សភាពការណ៍ទប់លែងជាប់ នាយករដ្ឋមន្ត្រីបញ្ជាឲ្យត្រៀមបិទភ្នំពេញ និងក្រុងតាខ្មៅ

រសៀល​នេះមាន​ការ​បែប​ធ្លាយ​សារ​ជា​សំឡេងរបស់សម្តេចនាយករដ្ឋមន្ត្រី ហ៊ុន សែន បញ្ជាឲ្យត្រៀមបិទរាជធានីភ្នំពេញ និងក្រុងតាខ្មៅ ២សប្តាហ៍ នៅយប់នេះ ដោយសារតែសភាពការណ៍ជំងឺកូវីដ ១៩ ទប់លែងជាប់។

“សភាពការណ៍យើងទ្រាំទ្រលែងបានហើយ ដូច្នេះខ្ញុំសម្រេចថា នឹងបិទរាជធានីក្នុងរយៈពេល ២អាទិត្យ បើមិនដូច្នេះទេវារាលដាលទាំងអស់ហើយ មិនមានខណ្ឌណាមួយដែលមិនប៉ះពាល់ទេ អ៊ីចឹងទេខ្ញុំសុំឲ្យរៀបចំសេចក្តីប្រកាសបិទរាជធានីភ្នំពេញនៅយប់នេះតែម្តង ដោយបិទរាជធានីភ្នំពេញ និងតាខ្មៅ”។​

បើតាមសម្តេចតេជោ ហ៊ុន សែន បិទត្រឹមក្រុងតាខ្មៅ ខេត្តកណ្ដាលប៉ុណ្ណោះ ប៉ុន្ដែតំបន់ផ្សេងក្នុងខេត្តកណ្ដាល មិនបានពាក់ព័ន្ធឡើយ ដោយសារតែ ក្រុងតាខ្មៅ និងភ្នំពេញក្បែរគ្នា។​