អ្នកជំងឺកូវីដ-១៩ ដែលមានរោគសញ្ញាស្រាល ត្រូវការពេលព្យាបាលរយៈពេលខ្លីយ៉ាងតិច២សប្ដាហ៍ ដើម្បីជាសះស្បើយ រីឯអ្នកជំងឺកូវីដ-១៩ ករណីធ្ងន់ធ្ងរត្រូវការចំណាយពេល រាប់សប្ដាហ៍ រាប់ខែ ដើម្បីព្យាបាលឲ្យជាសះស្បើយ។
មាតិកា
ទើបជាពីកូវីដ-១៩ សុខភាពនៅខ្សោយ ងាយអស់កម្លាំង គួរអនុវត្តតាមវិធីនេះ
ប៉ុន្តែ សូម្បីតែព្យាបាលជាសះស្បើយពីជំងឺកូវីដ-១៩ ក៏ដោយ មនុស្សមួយចំនួននៅតែបន្តមានភាពទន់ខ្សោយ ងាយអស់កម្លាំងនៅក្នុងខ្លួន។ ហេតុនេះ យើងត្រូវចេះថែរក្សាសុខភាពឲ្យបានល្អទប់ទល់នឹងភាពខ្សោយបានដោយតិចនិកប៉ុន្មានខាងក្រោមនេះ៖
តិចនិកត្រូវធ្វើក្រោយជាសះស្បើយពីកូវីដ-១៩
- ញ៉ាំបន្លែផ្លែឈើឲ្យច្រើន ព្រោះវាជាប្រភពវីតាមីន និងជាតិរ៉ែល្អៗច្រើន។
- បើយើងរកផ្លែឈើញ៉ាំមិនបាន យើងអាចញ៉ាំជាទឹកផ្លែឈើស្រស់ជំនួសក៏បានដូចជា ក្រូចច្របាច់ ទឹកប៉ោម ឬទឹកផ្លែទទឹម។ល។ វាក៏អាចបំបាត់អាការៈអស់កម្លាំងបានដែរ។
- មុនពេលចូលគេង គួរញ៉ាំទឹកដោះគោមួយកែវ ព្រោះវាជួយដល់ឆ្អឹង និងកម្ចាត់អាការៈអស់កម្លាំង។
- បន្ថែមអាហារសម្បូរប្រូតេអ៊ីន ជាតិកាកសរសៃ និងសារធាតុប្រឆាំងអុកស៊ីដកម្ម ទៅក្នុងរបបអាហារប្រចាំថ្ងៃ។ អាហារប្រភេទនេះក៏ងាយស្រួលក្នុងការរំលាយ មិនពិបាកដល់រាងកាយត្រូវប្រើថាមពលច្រើនដើម្បីរំលាយអាហារទាំងនោះ។
- បន្ថែមថ្នាំ ឬវីតាមីនបំប៉នដូចជា Vitamin C និងជាតិស័ង្កសី ដើម្បីជួយទ្រទ្រង់រាងកាយចៀសផុតពីភាពខ្សោយ (មុនប្រើគួរពិគ្រោះជាមួយគ្រូពេទ្យជំនាញជាមុន)។
- ញ៉ាំទឹកឲ្យបានច្រើន តាមដែលរាងកាយត្រូវការ ចៀសវាងពីបញ្ហាខ្វះជាតិទឹក
- ក្រោយព្យាបាលជាសះស្បើយគួរបន្តសម្រាក១-២ថ្ងៃ ដើម្បីឲ្យរាងកាយអាចវិលត្រលប់មកសុខភាពធម្មតាវិញ ហើយយើងមិនគួរដាក់សម្ពាធដល់រាងកាយភ្លាមក្រោយជាសះស្បើយទេ។
បន្ថែមពីលើនេះ បន្ទាប់ពីព្យាបាលជាសះស្បើយហើយ យើងគួរតាមដានកម្រិតអុកស៊ីសែននៅក្នុងខ្លួន រក្សាគម្លាតពីក្រុមគ្រួសារសិន (ចៀសវាងវីរុសកូវីដ-១៩ លាប់ឡើងវិញ) និងសម្រាកក្នុងផ្ទះដោយបន្តពាក់ម៉ាស់រយៈ១សប្ដាហ៍ ឬលើសនេះ ក្រោយតេស្ដអវិជ្ជមានជំងឺកូវីដ-១៩។
គណនា BMI
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
https://www.dnaindia.com/health/report-feeling-weak-after-recovering-from-covid-19-this-is-what-you-should-do-2888072
កំណែប្រែបច្ចុប្បន្ន
06/05/2021
អត្ថបទដោយ នាង សុខុមដាលីញ៉ា
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ដេត ធន្នី
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម