ម៉ាក់ប៉ាច្បាស់ជាមិនដឹងទេថា ត្បិតកូននៅក្នុងផ្ទៃក៏ពិតមែន តែគេអាចស្ដាប់ឮសំឡេងពីក្រៅបាន។ ដូចនេះហើយបានជាពេទ្យតែងតែណែនាំឲ្យម៉ាក់ប៉ានិយាយលេងជាមួយកូនក្នុងផ្ទៃ ហើយម៉ាក់ៗត្រូវតែសប្បាយចិត្តជានិច្ចទើបកូនកើតមកមានភាពរីករាយ។
មាតិកា
គភ៌ក្នុងផ្ទៃអាយុប៉ុណ្ណេះអាចស្ដាប់ឮ ម៉ាក់ប៉ាត្រូវនិយាយជាមួយឲ្យបានច្រើន
លោកវេជ្ជបណ្ឌិត ហ៊ាង រតនា ឯកទេសជំងឺទូទៅបានឲ្យដឹងថាអំឡុងពេលពពោះ ៤-៦ ខែពួកគេអាចចាប់ផ្ដើមឮសំឡេងផ្សេងៗប្រសិនបើប៉ានិយាយនៅក្បែរ ឬសំឡេងឮៗ ដូចនេះហើយយើងអាចនិទានរឿង និយាយពាក្យក្នុងចិត្ត ហៅឈ្មោះ និងជជែកគ្នាលេងជាមួយកូនបាន ដើម្បីកុំឲ្យពួកគេអផ្សុក បង្កើនបញ្ញា និងបង្កើនភាពស្និទ្ធស្នាល។
កត្តានេះហើយ ទើបពេលម៉ាក់ៗពពោះមិនគួរទទួលបានពាក្យគំរាមកំហែង និងសម្លុត ព្រោះវាប៉ះពាល់ដល់កូនដូចគ្នា។ មួយវិញទៀតការដែលទុកម៉ាក់ៗចោលឲ្យនៅម្នាក់ឯងទទួលរងភាពឯកា និងបាក់ទឹកចិត្តពិតជាមិនល្អឡើយ។
វេជ្ជបណ្ឌិត ហ៊ាង រតនា បានលើកឧទាហរណ៍ជាក់ស្ដែងថា ដូចព័ត៌មានថ្មីៗនេះ គឺមានទារិកាប្រេស៊ីលម្នាក់ទើបនឹងកើត អាចសើចដាក់ប៉ាៗភ្លាមពេលឮសំឡេង។ ក្នុងនោះជារៀងរាល់ថ្ងៃ លោកឪពុកតែងជជែកលេងជាមួយកូនស្រីតាំងពីនាងនៅក្នុងពោះ ហើយលោកតែងតែប្រាប់នាងថា “ប៉ាស្រលាញ់កូន ប៉ាប៉ានៅក្បែរកូនជានិច្ច ហើយប៉ាប៉ានឹងធ្វើជាប៉ាដ៏ល្អសម្រាប់កូន”។ នៅពេលកូនកើតមក គឺកូនផ្ដល់ស្នាមញញឹមដ៏ផ្អែមត្រជាក់ដល់ក្រអៅបេះដូង ពេលឮសំឡេងលោក។
មួយវិញទៀតកូនក្នុងវ័យនេះចង់ដឹងចង់ឮពីបរិស្ថានខាងក្រៅ ដូច្នេះយើងត្រូវថ្នមសំឡេង និងមិនគួរបញ្ចេញសំឡេងទ្រគោះបោះបោក។ ដើម្បីឲ្យកូនកាន់តែកូនឆ្លាសវៃ ពេលនៅក្នុងពោះយើងអាចបើកតន្ត្រីផ្សេងៗ ដើម្បីឲ្យកូនបានស្ដាប់ឮ។
អត្ថបទពាក់ព័ន្ធ៖
- ជំនឿបុរាណមិនមែនខុសទាំងអស់ទេ ៤យ៉ាងនេះពេទ្យថាមានន័យចំពោះស្ត្រីមានផ្ទៃពោះ
- ពេលម៉ាក់ៗពពោះ ហើយទទួលរងសម្ពាធទាំងនេះមិនល្អចំពោះកូន និងខ្លួនឯង
- ជាស្វាមី និងប៉ាៗល្អគួរតែធ្វើរឿងទាំងនេះពេលម៉ាក់ៗពពោះ និងសម្រាល
- ទារកមានបញ្ហាបេះដូងពីកំណើត អាចមើលដឹងតាមរយៈអេកូអត់?
- ទារកក្នុងផ្ទៃលូតលាស់បានល្អ អាស្រ័យលើកត្តាសំខាន់២នេះ
- ពេលពពោះម៉ាក់ៗញ៉ាំហឹរ កូនកើតមកឈឺភ្នែក ពិតអត់?
- ពិនិត្យអេកូពេលពពោះ មានប្រយោជន៍ច្រើនណាស់
- ពេលពពោះ ម៉ាក់ៗគួរលាប ឬអ៊ុតសក់អត់?
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
When can my unborn baby hear me? I’d love to be able to read and sing to them.
https://www.healthychildren.org/English/tips-tools/ask-the-pediatrician/Pages/I%E2%80%99m-pregnant-and-would-like-to-sing-to-my-unborn-baby.aspx
Bonding with your baby during pregnancy
https://www.pregnancybirthbaby.org.au/bonding-with-your-baby-during-pregnancy
Hearing in the Womb
https://lozierinstitute.org/dive-deeper/hearing-in-the-womb/
កំណែប្រែបច្ចុប្បន្ន
03/08/2023
អត្ថបទដោយ Try Ravi
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ នូ សោភ័ណ្ឌ
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម