យើងម្នាក់ៗមានវិញ្ញាណដែលអាចឲ្យយើងដឹងរសជាតិ មើលឃើញ ស្ដាប់បាន និងដឹងក្លិនមកពីធម្មជាតិ។ ប៉ុន្តែវិញ្ញាណទាំងនេះ អាចបាត់បង់ទៅបានដោយហេតុផលណាមួយនៅក្នុងការរស់នៅជីវិតប្រចាំរបស់យើង។
មន្ទីរពេទ្យ កាល់ម៉ែត បានឲ្យដឹងថា ការបាត់បង់ក្លិនចែកចេញជា២ប្រភេទ បាត់បង់ក្លិនជាបណ្ដោះអាសន្ន និងការបាត់បង់ក្លិនជារៀងរហូត ហើយវាអាចបាត់បង់ក្លិនទៅលើច្រមុះតែម្ខាង ឬច្រមុះទាំងសងខាង។ មូលហេតុដែលបណ្ដាលឲ្យបាត់បង់ក្លិន អាចមកពីបញ្ហាប៉ុន្មានខាងក្រោម៖
– បញ្ហានៅលើផ្លូវដង្ហើម គឺក្នុងច្រមុះ (ឫសដូងច្រមុះ រលាកច្រមុះរ៉ាំរ៉ៃ ប្រើប្រាស់ថ្នាំផ្លូវចិត្ត ជក់បារី។ល។)
– បញ្ហាប៉ះពាល់សរីរាង្គវិញ្ញាណ (មានដុះដុំសាច់ ជំងឺប្រកាច់ វះកាត់ខួរក្បាល មានផ្ទៃពោះ ប្រើថ្នាំពន្យារកំណើត)។
ក្រៅពីនេះ ការបាត់បង់ក្លិន ក៏អាចបណ្ដាលមកពីការប្រែប្រួលនៅប្រព័ន្ធប្រសាទដែលទទួលក្លិនពីក្នុងច្រមុះ ស្ថិតនៅបាតឆ្អឹងលលាដ៍ក្បាលហើយបង្កបានជាការបាត់បង់ក្លិន ដែលភាគច្រើនដោយសាររបួសក្បាល។ ចំពោះក្មេងតូចៗ បញ្ហាបាត់បង់ក្លិនអាចជាវិបត្តិពីកំណើត ដោយសារគ្មានការលូតលាស់ដុំវិញ្ញាណផ្នែកដឹងក្លិន និងអាចមានផលប៉ះពាល់ជាមួយញាណរសជាតិដែរ។
អត្ថបទពាក់ព័ន្ធ៖ ច្រមុះលែងដឹងក្លិន អណ្ដាតលែងដឹងរសជាតិ អាចជារោគសញ្ញាឆ្លងវីរុស COVID-19
មន្ទីរពេទ្យ កាល់មែត បានបញ្ជាក់ផងដែរថា ថ្មីៗនេះ បើតាមការសិក្សារបស់ Pub Med អ្នកដែលបាត់បង់ក្លិន និងរសជាតិយ៉ាងរហ័សអាចជារោគសញ្ញា សង្ស័យជាអ្នកផ្ទុកមេរោគរលាកផ្លូវដង្ហើមថ្មី (COVID-19) ហើយយើងត្រូវប្រុងប្រយ័ត្ន និងយកចិត្តទុកដាក់ ជាពិសេសចំពោះកុមារ តែចំពោះមនុស្សពេញវ័យ នៅមិនទាន់មានការសិក្សាណាបញ្ជាក់ច្បាស់នៅឡើយ។
លើសពីនេះទៅទៀត ការបាត់បង់ក្លិន ក៏អាចផ្ដល់ផលប៉ះពាល់ដល់អ្នកជំងឺដែរ រួមមានបញ្ហាផ្លូវចិត្ត ទំនាក់ទំនងសង្គម ការងារប្រចាំថ្ងៃ និងការបរិភោគអាហារជាដើម។ ស្របពេលជាមួយគ្នាដែរ មន្ទីរពេទ្យ កាល់ម៉ែត ក៏បានឲ្យដឹងពីវិធីការពារ កុំឲ្យបញ្ហាបាត់បង់ក្លិនកើតឡើងបានដែរដូចជា៖
– ពាក់ម៉ាស់ការពារ ការចម្លងមេរោគតាមខ្យល់
- លាងសម្អាតរន្ធច្រមុះដោយសេរ៉ូមប្រៃ
- ចៀសវាងការប៉ះពាល់ ឬប្រឈមជាមួយសារធាតុ អាចឲ្យមានអាលែកហ្ស៊ី។
អត្ថបទពាក់ព័ន្ធ៖
- ច្រមុះយើងអាចដឹងក្លិន ១លានផ្សេងគ្នា និងមានចំណុចពិសេសច្រើនទៀត
- ក្លិនផ្កាម្លិះ ធ្វើឲ្យអារម្មណ៍ស្ងប់ អាចបង្ការជំងឺបាក់ទឹកចិត្ត
- កត្តាធំៗ៤យ៉ាង ជំរុញឲ្យកើតជំងឺមហារីកច្រមុះ
- ប្រយ័ត្នកុំលេងសើច! អាលែកហ្ស៊ីច្រមុះ អាចធ្វើឲ្យកើតហឺត
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Groupមិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
[embed-health-tool-vaccination-tool]
