តារាចម្រៀង សុគន្ធ និសា ក៏វិជ្ជមានកូវីដ ១៩ ដែរ

តារាចម្រៀង សុគន្ធនិសា ក៏តេស្តឃើញវិជ្ជមានកូវីដ ១៩ ដែរ នៅព្រឹកនេះ។ តាចម្រៀងប្រចាំផលិតកម្មហង្សមាសរូបនេះ បានបង្ហោះសារថា  “នាងខ្ញុំ​ សុគន្ធនិសា​ (sokunnisa )​ បានធ្វេីតេស្ត​ កូវីដ19​ ឥឡូវនេះ​ ជម្រាបជូនដល់បងប្អូនជាសាធារណៈថា​ ខ្ញុំបាន​ positive ហេីយ​ គឺមានមេរោគនេះហេីយ​ ចឹងសូមបងប្អូនទាំងអស់មានការប្រុងប្រយ័ត្នឲ្យបានខ្ពស់ដេីម្បីសុវត្តិភាព​ ខ្លួនឯង​និងក្រុមគ្រួសារ​ សូមជូនពរឲ្យបងប្អូនទាំងអស់ឆ្លងផុតពីជំងឺនេះ​ សូូមទោសបងប្អូនដែលខ្ញុំអត់បានឆ្លេីយតប​ អធ្យាស្រ័យ​ផងណាបងប្អូន”។

តារារាចម្រៀងស្រីរូបនេះក៏បានបញ្ជាក់ដែរថា ក្នុងចំណោមអ្នកនៅក្នុងផ្ទះជាមួយទាំង ៧នាក់ មានតែខ្លួនម្នាក់ប៉ុណ្ណោះដែលតេស្តឃើញវិជ្ជមានកូវីដ ១៩។

គិតមកដល់ពេលនេះមានសិល្បករចំនួន ៤នាក់ហើយដែលវិជ្ជមានកូវីដ ១៩ ក្នុងនោះមានពិធីការិនី កែវ ចាន់និមល តារាចម្រៀង ណុប បាយ៉ារិទ្ធ តារាចម្រៀង វី ឌីណែត និង សុគន្ធនិសា។