អ្នកជំងឺកូវីដ ១៩ ស្លាប់ម្នាក់ទៀតហើយ នៅសង្កាត់បឹងសាឡាង
អ្នកជំងឺកូវីដ១៩ ម្នាក់ទៀតហើយបានស្លាប់បាត់បង់ជីវិតនៅថ្ងៃនេះ។ បើតាមលោកជំទាវ យក់សម្បត្តិ រដ្ឋលេខាធិការក្រសួងសុខាភិបាលប្រាប់ទៅកម្ពុជាថ្មីនៅមុននេះបន្តិច អ្នកជំងឺរូបនោះជាបុរសជនជាតិខ្មែរ អាយុ ៤៦ឆ្នាំ ស្នាក់នៅសង្កាត់បឹងសាឡាង ខណ្ឌទួលគោក រាជធានីភ្នំពេញ ស្លាប់ដោយសារជំងឺកូវីដ ១៩ មិនមានជំងឺគួបផ្សំនោះទេ។
បុរសខាងលើ ត្រូវបានរកឃើញវិជ្ជមានកូវីដ ១៩ កាលពីថ្ងៃ១០ ខែមីនា ២០២១ ហើយនេះជាករណីទី៣ នៃការស្លាប់ដោយសារជំងឺកូវីដ ១៩ នៅកម្ពុជា។
