ថ្ងៃទី៨ កក្កដា ម្សិលមិញនេះ រាជធានីភ្នំពេញបានបិទយុទ្ធនាការចាក់វ៉ាក់សាំងកូវីដ-១៩ ហើយ ដោយមានអ្នកចាក់សរុបប្រមាណជិត ២លាន២សែននាក់ ខណៈតួលេខអ្នកឆ្លងថ្មីមានប្រមាណ ២០០-៣០០នាក់ជាង ក្នុង១ថ្ងៃ។
ភ្នំពេញបិទយុទ្ធនាការចាក់វ៉ាក់សាំងកូវីដហើយ ខណៈតួលេខអ្នកឆ្លងថ្មីនៅតែច្រើន
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ថ្លែងក្នុងពិធីប្រកាសបិទយុទ្ធនាការចាក់វ៉ាក់សាំងកូវីដ-១៩ ក្នុងក្របខណ្ឌរាជធានីភ្នំពេញ ឯកឧត្តម ឃួន ស្រេង អភិបាល នៃគណៈអភិបាលរាជធានីភ្នំពេញ បានអះអាងថា ក្នុងចំណោមពលរដ្ឋ ដែលបានចាក់វ៉ាក់សាំងរួចរាល់ ពុំមាននរណាម្នាក់ប៉ះពាល់សុខភាពធ្ងន់ធ្ងរនោះទេ។
ឯកឧត្តមបានបញ្ជាក់បន្ថែមថា នេះជាជោគជ័យធំមួយនៅរាជធានីភ្នំពេញ ទោះបីជាបច្ចុប្បន្នចំនួនអ្នកឆ្លងកូវីដ ១៩ នៅរាជធានីភ្នំពេញ មានចំនួន២០០-៣០០នាក់ជាងក្នុង ១ថ្ងៃក៏ពិតមែន តែក្នុងចំណោមអ្នកជំងឺទាំងនោះមានសុខភាពមាំមួន ស្ថានភាពជំងឺមិនធ្ងន់ធ្ងរឡើយ ដោយសារបានចាក់វ៉ាក់សាំងការពាររួចរាល់ហើយ។
ទោះបីជាយ៉ាងណាក៏ដោយ ឯកឧត្តមអភិបាលរាជធានីភ្នំពេញស្នើឲ្យពលរដ្ឋដែលបានចាក់វ៉ាក់សាំងទាំង ១លាន៧សែន នាក់នោះមានការប្រុងប្រយ័ត្នខ្ពស់ ដើម្បីបង្ការការឆ្លងជំងឺកូវីដ ១៩ ជាយថាហេតុ ដោយសារស្ថានភាពជំងឺកូវីដ ១៩ មិនទាន់ថមថយនៅឡើយ។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម