ស្ត្រីជនជាតិខ្មែរ អាយុ ៥៥ឆ្នាំ រស់នៅសង្កាត់ព្រែកលាប ខណ្ឌជ្រោយចង្វារ រាជធានីភ្នំពេញ ស្លាប់ដោយសារជំងឺកូវីដ ១៩ នៅថ្ងៃទី ៩ មេសា នេះ។ បើតាមសេចក្តីជូនព័ត៌មានរបស់ក្រសួងសុខាភិបាលស្ត្រីរូបនោះ រកឃើញវិជ្ជមានកូវីដ ១៩ នៅថ្ងៃទី៣០ មីនា ២០២១ ហើយត្រូវបានដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត ឯស្ថានភាពអ្នកជំងឺធ្ងន់ធ្ងរតាំងពីចូលសម្រាកពេទ្យ។