ក្រោយពេលសម្រាល ទារកដែលទើបតែកើតត្រូវការភាពកក់ក្តៅពីសំណាក់ប៉ាម៉ាក់ ដូចជា ការឱប ថើប បបោសអង្អែល ពាក្យសម្ដីទន់ភ្លន់ និងការច្រៀងបំពេរជាដើម។ សកម្មភាពរបស់ប៉ាម៉ាក់ទាំងនេះ មិនត្រឹមតែអាចបង្ហាញពីសេចក្តីស្រលាញ់ចំពោះប៊េប៊ីនោះទេ ថែមទាំងជួយឲ្យការលូតលាស់ផ្នែកខួរក្បាលរបស់កូនកាន់តែប្រសើរទៅទៀត។ ការទទួលបានភាពកក់ក្តៅគ្រប់គ្រាន់ដើរតួយ៉ាងសំខាន់ក្នុងការអភិវឌ្ឍផ្នែករាងកាយក៏ដូចជាបញ្ញារបស់អូនៗ។
អត្ថបទពាក់ព័ន្ធ៖
- កូនធំឡើងជាមនុស្សល្អ និងស្ដាប់បង្គាប់ ប៉ាម៉ាក់ត្រូវដឹងរឿងទាំងនេះ
- ប៉ាម៉ាក់ត្រូវដឹង អូនៗយប់ឡើងក្រគេងអាចមកពីលេងទូរសព្ទច្រើនពេក
ការផ្សារភ្ជាប់ទំនាក់ទំនងរវាងប៉ាម៉ាក់ និងកូនៗ ដោយផ្ដល់នូវក្ដីស្រលាញ់ ក៏ដូចជាសុវត្ថិភាពតាំងពីអូនៗទើបកើតដំបូងពិតជាមានសារសំខាន់ខ្លាំងលើការលូតលាស់។ ម៉ាក់ប៉ាមួយចំនួនអាចផ្សារភ្ជាប់ទំនាក់ទំនងនេះបានភ្លាមតាំងពីកូនទើបតែកើត យ៉ាងណាមិញ ម៉ាក់ប៉ាមួយចំនួនទៀតត្រូវការពេលយូរជាងនេះ។ អ្នកជំនាញជាច្រើនបាននិយាយថា ប៉ាម៉ាក់គួរព្យាយាមយកចិត្តទុកដាក់លើកូនខ្លួន ដូចជាការសម្លឹងមើលកូនដោយកែវភ្នែកប្រកបដោយក្ដីស្រលាញ់ លើកកូនពរឲ្យបានច្រើន ក៏ដូចជាបំពេញទៅតាមតម្រូវការផ្សេងៗរបស់ក្មេង។
៧ចំនុចខាងក្រោមនេះ អាចជួយផ្សារភ្ជាប់ទំនាក់ទំនងរវាងប៉ាម៉ាក់និងកូនៗឲ្យកាន់តែមានភាពស្អិតរមួត ក៏ដូចជាជួយឲ្យការលូតលាស់ផ្នែកខួរក្បាលរបស់កូនឲ្យកាន់តែល្អប្រសើរ។
១. ថែរក្សាសុខភាពពេលមានគភ៌
ចាប់ពីសប្តាហ៍ទី៦រហូតដល់ខែទី៥នៃគភ៌ កោសិកាប្រហែលជា១០០ពាន់លាននៃរចនាសម្ព័ន្ធខួរក្បាលទារកនឹងធ្វើការលូតលាស់ជាបន្តបន្ទាប់។ ហេតុនេះ ម៉ាក់ៗគ្រប់រូបគប្បីទទួលទានអាហារូបត្ថម្ភឲ្យបានគ្រប់គ្រាន់ ធ្វើលំហាត់ប្រាណជាប្រចាំ ក៏ដូចជាមើលថែសុខភាពខ្លួនឲ្យបានដិតដល់។
អត្ថបទពាក់ព័ន្ធ៖
- គភ៌ក្នុងផ្ទៃអាយុប៉ុណ្ណេះអាចស្ដាប់ឮ ម៉ាក់ប៉ាត្រូវនិយាយជាមួយឲ្យបានច្រើន
- ទារកក្នុងផ្ទៃលូតលាស់បានល្អ អាស្រ័យលើកត្តាសំខាន់២នេះ
២. ប៉ះ និងបបោសអង្អែល
សកម្មភាពប៉ះ ក៏ដូចជាបបោសអង្អែលទៅលើទារក ជាសញ្ញាបង្ហាញថាប៉ាម៉ាក់ពិតជាស្រលាញ់ និងត្រូវការអូនៗពិតមែន ហើយអាចជួយឲ្យអូនៗមានអារម្មណ៍ធូរស្បើយ និងជៀសផុតពីអារម្មណ៍តានតឹងផ្សេងៗ និងកាន់តែធ្វើឲ្យអូនឆាប់ចាប់បាននូវចំណេះដឹងថ្មីៗ ទាក់ទងទៅនឹង ការប៉ះ គំហើញ សំឡេង និងក្លិន។
៣. រៀនយល់ពីកូន
ការបណ្ដុះផ្នែកស្មារតីតាមរយៈការព្យាយាមយល់អារម្មណ៍របស់កូន ឬក៏អាចថាប៉ាម៉ាក់ឆ្លើយតបទៅអូនៗវិញភ្លាមៗនៅពេលអូនៗញញឹមដាក់ ដោយយើងត្រូវញញឹម ឬងក់ក្បាលដាក់កូនវិញ ឬក៏ព្យាយាមនិយាយតបទៅកូនវិញ។ ពេលប៉ាម៉ាក់ធ្វើសកម្មភាពបែបនេះ គឺជួយឲ្យអូនៗឆាប់ចេះស្វែងយល់ពីអារម្មណ៍របស់អ្នកនៅជុំវិញខ្លួន ក៏ដូចជាធ្វើឲ្យកូនមានអារម្មណ៍ថាមានសុវត្ថិភាព និងគ្មានភាពតានតឹង
អត្ថបទពាក់ព័ន្ធ៖
- ៣ចំណុចងាយៗ ម៉ាក់ប៉ាធ្វើបាន ធានាថាកូនស្រលាញ់ងប់ងល់
- ប៉ាម៉ាក់និយាយភាសាកូនក្មេងទៅកាន់កូនតូច ជួយអភិវឌ្ឍផ្នែកខួរក្បាលកូនៗបានល្អ
៤. ឲ្យកូនរៀនយល់ពីអ្នកនៅជុំវិញខ្លួន
ក្រៅពីនៅជាមួយម៉ាក់ប៉ា កូនៗ ក៏គួរតែមានពេលវេលាលេងជាមួយអ្នកដទៃដូចជាសមាជិកគ្រួសារផ្សេង។ ការធ្វើដូចនេះដើម្បីឲ្យអូនៗរៀនយល់ពីសង្គម ក៏ដូចជាត្រៀមខ្លួនបានខ្លះនៅពេលធំជាងនេះបន្តិចអាចចេះរាប់អានមិត្តភក្តិជាដើម។
៥. សន្ទនាជាមួយកូន
អ្នកវិទ្យាសាស្ត្រជាច្រើន បាននិយាយថាក្មេងលូតលាស់ផ្នែកភាសាខ្លាំងជាងគេនៅកំឡុងពេល៥ឆ្នាំដំបូង។ ក្មេងៗដែលធ្លាប់ស្តាប់ឮ ឬក៍និយាយបានច្រើនក្នុងកំឡុងពេលនេះអាចនឹងចូលចិត្តអាននៅពេលធំឡើង។ ហេតុនេះ ប៉ាម៉ាក់គប្បីនិយាយជាមួយកូនឲ្យបានច្រើននៅកំឡុងពេលនេះ។
៦. អានឲ្យកូនស្តាប់
នៅពេលដែលប៉ាម៉ាក់អានឲ្យកូនស្តាប់ កោសិកាខួរក្បាលរបស់កូននឹងធ្វើការកត់ទុករាល់ពាក្យថ្មីដែលបានឮ។ ប៉ាម៉ាក់អាចដាក់កូនឲ្យអង្គុយនៅលើភ្លៅ រួចព្យាយាមផ្សារភ្ជាប់រឿងដែលយើងអានទៅនឹងកូនយើង ទៅតាមចំណង់ចំណូលចិត្តរបស់កូន។ នៅពេលដែលកូនស្តាប់ពីអ្វីដែលគេចូលចិត្តស្រាប់ ធ្វើឲ្យអូនៗកាន់តែងាយចាប់បានរាល់ពាក្យថ្មីទាំងនេះថែមទៀត។
អត្ថបទពាក់ព័ន្ធ៖
- ប៉ាម៉ាក់នាំកូនៗអាន ជួយអភិវឌ្ឍខួរក្បាលច្រើនណាស់ ពិសេសកូនៗអាយុក្បែរ៥ឆ្នាំ
- ប៉ាម៉ាក់ចូលចិត្តលេងទូរសព្ទនៅផ្ទះ អាចនាំឲ្យបាត់ទំនាក់ទំនងល្អជាមួយកូនៗ
៧. លេងជាមួយកូន
ប៉ាម៉ាក់គួរព្យាយាមលេងជាមួយកូនឲ្យបានច្រើន ដើម្បីជួយឲ្យផ្នែកចលនា គំនិតច្នៃប្រឌិត ក៏ដូចជាកោសិកាខួរក្បាលរបស់កូនលូតលាស់បានកាន់តែលឿនថែមទៀត។ យើងអាចលេងជាមួយកូនតាមរយៈ ការស្តាប់ចំរៀង គូររូប រាំ ឬក៏ជ្រើសរើសសិល្បៈណាមួយផ្សេងទៀត។
ប្រសិនបើប៉ាម៉ាក់មិនទាន់អាចផ្សារភ្ជាប់ទំនាក់ទំនងជាមួយនឹងកូនបានល្អនៅកំឡុងពេលដំបូងៗនោះ កុំទាន់អាលព្រួយបារម្ភអ្វី ព្រោះថាប៉ាម៉ាក់មួយចំនួនធំក៏ជួបនឹងបញ្ហាដូចគ្នានេះដែរ។ យ៉ាងណាមិញ ទំនាក់ទំនងរវាងយើងនឹងកូនអាចចាប់ផ្តើមប្រសើរបន្តិចម្តងៗ នៅពេលដែលកូនធំជាងនេះ។
ដើម្បីផ្សារភ្ជាប់ទំនាក់ទំនងជាមួយនឹងកូនបានល្អ ទាមទារឲ្យប៉ាម៉ាក់អន់ធ្មត់ ចំណាយពេលវេលាច្រើន ក៏ដូចជាព្យាយាមយកចិត្តទុកដាក់ធ្វើការស្វែងយល់ទៅលើកូន ជួនកាលក៏អាចធ្វើឲ្យប៉ាម៉ាក់មានអារម្មណ៍ថា ហត់នឿយ បារម្ភ ខុស ក៏ដូចជាខឹងផងដែរ។ យ៉ាងណាមិញ លទ្ធផលដែលបានក្រោយពីការព្យាយាមទាំងនោះនឹងមិនធ្វើឲ្យប៉ាម៉ាក់ខកចិត្តនោះទេ។
ប្រសិនបើយើងមានចម្ងល់អ្វីមួយទាក់ទងទៅនឹងបញ្ហានេះ សូមពិគ្រោះយោបល់ជាមួយអ្នកជំនាញបន្ថែមដើម្បីទទួលបានដំណោះស្រាយច្បាស់លាស់។
អត្ថពទពាក់ព័ន្ធ៖
- ប៉ាម៉ាក់គួរបង្កើតទម្លាប់ល្អទាំងនេះ ដើម្បីសុខភាពកូនៗ
- ម៉ាក់ប៉ាគួរផ្ដល់ឱកាសឲ្យកូនសម្រេចចិត្តរឿង ៤ យ៉ាងតាំងពីក្មេង
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។
Hello Health Group មិនចេញ វេជ្ជបញ្ជា មិនធ្វើរោគវិនិច្ឆ័យ ឬការព្យាបាលជូនទេ។
[embed-health-tool-vaccination-tool]
