វ៉ាក់សាំងការពារជំងឺ ជាទូទៅចាក់នៅលើសាច់ដុំត្រង់ស្មា ហើយភាគច្រើនយើងឃើញថា ពេលដែលចាក់វ៉ាក់សាំងដូសទី១ គេចាក់នៅដៃខាងស្ដាំ។ ចុះបើដៃខាងស្ដាំឈឺ ដូសទី២ យើងអាចប្ដូរមកចាក់ដៃខាងឆ្វេងវិញបានអត់? មានផលប៉ះពាល់អីដែរទេ?
ចាក់វ៉ាក់សាំងដូសទី១ ដៃស្តាំ ដូសទី២ ដៃឆ្វេងបានអត់?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ដូចនឹងវ៉ាក់សាំងដទៃទៀតដែរ យើងអាចជ្រើសយកដៃណា ដើម្បីចាក់វ៉ាក់សាំងក៏បាន។ ជម្រើស គឺស្ថិតនៅលើយើងខ្លួនឯង ហើយបើគ្រូពេទ្យណែនាំឲ្យចាក់ដៃខាងណាមួយនោះ ក៏មិនមានចម្លើយត្រូវ ឬខុសដែរ។ នេះបើតាមការឲ្យដឹងពីលោកវេជ្ជបណ្ឌិត Sunil Sekri អ្នកពិគ្រោះយោបល់ផ្នែកវេជ្ជសាស្ត្រនៃមន្ទីរពេទ្យ Max ក្នុងប្រទេសឥណ្ឌា។
ចុះបើចាក់ដូសទី១ដៃស្ដាំ យើងអាចចាក់ដូសទី២ដៃឆ្វេងបានអត់?
ចម្លើយ គឺបាន។ យើងអាចចាក់ដៃខាងណាដែលយើងស្រឡាញ់សម្រាប់ដូសទី២បាន មិនថាដៃឆ្វេង ឬស្ដាំទេ។ ទោះយើងចាក់វ៉ាក់សាំងនៅដៃណាក៏ដោយ ក៏វ៉ាក់សាំងនៅតែមានប្រសិទ្ធភាព បង្កើតអង់ទីករ ការពារខ្លួនយើងពីជំងឺដែរ ហើយវាក៏គ្មានផលប៉ះពាល់ដល់សុខភាពពីការផ្លាស់ប្ដូរដៃចាក់នឹងដែរ។
តាម CDC អាមេរិក ឲ្យដឹងថា ផលរំខានតិចតួចដែលបង្កឡើងពីការចាក់វ៉ាក់សាំងមានតែ ក្ដៅខ្លួន ឈឺចុកត្រង់មុខម្ជុល ឡើងកន្ទួលក្រហម។ល។ តែអាការៈទាំងនេះសុទ្ធតែបាត់ទៅវិញដោយឯកឯងនៅរយៈពេល២-៣ថ្ងៃ ក្រោយពេលចាក់វ៉ាក់សាំងរួច គ្មានអីត្រូវបារម្ភឡើយ។
លោកបន្តថា យើងអាចចាក់វ៉ាក់សាំងកូវីដ-១៩ ឬវ៉ាក់សាំងផ្សេងៗនៅដៃខាងណាមួយក៏បាន តែដោយសារក្រោយចាក់ កន្លែងមុខម្ជុលអាចឈឺចុកចាប់ ២-៣ថ្ងៃ ដូចនេះមនុស្សខ្លះច្រើនយកដៃមិនសូវធ្វើការបាន (ឧ. ដៃឆ្វេង សម្រាប់មនុស្សប្រើដៃស្ដាំ)។ ប៉ុន្តែ សម្រាប់មនុស្សមួយចំនួន គិតថាដៃដែលធ្វើការច្រើន ធ្វើចលនាច្រើនជួយសម្រួលដល់ភាពចុកត្រង់មុខម្ជុលក្រោយចាក់ ក៏សម្រេចចាក់វ៉ាក់សាំងនៅដៃខាងស្ដាំ ឬដៃដែលធ្វើការច្រើន ព្រោះការធ្វើចលនាច្រំដែលៗ អាចជំរុញដល់លំហូរឈាមទៅកាន់តំបន់ឈឺចុកត្រង់មុខម្ជុលនោះ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម