បើនិយាយរឿងអង្គុយយូរៗ គ្នាយើងប្រាកដជាគិតដល់អ្នកធ្វើការតាមការិយាល័យ ឬអ្នកឌីហ្សាញ អ្នកលេងហ្គេមជាដើម។ ដឹងហើយថា អង្គុយយូរ មានហានិភ័យប៉ះពាក់សុខភាពច្រើន ប៉ុន្តែកុំបារម្ភ យើងក៏មិនចាំបាច់បោះបង់ការងារ ដោយសាររឿងនេះដែរ ព្រោះវេជ្ជបណ្ឌិត Dan Cuthbertson អ្នកជំនាញស្រាវជ្រាវជំងឺរ៉ាំរ៉ៃ មកពីសាកលវិទ្យាល័យ Liverpool ប្រទេសអង់គ្លេស បានបញ្ជាក់ប្រាប់ពីបញ្ហានេះ នៅតែមានវិធីដោះស្រាយ។
អង្គុយយូរប្រឈមហានិភ័យជំងឺជាច្រើន ត្រូវប្រយ័ត្នផង!
ត្រួតពិនិត្យដោយ សន សុភា
១- អង្គុយយូរមិនសូវធ្វើចលនា ធ្វើឲ្យខ្សោយសាច់ដុំ
អង្គុយយូរម៉ោង សាច់ដុំអាចទៅជាខ្សោយ ជាពិសេសសាច់ដុំជើង និងត្រង់ផ្នែកត្រគាក ដោយសារយើងមិនបានធ្វើចលនាខ្លះៗ។ គួរសម្គាល់ថា សាច់ដុំទាំងពីរផ្នែកនេះ ពិតជាមានសារៈសំខាន់សម្រាប់ទប់ជំហរ និងចលនាឈរយើង។ បើយើងបណ្តោយអង្គុយយូរ សាច់ដុំទាំងនោះនឹងខ្សោយ ហើយអាចបង្កហានិភ័យខ្លាំង នៅពេលមាន រមួលក្រពើ អំឡុងពេលហាត់ប្រាណ។
២- ឡើងគីឡូ
ចលនាសាច់ដុំតាមរយៈការសកម្មខ្លះ ជួយឲ្យរាងកាយអ្នករំលាយជាតិខ្លាញ់ធាត់ និងជាតិស្ករអាក្រក់ពីក្នុងខ្លួន ផ្ទុយទៅវិញ បើយើងពុំសូវសកម្មទេ ហើយចំណាយពេលអង្គុយយូរនោះ រាងកាយអ្នកនឹងក្លាយជាបណ្តុំនៃជាតិខ្លាញ់ និងស្ករទាំងនោះ។ ការសិក្សាបង្ហាញថា ការធ្វើសកម្មភាពខ្លះអំឡុងពេលអង្គុយ ជួយបន្ថយហានិភ័យបាន។
៣- ឈឺខ្នងរ៉ាំរ៉ៃ
ក៏ដូចសាច់ដុំជើង និងត្រគាកដែរ អង្គុយយូរធ្វើឲ្យឈឺចុកចាប់ខាងខ្នង ពិសេសបើអង្គុយក្នុងកាយវិការមួយមិនសមទំនង (ឱនទ្រោបរយៈពេលយូរ) កាន់តែធ្វើឲ្យឆ្អឹងខ្នងដុនដាបមិនខាន។
៤- បង្កអារម្មណ៍ច្រាសច្រាល និងព្រួយបារម្ភច្រើន
ការកើតឡើងអារម្មណ៍អស់ទាំងនេះ ក៏ព្រោះតែរាងកាយខកខានធ្វើសកម្មភាព ដូចនេះក្រោកឈរ ក្នុងចន្លោះពេលម្តងៗ និងធ្វើចលនាផ្សេងៗអាចកាត់បន្ថយអារម្មណ៍មិនល្អនេះបាន។
៥- ជំងឺបេះដូង
តាមទិន្នន័យនៃការស្រាវជ្រាវលើគ្នាយើងចូលចិត្តអង្គុយមើលទូរទស្សន៍យូរៗ ក្នុង១សប្តាហ៍ បានបង្ហាញថា អាចជួបប្រឈមអត្រាជំងឺបេះដូងដល់ទៅ ៦៤ភាគរយ បើប្រៀបទៅនឹងគ្នាយើងមិនសូវចំណាយពេលអង្គុយសម្លឹងអេក្រង់ទូរទស្សន៍រាប់ម៉ោង។
អត្ថបទពាក់ព័ន្ធ៖
- ការឈឺខ្នងចង្កេះ ៧ ប្រភេទ ស្រីៗឧស្សាហ៍ជួបប្រទះបំផុត
- ដោយសារខ្ជិលហាត់ប្រាណ ពលរដ្ឋអង់គ្លេសស្លាប់មួយឆ្នាំៗរាប់ម៉ឺននាក់
៦- ចលនាឈាមរត់មិនស្រួល
យើងអាចមិនចាប់អារម្មណ៍ អង្គុយយូរអាចបង្អាក់ដំណើរចលនាឈាមបញ្ចូនទៅកាន់អវៈយវៈជើង និងប្រអប់ជើង។ បើបណ្តោយមិនយកចិត្តទុកដាក់បញ្ហានេះ អាចបង្កបញ្ហាដល់សរសៃឈាម ហើមដោយសារឡើងឈាម រឹតតែអាក្រក់ទៅទៀតនោះ គឺដំណើរឈាមកក បណ្តាលមកពីការស្ទះសរសៃឈាម។
៧- ជំងឺទឹកនោមផ្អែម
ការសិក្សានៅឆ្នាំ ២០១៧ ធ្វើឡើងផ្អែកលើទំនាក់ទំនងអង្គុយរាប់ម៉ោង ទៅនឹងហានិភ័យជំងឺទឹកនោមផ្អែម។ លទ្ធផលបង្ហាញថា អង្គុយយូរៗ មិនសូវសកម្ម ពិតជាបង្កឲ្យកើតជំងឺនេះមែន នេះក៏ដោយសារតែ អសកម្មភាពបង្កឲ្យសាច់ដុំខ្សោយ ជាហេតុនាំឲ្យអាំងស៊ុយលីនខ្សោយ បង្កឲ្យកម្រិតជាតិស្ករនៅក្នុងខ្លួនខុសប្រក្រតី។ ដូចនេះ ការអង្គុយយូរៗ ពិតជាបង្កហានិភ័យជំងឺទឹកនោមផ្អែមផងដែរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
ត្រួតពិនិត្យដោយ
សន សុភា
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម