ស្ត្រីជនជាតិអេស្ប៉ាញម្នាក់ត្រូវបានឃាត់ខ្លួននៅឆ្នេរសមុទ្រ La Zurriola នៃប្រទេសអេស្ប៉ាញក្រោយពីជិះស្គីលើទឹកខណៈដែលរូបនាងមានជំងឺ COVID-19។
មាតិកា
ស្ត្រីអេស្ប៉ាញម្នាក់ត្រូវឃាត់ខ្លួនពេលទៅជិះស្គីនៅសមុទ្រទាំងមានជំងឺ COVID-19
ស្ត្រីរូបនេះត្រូវបានគេឃាត់ខ្លួនពីបទឧក្រិដ្ឋនៃការមិនស្តាប់បង្គាប់ក្រោយពីគេរាយការណ៍ថានាងមិនអើពើលើប៉ូលីសដែលបានបញ្ជាឲ្យនាងបញ្ឈប់ការជិះស្គីលើទឹកជាច្រើននាទីមុននឹងនាងត្រលប់មកច្រាំងវិញ។ សារព័ត៌មានក្នុងស្រុកបានរាយការណ៍ថាស្ត្រីខាងលើនេះជាអ្នកសង្គ្រោះបន្ទាន់នៅលើឆ្នេរផងដែរ ហើយអ្នករួមការងារជាមួយនាងគឺជាទូរស័ព្ទទៅប៉ូលីសក្រោយពីឃើញនាងជិះស្គីលើទឹក។
ស្ត្រីខាងលើនឹងត្រូវទទួលការពិន័យយ៉ាងធ្ងន់ធ្ងរសម្រាប់ការបំពានច្បាប់កំណត់នៃការធ្វើចត្តាឡីស័កដែលអាចត្រូវបង់ប្រាក់ពិន័យរហូតដល់ ៧ ១៣៤ដុល្លារសហរដ្ឋអាមេរិក។ ម៉្យាងទៀត បើគេរកឃើញថានាងបានចម្លងវីរុសកូរ៉ូណាទៅអ្នកដទៃតាមរយៈសកម្មភាពរបស់នាង ប្រាក់ពិន័យអាចនឹងច្រើនជាង ១២ម៉ឺនដុល្លារសហរដ្ឋអាមេរិក។ កាលពីថ្ងៃទី៥ ខែកញ្ញា ប៉ូលីសក៏បានឃាត់ខ្លួនអ្នកចូលរួមបាតុកម្មតាមដងផ្លូវដែលមិនបានពាក់ម៉ាស់។ អ្នកដែលត្រូវឃាត់ខ្លួនទាំងនោះត្រូវបង់ប្រាក់ពិន័យចន្លោះពី ៣៣៦-៦៩៣ដុល្លារអាមេរិក។
គួរបញ្ជាក់ថាបច្ចុប្បន្នមានវ៉ាក់សាំងជំងឺ COVID-19 ចំនួន៦ កំពុងស្ថិតក្នុងការតេស្ដសាកល្បងដំណាក់កាលទី៣ ដោយមានវ៉ាក់សាំង៣ ផលិតដោយក្រុមហ៊ុន Sinovac វិទ្យាស្ថានផលិតផលជីវសាស្ត្រអ៊ូហាន និងSinopharm របស់ប្រទេសចិន ហើយបីទៀតបង្កើតដោយសាកលវិទ្យាល័យ Oxford ក្រុមហ៊ុន Moderna និងក្រុមហ៊ុន BioNTech។
គិតមកថ្ងៃនេះ ចំនួនអ្នកឆ្លងជុំវិញពិភពលោកជាង២៧លាននាក់ ក្នុងនោះអ្នកជាសះស្បើយជាង១៩លាននាក់ និងអ្នកស្លាប់៩សែននាក់។
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.dailymail.co.uk/news/article-8708863/Coronavirus-infected-female-surfer-dragged-away-Spanish-beach-hazmat-wearing-officials.html
https://news.cgtn.com/news/2020-08-07/Six-COVID-19-vaccine-candidates-in-phase-3-trials-3-from-China-WHO-SKLR0O8auQ/index.html
កំណែប្រែបច្ចុប្បន្ន
09/09/2020
អត្ថបទដោយ ថាត់ រ័ត្នមូនីតា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ Solika
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម