កន្លងមកមានមតិមួយចំនួនលើកឡើងថា ប្រទេសដែលមានអាកាសធាតុក្ដៅ COVID-19 មិនអាចឆ្លងបានទេ។ តែអង្គការសុខភាពពិភពលោកបានប្រកាសច្រានចោល ហើយថាប្រទេសដែលមានកម្ដៅក្ដៅខ្លាំង ឬក្ដៅសើមបែបណា ក៏វីរុស COVID-19 នៅតែរីករាលដាលឆ្លងដដែល។ តែបើទឹកសម្បោរ ឬកំហាកទឹកមាត់របស់អ្នកផ្ទុក COVID-19 ខ្ទាតទំលើសម្លៀកបំពាក់ ហើយយើងយកសម្លៀកបំពាក់នោះ ទៅហាលថ្ងៃ វាងាប់ឬអត់?
បើខោអាវជាប់សំណាកអ្នកផ្ទុក COVID-19 ហើយយកទៅហាលថ្ងៃ មេរោគងាប់អត់?
ត្រួតពិនិត្យដោយ វេជ្ជ. ចាន់ ស៊ីណេត · មន្ទីរពេទ្យបង្អែកមិត្តភាពកម្ពុជា-ចិន សែនសុខ
លោកវេជ្ជបណ្ឌិត ហ៊ាង រតនា ឯកទេសជំងឺទូទៅ បានបកស្រាយថា ពេលមេរោគនោះទំលើខោអាវយើង ហើយយើងមិនបានប៉ះពាល់កន្លែងនោះ យើងអាចចៀសផុតពីការឆ្លង COVID-19 តែត្រូវយកសម្លៀកបំពាក់នោះទៅបោកសម្អាតជាមួយសាប៊ូ ដើម្បីកម្ចាត់មេរោគ រួចចាំយកទៅហាលថ្ងៃ។ ប៉ុន្តែ បើដោះសម្លៀកបំបាក់នោះ ហើយយកទៅហាលថ្ងៃតែម្ដង ដោយមិនបានបោកសម្អាត វាក៏អាចងាប់ កម្ដៅថ្ងៃកាត់បន្ថយសមត្ថភាពនៃការរីកលូតលាស់កោសិការបស់វីរុសបានពាក់កណ្ដាល ជីវិតវីរុសអាចរស់នៅបានក្រោមពន្លឺថ្ងៃត្រឹមតែពី ២ ទៅ ៥ នាទីប៉ុណ្ណោះ។
ទោះជាកម្ដៅថ្ងៃមានសមត្ថភាពសម្លាប់វីរុស COVID-19 បានក៏ពិតមែន តែលោកវេជ្ជបណ្ឌិត មិនណែនាំឲ្យយើងយកសម្លៀកបំពាក់ដែលទើបស្លៀកពាក់ពេលចេញទៅក្រៅ មកដល់ផ្ទះវិញហាលថ្ងៃនោះទេ គឺត្រូវបោកសម្អាត ហើយវិធីរក្សាអនាម័យបែបនេះ ទើបយើងអាចចៀសផុតពី COVID-19។
វេជ្ជបណ្ឌិតរូបនោះបានបន្ថែមទៀតពេលចេញក្រៅ ហើយត្រឡប់មកផ្ទះវិញមិនគួរប៉ះពាល់សមាជិកក្នុងក្រុមគ្រួសារភ្លាមទេ ត្រូវងូតទឹកលាងសម្អាតខ្លួន ឬផ្លាស់ប្ដូរសម្លៀកបំពាក់ លាងសម្អាតដៃជើង មុខឲ្យបានស្អាតសិន ចាំចូលទៅជិតអ្នកក្នុងផ្ទះ។
អត្ថបទពាក់ព័ន្ធ៖
- ឈប់យល់ច្រឡំទៀត អាហារទាំងនេះ មិនអាចការពារ ឬព្យាបាល COVID-19 បានទេ
- ស្ត្រីពពោះដល់ថ្ងៃចាក់ថ្នាំ ឬទៅពេទ្យ តែខ្លាច COVID-19 អ៊ីចឹង គួរធ្វើម៉េចទើបល្អ?
- ចម្ងល់ម៉ាក់ៗ ស្របពេលផ្ទុះ COVID-19 តើគួរយកកូនទៅចាក់វ៉ាក់សាំងអត់?
- សម្រួលភាពតានតឹង អំឡុងការរាលដាលវីរុស COVID-19 ដោយវិធីទាំងនេះ
- ក្រុមមនុស្សមួយប្រភេទនេះក៏ប្រឈមនឹងការឆ្លង COVID-19 ខ្ពស់ដែរ
- ម៉ាក់ប៉ាធ្វើការ ពេលត្រលប់ទៅផ្ទះវិញត្រូវធ្វើបែបនេះ មុនប៉ះកូនតូច
- ការព្យាបាលអ្នកជំងឺ COVID-19 ជា អាស្រ័យលើកត្តា ៣ យ៉ាង
- ៤ កន្លែងត្រូវប្រយ័ត្ន ខ្លាចឆ្លង COVID-19 ដោយមិនដឹងខ្លួន
- ដំបូន្មានល្អៗ ជុំវិញវិធីបង្ការកូនពីវីរុស COVID-19
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម