ការចិញ្ចឹមកូនជាការងារសំខាន់ និងចាំបាច់មួយសម្រាប់ម៉ាក់ប៉ាគ្រប់រូប។ ស្របពេលចិញ្ចឹមកូន ម៉ាក់ប៉ាត្រូវធ្វើការរកស៊ីរកចំណូលចូលផ្ទះផង ធ្វើកិច្ចការក្នុងផ្ទះផង មមាញឹកខ្លាំង ល្វីងមុខឆាប់ធ្វើឲ្យអារម្មណ៍មួម៉ៅជាដើម។ ពេលខ្លះ គ្រាន់តែកូនធ្វើឲ្យខុសបន្តិចម៉ាក់ប៉ាបែរជាខឹង ស្រែកគំហកដាក់កូន ឬអាចប្រើដៃជើងវាយកូនក៏ថាបាន។ តែយើងដឹងហើយថា ការវាយ ការស្រែកខ្លាំងៗដាក់កូន មិនមែនជាអាកប្បកិរិយាល្អទេ ដូចនេះហើយ ម៉ាក់ប៉ាគួរតែព្យាយាមទប់កំហឹងខ្លួនឯងពេលអាអូនធ្វើឲ្យទាស់ចិត្តម្ដងៗ។