គ្នាយើងច្បាស់ជាដឹងច្បាស់ហើយថា ក្រោយចាក់វ៉ាក់សាំងរួច ភាគច្រើនរាងកាយយើងនឹងបញ្ចេញជាសញ្ញាមួយចំនួនដូចជាក្ដៅខ្លួន ឈឺសាច់ដុំ ឬងងុយគេង។ល។ បញ្ជាក់ថា រាងកាយកំពុងឆ្លើយតបនឹងវ៉ាក់សាំង ដើម្បីបង្កើតអង់ទីករការពារពីការឆ្លងជំងឺ។ ចំពោះវ៉ាក់សាំងដូសទី៣វិញ គឺវ៉ាក់សាំង AstraZeneca ត្រូវបានរាយការណ៍ថា អាចបង្កជាបញ្ហាកកឈាមក្រោយចាក់រួច នេះបើតាមរបាយការណ៍របស់សេវាសុខភាពជាតិអង់គ្លេស (NHS)។
ក្រោយចាក់វ៉ាក់សាំងដូសទី៣ បើចេញសញ្ញាប៉ុន្មាននេះ អាចកើតបញ្ហាកកឈាម
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
សញ្ញានៃការកកឈាមក្រោយចាក់ វ៉ាក់សាំងដូសទី៣
- ដកដង្ហើមខ្លី
- ឈឺទ្រូង
- ហើមជើង
- ឈឺពោះមិនបាត់
- រោគសញ្ញាប្រព័ន្ធប្រសាទ ដូចជាឈឺក្បាលខ្លាំង ហើយឈឺមិនបាត់ ឬព្រិលភ្នែក
- លេចចេញដុំឈាមតូចៗនៅក្រោមស្បែក ក្រៅពីកន្លែងចាក់ថ្នាំ។
ខាងលើនេះ ជារោគសញ្ញាអាចកើតឡើងចំពោះយើងក្រោយចាក់វ៉ាក់សាំងដូសទី៣ ឬវ៉ាក់សាំង AstraZeneca គ្នាយើងគួរតែតាមដានសុខភាពឲ្យបានខ្ពស់ បន្ទាប់ពីទទួលបានដូសជំរុញនេះ។ ប្រសិនបើ យើងសង្កេតឃើញថា រាងកាយមានប្រតិកម្មខុសធម្មតា ឬមានរោគសញ្ញាទាំងនេះ ត្រូវប្រញាប់ទៅជួបគ្រូពេទ្យឲ្យបានឆាប់។
យ៉ាងណាមិញ លោកវេជ្ជបណ្ឌិត Theodore Warkentin សាស្ត្រាចារ្យផ្នែករោគសាស្ត្រនៅសាកលវិទ្យាល័យ McMaster University ទីក្រុង Ontario ប្រទេសកាណាដា បានបកស្រាយថា វ៉ាក់សាំង AstraZeneca ការពារជំងឺកូវីដ-១៩ ហាក់ដូចជាធ្វើឲ្យក្រុមមនុស្សមួយចំនួនផលិតអង់ទីករលឿនពេក ដែលផ្ដោតគោលដៅលើប្រូតេអ៊ីនក្នុងរាងកាយមនុស្ស ហៅថា កត្តាកោសិកាឈាម (PF4) ដែលជំរុញឲ្យកោសិកាឈាមធ្វើសកម្មភាព និងបណ្ដាលឲ្យមានការកកឈាមតែម្ដង។
ទោះជាយ៉ាងណាក៏ដោយ ក្នុងសេចក្ដីថ្លែងការណ៍មួយ ក្រុមហ៊ុន AstraZeneca បានកត់សម្គាល់ថា ផលប៉ះពាល់នៃបញ្ហាកកឈាមរបស់វ៉ាក់សាំង កម្រនឹងកើតមានឡើងណាស់ ហើយវាអាចចេញរោគសញ្ញាចន្លោះពេល ៤ថ្ងៃ-៤សប្ដាហ៍ ក្រោយចាក់វ៉ាក់សាំង។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម