំពុងរៀបចំសេចក្តីព្រាងច្បាប់ កំណត់កាតព្វកិច្ចម្ដាយឪពុក នាំកូនទៅចាក់វ៉ាក់សាំងការពារកញ្ជ្រឹល។ លោករំពឹងថា សេចក្តីព្រាងច្បាប់នេះ នឹងទទួលបានការគាំទ្រពីលោកស្រីអធិការបតីអាល្លឺម៉ង់ Angela Merkel។ ចំណែកអ្នកជំនាញគោលនយោបាយសុខាភិបាល លោក Karl Lauterbach បញ្ជាក់ថា វាជាគំនិតផ្ដួចផ្ដើមល្អ ព្រោះវានឹងអត់ដំណើរការទេ បើគ្មានការពិន័យ។
អត្ថបទពាក់ព័ន្ធ៖
- អ៊ីតាលីចេញច្បាប់ថ្មី “ក្មេងអត់ចាក់វ៉ាក់សាំងត្រឹមត្រូវ អត់ឲ្យចូលរៀន”
- ពន្យារ ឬអត់ចាក់វ៉ាក់សាំងឲ្យកូន ដឹងថាប៉ះពាល់អីខ្លះអត់?
គួរបញ្ជាក់ថា មុនអាល្លឺម៉ង់ រៀបចំសេចក្តីព្រាងច្បាប់នេះ អ៊ីតាលីក៏បានចេញច្បាប់ថ្មីមួយដែរ គឺក្មេងណា មិនចាក់វ៉ាក់សាំងការពារកញ្ជ្រឹល មិនឲ្យចូលរៀននោះទេ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
