បញ្ហាខាន់លឿង (Jaundice) ជាបញ្ហាទូទៅ កើតមានញឹកញាប់ចំពោះទារក ហើយជាធម្មតា មិនមានគ្រោះថ្នាក់អ្វីនោះទេ។ ជាទូទៅ បញ្ហាខាន់លឿង កើតឡើងចំពោះក្មេងកើតមុនខែ ព្រោះពេលថ្លើមទារកកំពុងលូតលាស់ ឬនៅពេលទារកបៅដោះមិនគ្រប់គ្រាន់ ឬមិនមានសារធាតុចិញ្ចឹមចាំបាច់ក្នុងទឹកដោះម្ដាយ សុទ្ធតែជាមូលហេតុនាំឲ្យក្មេងមានបញ្ហាខាន់លឿងនេះឯង។
ម៉ាក់ប៉ាគួរដឹង ទាំងនេះជាវិធីសាស្ត្រថែទាំទារកកើតខាន់លឿងស្រាល និងធ្ងន់
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ទាក់ទងនឹងបញ្ហាខាន់លឿងនេះ មន្ទីពេទ្យ កាល់ម៉ែត បានឲ្យដឹងថា ជាទូទៅ ខ្លួនប្រាណរបស់ទារកឡើងលឿងបន្តិចបន្ដួចនៅថ្ងៃទី២ ឬទី៣ ហើយបាត់ទៅវិញនៅ ១សប្ដាហ៍ក្រោយកំណើតទារកដែលកើតគ្រប់ខែ។ ប៉ុន្តែ ចំពោះទារកដែលកើតមិនគ្រប់ខែ បញ្ហាខាន់លឿងអាចបន្តនៅយូរ និងអាចប៉ះពាល់ដល់ជីវិត ឬពិការភាព។ ទោះជាយ៉ាងនេះក្ដី យើងអាចព្យាបាល និងថែទាំទារកឲ្យមានសុខភាពល្អបានទៅតាមតិចនិកថែទាំទារកមានជំងឺនេះដូចជា៖
ទារកលឿងតិចៗ
ទារកលឿងខ្លាំង
- គ្រូពេទ្យប្រើឧបករណ៍សម្រាប់តាមដាន និងពិនិត្យជាតិលឿងនៅលើស្បែកអាអូន
- បើកម្រិតជាតិលឿងទារកឡើងលឿងខ្លាំង ខាងគ្រូពេទ្យនឹងតម្រូវឲ្យអាអូនសម្រាកព្យាបាលនៅមន្ទីរពេទ្យ ដោយប្រើបច្ចេកទេសកាំរស្មីពន្លឺខៀវ។
មន្ទីរពេទ្យកាល់ម៉ែតបន្ថែមថា ចំពោះទារកកើតខាន់លឿងតិចៗ យើងងាយស្រួលក្នុងការថែទាំ និងសាមញ្ញធម្មតា ដែលម៉ាក់ៗគ្រប់រូបគួរយល់ដឹង និងអាចអនុវត្តបាន។ ចំណែក ចំពោះទារកដែលកើតខាន់លឿងខ្លាំង ម៉ាក់ប៉ាត្រូវនាំអាអូនទៅពិនិត្យជាមួយគ្រូពេទ្យជំនាញកាន់តែលឿនកាន់តែល្អ។ ព្រោះបើព្យាបាលមិនបានទាន់ពេលទេ អាអូនអាចស្លាប់ ឬពិការផ្នែកខួរក្បាល និងអាចថ្លង់ក៏ថាបាន។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម