ត្រចៀកជាសេរីរាង្គវិញ្ញាណមួយ ក្នុងចំណោមសេរីរាង្គទាំង៥ ដូចនេះការថែរក្សាសុខភាពសេរីរាង្គនេះគឺជារឿងសំខាន់ដែលមិនអាចប្រហែសបាន។ តាមរយៈសមាគមអ្នកជំនាញឯកទេសផ្នែកត្រចៀក ឈ្មោះថា EarQ នៃសហរដ្ឋអាមេរិក បានចែករំលែកជាគន្លឹះខ្លះៗ សម្រាប់ការថែទាំត្រចៀក ឱ្យនៅសុខភាពល្អប្រសើរ៖

១. ចៀសវាងសន្ទនាឆ្លើយឆ្លងនៅកន្លែងលាន់សំឡេងខ្លាំង

កន្លែងបំពុលសំឡេងខ្លាំង អាចមានដូចជាតំបន់រោងចក្រ ព្រលានយន្តហោះ ក្លិបកម្សាន្តរាត្រី កន្លែងជប់លៀង ដែលអាចបង្កសំឡេងឮខ្លាំងៗ ដូចនេះការចៀសវាងសន្ទនាឆ្លើយឆ្លងយូរម៉ោងនៅទីនោះជាជម្រើសល្អ សម្រាប់ត្រចៀក។ បន្ថែមពីនោះក្នុងករណីចៀសពុំបាន យើងក៏អាចរកឧបករណ៍ពាក់ត្រចៀក(ស្រដៀងកាសស្តាប់) ពាក់ដើម្បីច្រោះបន្ថយសម្ពាធសំឡេងលាន់រំពងទាំងនោះ។

អត្ថបទពាក់ព័ន្ធ៖

២. ប្រើកាសស្តាប់សំឡេងក្នុងកម្រិតល្មម

យោងតាមការឱ្យដឹងពីអង្គការសុខភាពពិភពលោក (WHO) យុវជន រួមទាំងយុវវ័យក្មេងៗក្បែរ ១ពាន់លាននាក់ មានបញ្ហាស្តាប់ពុំសូវឮ ដោយសារការប្រើប្រាស់កាសស្តាប់ ឬឧបករណ៍ស្តាប់ពុំបានត្រឹមត្រូវ។ ជាការណែនាំពីអ្នកជំនាញ ការស្តាប់សំឡេងពីឧបករណ៍អេឡិចត្រូនិក គឺជាទូទៅមិនឱ្យលើសពី៦០% នៃកម្រិតសំឡេងរបស់ឧបករណ៍ស្តាប់ និងមិនគួរលើសពី៦០នាទីក្នុងរយៈពេល១ថ្ងៃ។

៣. ឱ្យត្រចៀកយើងបានសម្រាកខ្លះ

ប្រសិនបើយើងនៅកន្លែងដែលមានសំឡេងរំខានខ្លាំងជាប់រយៈពេលយូរ ដូចជានៅកន្លែងព្រឹត្តិការណ៍តន្រ្តី កន្លែងជួបជុំកម្សាន្តសំឡេងអ៊ូអរខ្លាំង ដូចនេះ យើងអាចរកពេលសម្រាកត្រចៀកខ្លះ ដោយក្នុងរយៈពេលសម្រាកជាញឹកញាប់នោះ គឺអាចមានរយៈពេល៥នាទី។ បន្ថែមពីនោះ ការសិក្សាបានបង្ហាញថា ក្រោយពេលត្រចៀកយើងរងសំឡេងខ្លាំង គួររកពេលសម្រាកក្នុងទីកន្លែងស្ងប់ស្ងាត់ ក្នុងរយៈពេលប្រហែល១៦ម៉ោង ដើម្បីត្រចៀកបានសម្រាក និងមានដំណើរការល្អឡើងវិញ។

៤. គួរពិចារណាឈប់ប្រើសំឡីត្បាល់ត្រចៀក

សឹងតែជារឿងធម្មតាទៅហើយ ដែលគ្នាយើងច្រើនយកសំឡីត្បាល់ត្រចៀក សម្អាតត្រចៀក និងអាចម៍ត្រចៀកចេញ ប៉ុន្តែគ្រូពេទ្យជាច្រើន មិនណែនាំឱ្យធ្វើបែបនេះឡើយ។ តាមពិតសេរីរាង្គត្រចៀកជាសេរីរាង្គពិសេសមួយដែលអាចសម្អាតដោយខ្លួនឯង ហើយ អាចម៍ត្រចៀកគឺជាចំណែកសំខាន់មួយក្នុងត្រចៀកដើម្បីទប់មិនឱ្យធូលី ឬធាតុតូចៗបង្កបញ្ហាផ្សេងៗចូលត្រចៀកបានឡើយ។ ម្យ៉ាងការត្បាល់សម្អាតត្រចៀកពេលខ្លះអាចបណ្តាលឱ្យប៉ះពាល់ដល់ផ្នែកខាងក្នុងត្រចៀក ដែលគ្រូពេទ្យមិនណែនាំឱ្យប៉ះពាល់ទៀតផង (ងាយរលាក)។

៥. ប្រើប្រាស់ថ្នាំតាមការណែនាំជានិច្ច

នៅពេលមានបញ្ហាអ្វីមួយទៅលើត្រចៀក យើងគួរស្វែងរកពេទ្យជំនាញដើម្បីពិគ្រោះយោបល់ ម្យ៉ាងទៀតការប្រើប្រាស់ថ្នាំផ្សេងៗទៅលើសេរីរាង្គនេះ គឺគួរគប្បីធ្វើតាមវេជ្ជបញ្ជារបស់វេជ្ជបណ្ឌិតឯកទេស ដើម្បីសុខភាពសេរីរាង្គត្រចៀក និងសម្រាប់ស្តាប់សូរសំឡេងនេះបានប្រសើរ៕

ការពារ និងថែរក្សាត្រចៀកកុំឲ្យមានបញ្ហា ត្រូវដឹង​តិចនិកមួយចំនួននេះ

១. ចៀស​វាង​​សន្ទនា​ឆ្លើយ​ឆ្លង​នៅ​កន្លែង​​​លាន់​សំឡេង​ខ្លាំង​

២. ប្រើ​​​​កាស​​ស្តាប់​​​សំឡេង​ក្នុង​កម្រិត​ល្មម

៣. ឱ្យ​ត្រចៀក​យើង​បាន​សម្រាក​ខ្លះ​

៤. គួរ​ពិចារណា​ឈប់​ប្រើសំឡី​ត្បាល់​ត្រចៀក

៥. ប្រើ​ប្រាស់​ថ្នាំ​តាម​ការ​ណែ​នាំ​ជា​និច្ច

ការពារ និងថែរក្សាត្រចៀកកុំឲ្យមានបញ្ហា ត្រូវដឹងតិចនិកមួយចំនួននេះ

១. ចៀសវាងសន្ទនាឆ្លើយឆ្លងនៅកន្លែងលាន់សំឡេងខ្លាំង

២. ប្រើកាសស្តាប់សំឡេងក្នុងកម្រិតល្មម

៣. ឱ្យត្រចៀកយើងបានសម្រាកខ្លះ

៤. គួរពិចារណាឈប់ប្រើសំឡីត្បាល់ត្រចៀក

៥. ប្រើប្រាស់ថ្នាំតាមការណែនាំជានិច្ច