ផ្សារនៅភ្នំពេញ១៤ ហើយត្រូវបិទបណ្ដោះអាសន្ន ដើម្បីទប់ស្កាត់កូវីដ១៩
អ្នកនាំពាក្យសាលារាជធានីភ្នំពេញ បានឲ្យដឹងថា គិតត្រឹមថ្ងៃទី២១ ខែមេសា ផ្សារចំនួន១៤នៅក្នុងរាជធានីភ្នំពេញ ត្រូវបានបិទជាបណ្ដោះអាសន្ន។
អ្នកនាំពាក្យសាលារាជធានីភ្នំពេញ លោក ម៉េត មាសភក្ដី បានសរសេរលើទំព័រហ្វេសប៊ុករបស់លោកនៅរសៀលថ្ងៃទី២២ ខែមេសា ឆ្នាំ២០២១ នេះថា គិតត្រឹមថ្ងៃទី២១ ខែមេសា នៅទីក្រុងភ្នំពេញមានផ្សារសរុបចំនួន១៤ ត្រូវបានបិទបណ្ដោះអាសន្ន ដើម្បីទប់ស្កាត់ការរាលដាលជំងឺកូវីដ១៩។
បើតាមអ្នកនាំពាក្យរួបនេះ ផ្សារទាំងនោះរួមមាន៖
១. មជ្ឈមណ្ឌលពាណិជ្ជកម្មផ្សារអូរឫស្សី (ខណ្ឌ៧មករា)
២. ផ្សារដើមគរ និងផ្សារបន្លែ (ខណ្ឌទួលគោក និងខណ្ឌបឹងកេងកង)
៣. ផ្សារចាស់ (ខណ្ឌដូនពេញ)
៤. ផ្សារធំទួលសង្កែ (ខណ្ឌឫស្សីកែវ)
៥. ផ្សារបឹងត្របែកផ្លាហ្សា (ខណ្ឌចំការមន)
៦. ផ្សារត្រពាំងថ្លឹង (ខណ្ឌពោធិ៍សែនជ័យ)
៧. ផ្សារឯករាជ្យ១ (ខណ្ឌពោធិ៍សែនជ័យ)
៨. ផ្សារទួលពង្រ (ខណ្ឌពោធិ៍សែនជ័យ)
៩. ផ្សារសេនជូរីផ្លាហ្សា (ខណ្ឌពោធិ៍សែនជ័យ)
១០. ផ្សារពោធិ៍ចិនតុង (ខណ្ឌពោធិ៍សែនជ័យ)
១១. ផ្សារកណ្ដាល (ខណ្ឌដូនពេញ)
១២. ផ្សារដេប៉ូ (ខណ្ឌទួលគោក)
១៣. ផ្សារពិភពថ្មីឈូកមាស និងផ្សាររីករាយ (ខណ្ឌសែនសុខ)
១៤. ផ្សារអូឡាំពិក (ខណ្ឌបឹងកេងកង)
