រដ្ឋបាលខេត្តកំពង់ចាមបានចេញសេចក្តីប្រកាសព័ត៌មានមួយ ពីករណីស្លាប់របស់ស្ត្រីជនជាតិខ្មែរ អាយុ ២៧ឆ្នាំ ដោយសារជំងឺកូវីដ ១៩ និងមានផ្ទៃពោះ ៧ខែ។ ក្នុងសេចក្តីប្រកាសព័ត៌មាននោះបានបញ្ជាក់ថា ស្រ្តីខាងលើឈ្មោះ សាន គឹមឡេង ជាកម្មការិនីរោងចក្រ GNT ហៅអគារ ៣២ នៅព្រៃសរ រាជធានីភ្នំពេញ និងមានស្រុកកំណើតនៅភូមិក្បាលកោះ ឃុំកោះអណ្តែត ស្រុកស្រីសន្ធរ ខេត្តកំពង់ចាម។
រដ្ឋបាលខេត្តកំពង់ចាមប្រកាសពីការស្លាប់កម្មការិនីម្នាក់ដោយសារកូវីដ និងមានផ្ទៃពោះ ៧ខែ
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
នៅថ្ងៃទី០៦ ឧសភា ២០២១ កម្មការិនីរោងចក្ររូបនេះបានធ្វើដំណើរជាមួយប្តីមកស្រុកកំណើត ហើយត្រូវបញ្ចូនមកយកសំណាក និងដាក់ធ្វើចត្តាឡីស័កនៅមណ្ឌលចត្តាឡីស័ករដ្ឋបាលខេត្ត ដោយសារសង្ស័យមានជំងឺកូវីដ ១៩ និងមកពីតំបន់ក្រហម រាជធានីភ្នំពេញ។ នៅពេលល្ងាចថ្ងៃដដែលនោះ ស្រ្តីរូបនេះចេញអាការៈក្តៅខ្លួន ក្អក ហត់ ក្រុមគ្រូពេទ្យក៏បញ្ជូនមកមន្ទីរពេទ្យខេត្ត និងបានធ្វើតេស្តរហ័សរកជំងឺកូវីដ ១៩ ក៏ទទួលបានលទ្ធផលវិជ្ជមាន។
ជាអកុសលការវិវត្តនៃជំងឺចេះតែធ្ងន់ធ្ងរ ក្រុមគ្រូពេទ្យមិនអាចជួយសង្គ្រោះបាន កម្មការិនី វ័យ ២៧ឆ្នាំរូបនេះ បាត់បង់ជីវិតនៅថ្ងៃទី១០ ឧសភា ម៉ោង ៦៖០៥នាទី ដោយសារវីរុសកូវីដ ១៩ និងមានផ្ទៃពោះ ៧ខែ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម