ក្តៅខ្លួនមិនមែនជាជំងឺនោះ ជារោគសញ្ញានៃជំងឺអ្វីមួយ ឬក៏បង្ករោគណាមួយ ហើយមិនមែនគ្រប់ករណីកូនក្តៅខ្លួន ត្រូវនាំកូនទៅជួបពេទ្យទាំងអស់នោះទេ។ តែចំពោះកូនតូចអាយុក្រោម៦ខែ ទោះកើតគ្រប់ខែ ឬមិនគ្រប់ខែក្តី លោកស្រីវេជ្ជបណ្ឌិត គុជ ឆោមដាលីន បម្រើការងារនៅមជ្ឈមណ្ឌលវេជ្ជសាស្រ្តសិង្ហបុរីថា ទោះជាក្តៅខ្លួនកម្រិតណាក៏ត្រូវនាំទៅជួបគ្រូពេទ្យបន្ទាន់ដែរ។
ពាក់ព័ន្ធនឹងមូលហេតុដែលត្រូវនាំកូនអាយុក្រោម៦ខែដែលក្តៅខ្លួនទៅជួបគ្រូពេទ្យបន្ទាន់ ទោះជាក្តៅកម្រិតស្រាល ឬធ្ងន់ក៏ដោយនោះ លោកស្រីវេជ្ជបណ្ឌិតឯកទេសរោគកុមាររូបនេះបញ្ជាក់ថា ក្មេងតូចក្តៅខ្លួនពិបាករកមូលហេតុជាងក្មេងធំ ហើយថែមទាំងងាយប្រឈមនឹងធ្ងន់ធ្ងរទៀត។
“កូនយើងនៅតូច អាយុក្រោម៦ខែ អ៊ីចឹងកាលណាក្តៅខ្លួន គួរតែយកទៅឲ្យពេទ្យពិនិត្យមើល ព្រោះអីជួនកាលក្មេងតូច ក្តៅខ្លួនអាចរកប្រភពអត់ឃើញ ហើយបើកូនតូចក្តៅខ្លួន អាចប្រឈមនឹងជំងឺធ្ងន់ច្រើន’។ លោកស្រីវេជ្ជបណ្ឌិតរៀបរាប់។
តាមក្បួនពេទ្យក្មេងដែលឡើងកម្តៅចាប់ ៣៧,៥ អង្សារសេឡើងទៅ ទើបហៅថាក្តៅខ្លួន។ លោកស្រីវេជ្ជបណ្ឌិតបានបន្ថែមថា កាលបើទៅពិគ្រោះជាមួយពេទ្យកុមារទាន់ពេលវេលា កម្រមានបញ្ហាធ្ងន់ធ្ងរ ឈានដល់ស្លាប់ណាស់។
ក្រៅពីលក្ខខណ្ឌកូនតូចអាយុក្រោម៦ខែ នៅមានករណីផ្សេងទៀតដែលម៉ាក់ប៉ាត្រូវនាំកូនពេទ្យបន្ទាន់ មានដូចជាកូនក្តៅខ្លួនមិនអាចគ្រប់គ្រងបានក្រោយឲ្យថ្នាំត្រជាក់រួច ក្មេងមានអាការៈក្តៅខ្លួន អត់មាត់ អត់លេងច្រើន គិតតែពីគេងខុសប្លែកធម្មតា និងក្មេងក្តៅខ្លួនខ្លាំងហើយមានសញ្ញាធ្ងន់ធ្ងរ ដូចជា ប្រកាច់ មានបញ្ហាផ្លូវដង្ហើម ក្អួត។
អត្ថបទពាក់ព័ន្ធ៖
- កូនតូចក្តៅខ្លួនកម្រិតណា ទើបត្រូវនាំទៅពេទ្យ?
- Fever of Unknown Origin (ក្តៅខ្លួនដោយមិនដឹងប្រភព)
- ហេតុអីកូនតូចងាយក្តៅខ្លួន ហើយក្ដៅកម្រិតណា ទើបត្រូវបារម្ភខ្លាំង?
- មកដឹងពីវិធីសង្គ្រោះបឋមកូន ពេលក្តៅខ្លួនខ្លាំង មិនឲ្យឈានដល់ប្រកាច់
- កំហុសឆ្គង ៣ យ៉ាងធ្វើឲ្យកូនឈឺញឹក តែម៉ាក់ប៉ាមិនសូវចាប់អារម្មណ៍
- តិចនិកចិញ្ចឹមកូនតូចអាយុ ក្រោម ៦ ខែ ឲ្យលូតលាស់ល្អ មិនងាយឈឺ
- ស្រាយចម្ងល់រឿងមិនឲ្យអាអូនអាយុក្រោម ៦ ខែ ញ៉ាំទឹក
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
