ការចាក់វ៉ាក់សាំងគឺជាវិធានការសំខាន់ក្នុងការការពារខ្លួនយើង និងមនុស្សជុំវិញខ្លួនពីការឆ្លងមេរោគកូវីដ-១៩ ក៏ដូចជាចូលរួមបំបាត់ជំងឺនេះពីពិភពលោក។ ក្រោយពេលយើងចាក់វ៉ាក់សាំងរួច យើងនឹងទទួលបានកាតពណ៌ផ្ទៃមេឃមួយ ដែលជាភស្តុតាងបញ្ជាក់ថាយើងបានចាក់វ៉ាក់សាំងរួចរាល់ហើយ។

កាតវ៉ាក់សាំងកូវីដ-១៩ ប្រៀបបានដូចជាលិខិតបញ្ជាក់ថាយើងបានចាក់វ៉ាក់សាំងរួចដែលក្នុងនោះមានផ្ទុកឈ្មោះ ថ្ងៃខែឆ្នាំកំណើត ប្រភេទវ៉ាក់សាំងយើងទទួលបាន និងពេលវេលាដែលយើងទទួលបានវ៉ាក់សាំង។ បច្ចុប្បន្នកាតនេះ ជាភស្តុតាងចម្បងនៃការចាក់វ៉ាក់សាំង ហើយរដ្ឋមួយចំនួនដូចជា New york នៃសហរដ្ឋអាមេរិក កំពុងអភិវឌ្ឍលិខិតឆ្លងដែនវ៉ាក់សាំងឌីជីថល (Digital Vaccine Passport) និងជើងជិះកប៉ាល់ ឬក្រុមហ៊ុនអាកាសចរណ៍អាចនឹងត្រូវការកាតវ៉ាក់សាំងកូវីដ-១៩ មុននឹងអនុញ្ញាតឲ្យយើងធ្វើដំណើរឆ្លងប្រទេសបាន។

ក្រោយពេលទទួលបានកាតហើយ យើងគួរថតរួបកាតទុកក្នុងទូរស័ព្ទ ការពារពេលដែលយើងវង្វេងកន្លែងដាក់ ឬបាត់កាតនោះ។ យើងត្រូវរក្សាវាទុកនៅកន្លែងដែលមានសុវត្ថិភាពត្រឹមត្រូវ និងមិនត្រូវថតកាតវ៉ាក់សាំងកូវីដ-១៩ បង្ហោះនៅលើប្រព័ន្ធផ្សព្វផ្សាយតាមអ៊ីនធើណែតផ្ដេសផ្ដាសទេ។ កត់ចំណាំទុកនូវទីកន្លែងណា ពេលវេលាណាដែលយើងគួរយកកាតបញ្ជាក់ការចាក់វ៉ាក់សាំងកូវីដ-១៩តាមខ្លួន។

បន្ទាប់ពីទទួលបានកាតហើយ យើងគួររក្សាទុកវាឲ្យបានល្អ ចៀសវាងការច្រឡំកន្លែងដាក់ ឬបាត់កាតបញ្ជាក់ពីការវ៉ាក់សាំងកូវីដ-១៩នេះ ព្រោះវាអាចជាភស្ដុតាងចាំបាច់សម្រាប់យើងពេលត្រូវធ្វើដំណើរ ឬទៅទីកន្លែងមនុស្សច្រើន។ល។

វ៉ាក់សាំង

សារៈសំខាន់កាតចាក់វ៉ាក់សាំងកូវីដ-១៩ យើងគួរដឹង