ការស្រាវជ្រាវថ្មីរបស់អ្នកវិទ្យាសាស្ត្រជប៉ុនបានរកឃើញថា វីរុសបំប្លែងអូមីក្រុង អាចរស់នៅបានយូរជាងប្រភេទវីរុសបំប្លែងមុនៗលើផ្ទៃប្លាស្ទិក និងស្បែកយើងបានយូរជាងវីរុសបំប្លែងប្រភេទមុនៗដូចជា Alpha, Beta, និង Delta ទៅទៀត ក្រោយពីការធ្វើតេស្ដមន្ទីរពិសោធន៍ជាច្រើនលើក។
អូមីក្រុងអាចរស់នៅលើប្លាស្ទិក និងស្បែកយូរជាងវីរុសមុនៗ?
Written by វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
កម្មវិធីពិនិត្យគ្រោះថ្នាក់ជំងឺកូវីដ-១៩ អនឡាញ
ក្រុមអ្នកសិក្សាមកពីសាកលវិទ្យាល័យវេជ្ជសាស្ត្រ Kyoto Prefectural University of Medicine នៃប្រទេសជប៉ុន បង្ហាញថា នៅផ្ទៃប្លាស្ទិក និងផ្ទៃស្បែក វីរុសបំប្លែងទាំង ៤ (Alpha, Beta, Delta និង Omicron) អាចរស់រានមានជីវិតបានយូរជាងវីរុសកូរ៉ូណាធម្មតា រកឃើញដំបូងនៅទីក្រុង អ៊ូហាន ប្រទេសចិន ដល់ទៅ ២ដង និងរក្សាការឆ្លងលើសពី ១៦ម៉ោងនៅលើស្បែកយើង។ ចំណែកនៅលើផ្ទៃប្លាស្ទិក រយៈពេលនៃការរស់រានមានជីវិតជាមធ្យមនៃវីរុសកូរ៉ូណាដើមគឺ ៥៦ម៉ោង, វីរុសបំប្លែង Alpha គឺ១៩១,៣ ម៉ោង, វីរុសBeta គឺ១៥៦,៦ ម៉ោង, វីរុសGamma គឺ៥៩, ៣ម៉ោង និង Delta គឺ១១៤ម៉ោង បើប្រៀបធៀបទៅនឹង ១៩៣.៥ ម៉ោង ស្មើនឹង ៨ថ្ងៃ ចំពោះអូមីក្រុង។
ទន្ទឹមនឹងនេះ នៅលើស្បែកយើង រយៈពេលនៃការរស់រានមានជីវិតរបស់វីរុសកូរ៉ូណាដើមជាមធ្យមគឺ ៨.៦ម៉ៅង ហើយ១៩.៦ម៉ោងសម្រាប់វីរុសបំប្លែង Alpha ១៩,១ ម៉ោងសម្រាប់ Beta ១១ម៉ោងសម្រាប់វីរុសបំប្លែង Gamma ១៦,៨ សម្រាប់វីរុស Delta និង ២១ម៉ោងសម្រាប់វីរុសបំប្លែងអូមីក្រុង។
បច្ចុប្បន្ន វីរុសបំប្លែង អូមីក្រុង បានក្លាយជាកង្វល់ធំជុំវិញពិភពលោក ដែលវាមានវត្តមាននៅក្នុងប្រទេសសហភាពអឺរ៉ុបទាំងអស់ ក៏ដូចជាកម្ពុជាយើង និងប្រទេសជាច្រើនទៀត។ ត្បិតតែវីរុសបំប្លែង អូមីក្រុង មិនសូវបង្កគ្រោះថ្នាក់ដល់សុខភាពយើងដូចវីរុសមុនៗយ៉ាងណាក៏ដោយ ក៏យើងត្រូវបន្តការពារខ្លួនដោយពាក់ម៉ាស លាងដៃជាមួយអាល់កុលឲ្យបានញឹកញាប់ និងរក្សាគម្លាតពីអ្នកដទៃ។ល។
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម