មិនថាតែមនុស្សធំទេ កូនក្មេងក៏មានអាចម៍ត្រចៀកដែរ ក្មេងខ្លះមានអាចម៍ត្រចៀករាវ ឯខ្លះទៀតអាចម៍ត្រចៀករឹង។ ពេលត្រចៀកកូនមានអាចម៍ ម៉ាក់ៗតែងយកសំឡីត្បារត្រចៀកទន់ទៅត្បារដើម្បីសម្អាត តែតាមក្បួនពេទ្យមិនតម្រូវឲ្យត្បារត្រចៀកនោះទេ។
មាតិកា
កូនតូចគួរត្បារយកអាចម៍ត្រចៀកចេញអត់ ហេតុអី?
មិនថា កូនក្មេង ឬមនុស្សចាស់នោះទេ ដាច់ខាត់មិនត្រូវត្បារត្រចៀកនោះទេ កាលណាយើងរបស់អ្វីមួយទៅត្បារត្រចៀក គឺដូចយកមេរោគទៅចូលក្នុងត្រចៀកកណ្តាល។ នេះបើតាមការអះអាងរបស់លោកវេជ្ជបណ្ឌិត ហម សីលា ឯកទេសត្រចៀក ច្រមុះ បំពង់ក នៃមន្ទីរពេទ្យព្រះអង្គឌួង។
ត្រចៀកបែងចែកចេញជា ៣ ទី១ ជាត្រចៀកផ្នែកខាងក្រៅ ដែលមានស្លឹកត្រចៀក និងរន្ធត្រចៀក ទី២ ត្រចៀកកណ្តាល មានកូនឆ្អឹងសម្រាប់បំពងសំឡេង អាចធ្វើឲ្យឮសំឡេង ហើយមានរន្ធមួយចេញពីត្រចៀកកណ្តាលចូលមកបំពង់ក និងទី៣ ត្រចៀកផ្នែកខាងក្នុង ដែលមានតួនាទីស្តាប់ ធ្វើឲ្យខ្លួនយើងមានលំនឹង។
លោកវេជ្ជបណ្ឌិត ឯកទេសត្រចៀក រូបនេះ បន្ថែមថា ការយកអ្វីមួយទៅត្បារ មិនថាសំឡី ឬរបស់រឹងៗនោះទេ អាចធ្វើឲ្យដាច់រហែកក្រដាសត្រចៀក និងអាចប៉ះពាល់ដល់ការស្តាប់ឮ ឬថ្លង់។ កាលណាយើងសម្អាតត្រចៀករៀងរាល់ថ្ងៃ ធ្វើឲ្យរមាស់ ងាយនឹងកើតផ្សិត។
អត្ថបទពាក់ព័ន្ធ៖
ចុះបើមិនឲ្យត្បារត្រចៀកសោះ បើត្រចៀកកូនមានអាចម៍ត្រចៀកច្រើនអាចប៉ះពាល់ដល់ត្រចៀកទេ? លោកវេជ្ជបណ្ឌិត ហម សីលា បកស្រាយថា កូនក្មេងមានអាចម៍ត្រចៀកច្រើនអាចធ្វើឲ្យហឹង ស្តាប់មិនបាន ឬពេលខ្លះឈឺ តែយើងមិនត្រូវត្បារ ឬឆ្កឹះដោយខ្លួនឯងនោះទេ ត្រូវមកជួបគ្រូពេទ្យឯកទេសដើម្បីបូមលាងសម្អាតអាចម៍ត្រចៀកចេញ។ ក្នុងករណីអាចម៍ ត្រចៀកកូនរឹង គ្រូពេទ្យនឹងដាក់ថ្នាំបន្តក់សម្រាប់រំលាយអាចម៍ត្រចៀក ដើម្បីឲ្យអាចម៍ត្រចៀកទន់ ធ្លាក់ចេញមកក្រៅដោយខ្លួនឯង។
រន្ធត្រចៀកមានក្រពេញសម្រាប់បង្កើតអាចម៍ត្រចៀក មានតួនាទីការពារត្រចៀកពីមេរោគ ហេតុនេះហើយម៉ាក់ប៉ាមិនត្រូវត្បារយកអាចម៍ត្រចៀកនោះទេ តែអាចផ្តិតត្រចៀកកូនក្រោយងូតទឹករួចនៅផ្នែកខាងក្រៅត្រចៀក។
- ចង់បានកូនប្រុស ឬកូនស្រី? អាចសាកល្បងវិធីនេះបាន
- ប៉ាម៉ាក់ការពារកូនជ្រុលផ្ដល់ផលប៉ះពាល់ ៤ យ៉ាងដល់កូន
- កូនអាលែកហ្ស៊ីនឹងទឹកដោះគោ ម៉ាក់ៗមានជម្រើសអ្វីឲ្យកូនបៅ?
- ទម្លាប់ស្រែកគំហកដាក់កូន អាចជះឥទ្ធិពលលើផ្លូវចិត្តកូន៤យ៉ាង
បដិសេធ
Hello Health Group និង “Hello គ្រូពេទ្យ” មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
Dealing With Earwax (for Parents) – https://kidshealth.org/en/parents/earwax.html#:~:text=Usually%2C%20there’s%20no%20need%20to,be%20used%20to%20remove%20earwax.
Earwax Blockage in Children: Care Instructions – https://myhealth.alberta.ca/Health/aftercareinformation/pages/conditions.aspx?hwid=bz1125
Cleaning your baby’s ears, eyes and nose – https://www.pregnancybirthbaby.org.au/cleaning-your-babys-ears-eyes-and-nose
Earwax Buildup – https://www.seattlechildrens.org/conditions/a-z/earwax-buildup/
How to Safely Clean Your Child’s Ears – https://www.choa.org/parent-resources/everyday-illnesses/ear-cleaning-in-kids
កំណែប្រែបច្ចុប្បន្ន
13/10/2022
អត្ថបទដោយ ដេត ធន្នី
ត្រួតពិនិត្យដោយ វេជ្ជ. ចាន់ ស៊ីណេត
បច្ចុប្បន្នភាពដោយ៖ ជីព ចិត្ត
ត្រួតពិនិត្យដោយ
វេជ្ជ. ចាន់ ស៊ីណេត
ឯកទេសសម្ភព និងរោគស្ត្រី · មន្ទីរពេទ្យបង្អែកមិត្តភាពកម្ពុជា-ចិន សែនសុខ
ផ្សព្វផ្សាយពាណិជ្ជកម្មតើអត្ថបទនេះមានប្រយោជន៍ដែរទេ?
ផ្សព្វផ្សាយពាណិជ្ជកម្មផ្សព្វផ្សាយពាណិជ្ជកម្ម