ម៉ាក់ៗដែលកំពុងបំបៅដោះកូនអាចប្រឈមនឹងកើតជំងឺមហារីកសុដន់ តែករណីនេះជាករណីកម្រនឹងមាន។ យោងតាមការស្រាវជ្រាវរបស់វិទ្យាស្ថានជំងឺមហារីកជាតិសហរដ្ឋអាមេរិក (NCI) ឲ្យដឹងថា ហានិភ័យនៃជំងឺមហារីកសុដន់កើនឡើងជាបណ្ដោះអាសន្ន ក្នុងរយៈពេលប៉ុន្មានឆ្នាំបន្ទាប់ពីពពោះ និងសម្រាលកូនរួច។ ហានិភ័យនេះអាចជាលទ្ធផលនៃបម្រែបម្រួលអ័រម៉ូនអំឡុងពេលមានផ្ទៃពោះ។
ផ្ទុយទៅវិញ ការបំបៅដោះកូន កាត់បន្ថយហានិភ័យនៃការកើតជំងឺមហារីកសុដន់ ជាពិសេស ចំពោះស្ត្រីដែលជិតអស់រដូវ។ អំឡុងពេលពពោះ និងបំបៅដោះកូន កាត់បន្ថយចំនួនវដ្ដរដូវដែលស្ត្រីមាន ដែលអាចកាត់បន្ថយអ័រម៉ូនដែលជំរុញឲ្យកើតជំងឺមហារីកផ្សេងៗ។