ពេលដែលយើងឮពាក្យថា “ឆុងទឹកដោះគោឲ្យកូន” យើងគិតថាសាមញ្ញណាស់ គ្មានអីស្មុគស្មាញគ្រាន់តែយកម្សៅទឹកដោះគោ ដាក់ចូលដប ហើយចាក់ទឹកចូលទៅរួចរាល់បាត់ទៅហើយ។ ប៉ុន្តែមានដឹងអត់ ទឹកប្រភេទណាល្អសម្រាប់ការឆុងទឹកដោះគោឲ្យកូន ប្រើទៅយើងមិនបារម្ភពីបញ្ហាសុខភាព?
ចង់ឲ្យកូនផឹកទៅមានសុវត្ថិភាព កុំយកទឹក ៤ ប្រភេទនេះមកឆុងទឹកដោះគោឲ្យសោះ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកស្រីវេជ្ជបណ្ឌិត គុជ ឆោមដាលីន បានបញ្ជាក់ថា ក្បូនពេទ្យ ទឹកដែលល្អសម្រាប់ក្មេង គឺទឹកដាំពុះ ទើបមិនបារម្ភរឿងកូនរាករូស ឬមានបញ្ហាសុខភាពផ្សេងទៀត។ លោកស្រីវេជ្ជបណ្ឌិតឯកទេសរោគកុមាររូបនេះបានបញ្ជាក់ថា ទឹកប្រភពណាក៏ដោយ ត្រូវតែដាំឲ្យពុះ ព្រោះអីកម្តៅមកពីទឹកពុះអាចសម្លាប់មេរោគបានទាំងអស់។ ចំណុចពិសេសមួយទៀតនោះ បើសិនជាម៉ាក់ប៉ាឆុងម្សៅទឹកដោះគោជាមួយទឹកក្តៅឧណ្ហៗ កូនតូចក៏អាចចៀសពីបញ្ហាទល់លាមកទៀត។
ចុះបើយើងទៅឆ្ងាយអត់មានទឹកដាំពុះ អាចប្រើទឹកផ្សេងឆុងទឹកដោះគោជំនួសបានអត់?
យោងតាមអង្គការសុខភាពពិភពលោក (WHO) ឲ្យដឹងថា វិធីដែលមានសុវត្ថិភាពបំផុតក្នុងការឆុងទឹកដោះគោឲ្យកូនគឺការប្រើប្រាស់ទឹកដាំពុះ និងទុកឲ្យត្រជាក់មិនតិចជាង ៧០% (ទុកឲ្យនៅក្ដៅឧណ្ហៗ)។ ប៉ុន្តែប្រសិនបើម៉ាក់ប៉ាមិនអាចដាំទឹកឲ្យឆុងទឹកដោះគោបាន (ឧ. ពេលដើរលេងក្រៅផ្ទះ គ្មានភ្លើង ឬកំសៀវដាំទឹក។ល។) ម៉្យាងទៀត យើងអាចរៀបចំទឹកដោះគោឲ្យកូនដោយប្រើទឹកស្អាត និងមានសុវត្ថិភាព ដែលមានសីតុណ្ហភាពធម្មតា និងឆុងហើយត្រូវប្រើភ្លាមៗ។
អង្គការសុខភាពពិភពលោក បន្តទៀតថា ចំពោះទឹកដោះគោកូនក្មេងដែលឆុងដោយប្រើទឹកស្អាតធម្មតា មិនមែនជាទឹកដាំពុះ មិនត្រូវរក្សាទុកប្រើសម្រាប់ពេលក្រោយទេ។ ប្រសិនបើអាអូនបៅទឹកដោះគោនៅសល់ ត្រូវចាក់ចោលឲ្យអស់ មិនគួរឲ្យកូនបៅតទៀតឡើយ។
បន្ថែមពីនោះ ទឹកដែលម៉ាក់ប៉ាមិនគួរយកមកឆុងទឹកដោះគោឲ្យកូនមាន ៤ ប្រភេទគឺ៖
ទី១- ទឹកដាំច្រើនដង
ទី២- ទឹកម៉ាស៊ីនច្រោះ
ទី៣- ទឹកទុកចោលយូរ មានដី ឬកម្ទេចកំទីហុយចូល
ទី៤- ទឹកមានជាតិរ៉ែខ្ពស់
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម